Fréttablaðið - 25.02.2007, Blaðsíða 28

Til að auðvelda starfsleit
er mikilvægt að hafa
jákvætt hugarfar og vera
meðvituð um eigin kosti
og hæfileika.
Hrefna Guðmundsdóttir,
stjórnmálafræðingur, rekur
fyrirtækið ferilskra.is en þar
sér hún meðal annars um
gerð ferilskráa fyrir atvinnu-
leitendur. Hrefna er því
ýmsum hnútum kunnug um
hvernig á að bera sig að
þegar leitað er að rétta starf-
inu.
„Fyrir utan það hafa feril-
skrána í góðu lagi þarf fólk
að gera sér góða grein fyrir
því hvar áhugasvið þeirra
liggur. Vera búið að átta sig
á hæfileikum sínum og
hverju það hefur áhuga á.
Annars er hætt við að það
vaði bara út í bláinn og taki
hvaða starfi sem er sem
endar oftast með stuttu
stoppi í viðkomandi starfi.
Til að gera sér grein fyrir
hæfileikum og hvað maður
vill gera er til dæmis hægt
að tala við vini og vanda-
menn, hringja í fyrirtæki og
fá að koma til að kynna sér
störf, taka til dæmis upplýs-
ingaviðtöl við fólk sem vinn-
ur í áhugaverðu starfi og
annað í þeim dúr. Svo er að
skrá sig á allar atvinnumiðl-
anir og skoða hvað er í boði.
Eins er jákvætt að hafa sam-
band við fyrirtækin að fyrra
bragði. Bíða ekki bara eftir
því að haft sé samband við
þig heldur hringja í fyrir-
tæki sem virðast áhugaverð
og fá að tala þar við stjórn-
endur. Senda svo inn umsókn
og minna reglulega á sig í
kjölfarið,“ segir Hrefna.
Margir Íslendingar hafa
unnið ótalmörg störf frá
unga aldri, er nauðsynlegt að
setja allt í ferilskrána?
„Nei, það myndi ég alls
ekki segja. Þetta fer eftir því
hverskonar starfi er verið að
leita að, hvað fer í feril-
skrána. Á sama tíma er óþarfi
að fara lengra aftur en tíu til
fimmtán ár, nema það komi
starfinu sem verið er að
sækjast eftir eitthvað sér-
staklega við. Þannig er hægt
að leggja góða áherslu á sumt
en sleppa því að tíunda annað.
Ef þessi störf eru viðkom-
andi ekki til framdráttar þá
er allt í lagi að sleppa því að
segja frá þeim og það er
engum ógreiði gerður með
því. Sumir vilja tíunda hvert
einasta atriði í ferilskránni,
en það vill gera hana langa og
flókna og nánast ólæsilega.
Hnitmiðuð og skýr ferilskrá
er mun betri fyrir atvinnu-
rekendur að skilja,“ segir
Hrefna og bætir því við að
fólk megi líka vera jákvætt í
eigin garð. „Flestir hafa góða
reynslu að baki, menntun,
hæfileika eða annað sem er
þeim til framdráttar en marg-
ir eru oft ekki nægilega með-
vitaðir um það. Þannig draga
margir úr eigin ágæti án þess
að nokkur ástæða sé til og
því er um að gera að vera
jákvæð í eigin garð. Á sama
tíma er vissulega gott að átta
sig á eigin veikleikum og
reyna um leið að bæta úr því
með því að fara á námskeið
eða gera annað til að styrkja
þau svið sem úr má bæta en
um leið er áríðandi að muna
hvað maður getur og að allir
hafa góða eiginleika og hæfi-
leika,“ segir atvinnuleitar-
sérfræðingurinn Hrefna
Guðmundsdóttir að lokum.
-mhg
Ekki setja allt á
ferilskrána
Grundartanga • 301 Akranesi • Sími 430 1000 • Fax 430 1001 • nordural@nordural.is • www.nordural.is
Norðurál
Hjá okkur starfa nú um 400 manns að margvíslegum verkefnum. Norðurál framleiðir árlega
220.000 tonn af áli til útflutnings og unnið er að stækkun álversins sem felur í sér að
framleiðslugetan verður aukin í 260.000 tonn á þessu ári.
