Fréttablaðið - 25.02.2007, Blaðsíða 4

Næstum jafn-
margir segjast nú myndu kjósa
Samfylkingu og Vinstri græn, sam-
kvæmt nýrri skoðanakönnun
Fréttablaðsins, um 24 prósent.
Samfylking mælist með örlítið
meira fylgi en Vinstri græn. 24 pró-
sent segjast myndu kjósa flokkinn,
sem er tæpum fjórum prósentu-
stigum minna en í könnun blaðsins
sem birt var 11. febrúar. Í síðustu
kosningum hlaut flokkurinn 30,9
prósent atkvæða og 20 þingmenn
kjörna, en þingmenn flokksins eru
nú nítján, fjórum fleiri en flokkur-
inn fengi kjörna nú samkvæmt
könnuninni. Vikmörk eru fjögur
prósentustig. Heldur fleiri konur
en karlar segjast myndu kjósa Sam-
fylkingu, 25,9 prósent kvenna og
22,5 prósent karla. Þá er fylgi
flokksins aðeins meira á höfuð-
borgarsvæðinu en á landsbyggð-
inni.
Fylgi Vinstri grænna mælist nú
23,5 prósent, sem er nánast sama
fylgi og flokkurinn mældist með í
síðustu könnun blaðsins. Vikmörk
reiknast fjögur prósentustig. Flokk-
urinn hlaut 8,8 prósent atkvæða í
kosningunum 2003 og fimm þing-
menn kjörna. Þingmenn Vinstri
grænna myndu því fjölga um tíu,
yrði niðurstaða kosninga í sam-
ræmi við þessa könnun.
Heldur fleiri konur en karlar
styðja Vinstri græn, 26,4 prósent
kvenna en 21,2 prósent karla. Þá
eru heldur fleiri á höfuðborgar-
svæðinu sem styðja flokkinn en
íbúar landsbyggðarinnar.
Fylgi við Framsóknarflokkinn
hefur rúmlega tvöfaldast frá síð-
ustu könnun blaðsins og mælist nú
8,8 prósent. Fengi flokkurinn sam-
kvæmt því fimm þingmenn kjörna.
Vikmörk reiknast 2,6 prósentustig.
Í síðustu kosningum hlaut flokk-
urinn 17,7 prósent atkvæða og tólf
þingmenn kjörna, sjö fleiri en
Framsóknarflokkurinn fengi sam-
kvæmt þessari könnun. Framsókn-
arþingmennirnir eru nú ellefu.
Lítill munur er á stuðningi við
Framsóknarflokkinn eftir kyni, en
nokkuð mikill eftir búsetu. Þannig
segjast 14,9 prósent íbúa utan höf-
uðborgarsvæðisins myndu kjósa
Framsóknarflokkinn, en 4,9 pró-
sent íbúa á höfuðborgarsvæðinu.
Fylgi Frjálslynda flokksins
dalar enn frá síðustu könnun blaðs-
ins og segjast nú 6,1 prósent myndu
kjósa flokkinn, í stað 7,3 prósenta.
Vikmörk mælast 2,2 prósentustig.
Samkvæmt því myndi flokkurinn
fá fjóra þingmenn kjörna, líkt og í
síðustu kosningum þegar Frjáls-
lyndi flokkurinn hlaut 7,4 prósent
atkvæða. Það er einum þingmanni
færra en flokkurinn hefur nú.
Nokkuð fleiri karlar en konur
segjast myndu kjósa Frjálslynda
flokkinn. 7,4 prósent karla og 4,6
prósent kvenna. Þá er staða flokks-
ins aðeins sterkari á landsbyggð-
inni þar sem 6,9 prósent segjast
myndu kjósa flokkinn, en á höfuð-
borgarsvæðinu, þar sem 5,6 pró-
sent styðja frjálslynda.
Fylgi Sjálfstæðisflokksins
breytist ekki frá síðustu könnun
blaðsins. Nú segjast 36,9 prósent
myndu kjósa flokkinn og myndi
flokkurinn samkvæmt því fá 24
þingmenn kjörna. Vikmörk reikn-
ast 4,5 prósentustig. Í síðustu kosn-
ingum hlaut flokkurinn 33,7 pró-
sent atkvæða og 22 þingmenn
kjörna. Sjálfstæðismenn eru nú 23.
Heldur fleiri karlar en konur
styðja Sjálfstæðisflokkinn. 39,6
prósent karla segjast myndu kjósa
flokkinn, en 33,5 prósent kvenna.
Þá er stuðningur við flokkinn held-
ur meiri á höfuðborgarsvæðinu,
39,7 prósent, en á landsbyggðinni.
32,6 prósent.
Samanlagt fylgi við ríkisstjórn-
arflokkana tvo er nú 45,7 prósent
og fengju flokkarnir samanlagt 29
þingmenn kjörna.