Verkfræðingur á framleiðslusviði
Viðkomandi vinnur náið með framkvæmdastjóra sviðsins, öðrum sérfræðingum
og vaktstjórum. Starfið felst í greiningu og stýringu kera, umsjón með stoðkerfum
framleiðslunnar, þátttöku í stefnumótun framleiðslusviðs og sameiginlegum verkefnum
milli deilda. Hér gefst færi á að taka þátt í spennandi uppbyggingar- og þróunarstarfi.
Nánari upplýsingar veitir Gauti Höskuldsson, yfirverkfræðingur á framleiðslusviði.
Fulltrúi í innkaupadeild
Við óskum eftir að ráða duglegan einstakling í innkaupadeild. Starfið felur m.a. í sér
tollafgreiðslur í inn- og útflutningi, stjórn og eftirlit með gámaflæði á svæði fyrirtækisins,
kostnaðareftirlit og önnur tilfallandi störf innan innkaupadeildar. Hér gefst færi á að
sinna fjölþættum verkefnum og vaxa í starfi .
Við erum að leita að talnaglöggum einstaklingi með haldgóða tölvuþekkingu og reynslu
af sambærilegum störfum. Heppilegt er að umsækjandi geti hafið störf fl jótlega.
Nánari upplýsingar veitir Aksel Jansen, innkaupastjóri.
Jafnrétti
Við leggjum áherslu á jafna möguleika karla og kvenna til að starfa hjá Norðuráli.
Hvernig sækir þú um?
Vinsamlega sendu okkur umsókn þína fyrir 12. mars n.k.
Þú getur sótt um á vef fyrirtækisins www.nordural.is, sent umsókn þína á netfangið
umsokn@nordural.is eða póstlagt umsóknina merkta:
Verkfræðingur á framleiðslusviði eða Fulltrúi í innkaupadeild.
Trúnaður
Við förum með umsókn þína og allar upplýsingar sem trúnaðarmál. Öllum umsóknum verður svarað.
Norðurál óskar að ráða öflugt fólk í eftirtalin störf:
Verkfræðingur
Innkaupafulltrúi
A
ug
l.
Þó
rh
ild
ar
2
2
0
0
.3
4
5
Skólaskrifstofa
S E L T J A R N A R N E S B Æ R
Leikskólinn Mánabrekka
Mötuneyti
Laust er til umsóknar starf í
eldhúsi í Leikskólanum
Mánabrekku Seltjarnarnesi.
Leikskólinn leggur sérstaka áherslu á
umhverfis- og náttúruvernd og er einn
fárra leikskóla sem hlotið hafa
Grænfánann.
Vinnutími er frá kl. 8:00 til 16:00.
Starfsmaður þarf að geta leyst
matreiðslumann af í fjarveru hans.
Áhugasamir hafi samband við
Guðbjörgu Jónsdóttur, leikskólastjóra
eða Otta Kristinsson matreiðslumann í
síma 5959-280, sem veita allar nánari
upplýsingar.
Landform óskar eftir starfsfólki með skapandi hugsun og frumkvæði.
Mörg áhugaverð og krefjandi verkefni í vinnslu og undirbúningi. Leitað
er að landslagsarkitekt, skipulagsfræðingi eða arkitekt með reynslu af
skipulags- og byggingarmálum. Landform fyrirhugar að setja upp
starfsstöð á höfuðborgarsvæðinu og í tengslum við hana að ráða
verkefnisstjóra. Umsækjendur þurfa að hafa góða kunnáttu á Autocad
eða hliðstæðum teiknikerfum. Skrifleg umsókn sendist Landform ehf.
Austurvegi 6, 800 Selfossi fyrir 7. mars 2007. Hafa má samband við
Odd Hermannsson og farið verður með allar umsóknir sem
trúnaðarmál. Sjá heimasíðu Landform,
Landform er 13 ára ráðgjafafyrirtæki sem vegna ört vaxandi verkefna fyrirhugar að
setja upp starfsstöð á höfuðborgarsvæðinu sem bjóða mun alhliða ráðgjöf á sviði
landslagsarkitektúrs og skipulags- og byggingarmála. Jafnframt er þörf fyrir aukin
starfskraft á skrifstofu Landform á Selfossi vegna aukinna verkefna á landsbyggðinni