Hringt var í 800 kjósendur laug-
ardaginn 24. febrúar og skiptust
svarendur jafnt eftir kyni og hlut-
fallslega eftir kjördæmum. Spurt
var: Hvaða lista myndir þú kjósa ef
gengið yrði til þingkosninga nú?
Alls 55,3 prósent aðspurðra tóku
afstöðu til spurningarinnar. 33,8
prósent sögðust óákveðin. 5,1 pró-
sent sögðust ekki ætla að kjósa eða
skila auðu og 5,9 prósent neituðu að
gefa upp svar sitt.
Sturla Böðvarsson
samgönguráðherra gerir engar
athugasemdir við álit umboðs-
manns Alþingis þess efnis að
óheimilt hafi verið að innheimta
endurnýjunargjald vegna einka-
númera bifreiða.
„Ég tel álitið vera eðlilegt og
mun að sjálfsögðu bregðast við
því. Málið verður tekið upp og það
er nú þegar búið að skrifa bréf til
Umferðarstofu. Í því er henni falið
að framkvæma nauðsynlegar ráð-
stafanir í samræmi við athuga-
semdir umboðsmanns. Það felur
væntanlega í sér endurgreiðslur
til þeirra sem þegar hafa greitt
gjaldið.“
Hægt hefur verið að fá sérstök
einkanúmer á bifreiðar hér síðan
1996. Endurnýjunargjaldið átti að
greiðast á átta ára fresti og því
mun það hafa verið innheimt frá
árinu 2004. Sturla segir því ekki
um háar fjárhæðir að ræða og að
væntanleg endurgreiðsla muni ná
til tiltölulega fárra einstaklinga.
Einar Magnús Magnússon, upp-
lýsingafulltrúi Umferðarstofu,
segir að sjálfsögðu verða farið að
tilmælum sem berist úr ráðuneyt-
inu. „Okkur er ljúft og skylt að
fara eftir þeim breyttu reglum
sem ráðuneytið boðar. Það höfum
við gert hingað til og á því verður
engin breyting.“
Gjöldin líklega endurgreidd
Þrír piltar og ein
stúlka voru handtekin af lögregl-
unni á Akureyri í fyrrakvöld,
grunuð um innbrot í verslun í
Grenivík. Í fórum þeirra fannst
nokkuð af þýfi.
Fólkið er allt undir tvítugu og
tveir piltanna undir átján ára
aldri.
Að sögn lögreglu leikur grunur
á að þau kunni að tengjast fleiri
innbrotum. Tvö af ungmennunum
voru látin laus í gær en lögreglu
þótti ástæða til að halda tveimur
piltanna áfram. Þeir eru góðkunn-
ingjar lögreglunnar. Málið er í
rannsókn.

Ungmenni grun-
uð um innbrot
Framsókn réttir úr kútnum
Rúmlega helmingi fleiri segjast myndu kjósa Framsóknarflokkinn nú en í síðustu könnun Fréttablaðsins,
en myndi samt missa rúmlega helming af fylgi sínu frá síðustu kosningum. Frjálslyndir mælast nú minnst-
ir og segjast rúm sex prósent myndu kjósa flokkinn. Samfylking dalar frá síðustu könnun.
Loðnuskipið Antares frá
Vestmannaeyjum varð vélarvana
um hádegi í gær með þrettán
manna áhöfn um borð.
Skipið var um sex sjómílur
norður af Óðinsboða á Húnaflóa
og rak í átt að boðanum. Skip
Landhelgisgæslunnar voru ekki
nálæg og var kölluð út þyrla og
björgunaraðgerðir skipulagðar. Til
happs varð að áhöfn Antares náði
sambandi við togarann Frosta frá
Grenivík sem tók skipið í tog.
Skipin eru á leið til Þórshafnar og
tekur förin um tvo sólarhringa.
„Það er góð stemning um borð
þrátt fyrir allt, við vonumst samt
til þess að fara að ná inn sjón-
varpi,“ segir Pétur Eyjólfsson, úr
áhöfn Antares.
Á leið í land eft-
ir hrakningar
Verkfræðingar vinna
nú að því að koma 1.500 steypu-
boltum ofan í virkan eldfjallagíg.
Hver bolti vegur 250 kg.
Fyrir níu mánuðum hóf gígur-
inn að spúa drullu yfir nærliggj-
andi olíuakra og þorp. 13.000
manns hafa flúið heimili sín og
margir af helstu vegum til næst-
stærstu borgar Indónesíu, Sura-
baya, hafa lokast.
Boltarnir eiga að hindra flæði
drullunnar en margir hafa efast
um ágæti áætlunarinnar. Þrýst-
ingurinn gæti fundið sér aðra leið
út og engin leið að spá fyrir um
hvar það yrði.
Sementsboltar
ofan í eldfjall