Fréttablaðið - 03.03.2007, Síða 71

Jóna Ingibjörg segir hæpið að
stimpla kynferðislega opinskátt
efni sem vont. Efnið geti hjálpað
fólki að yfirvinna kvíða og kona
sem aldrei hefur upplifað kynferð-
islega fullnægingu líkamlega
getur með því að horfa á kynferð-
islega opinskátt efni sem er að
hennar skapi, slakað þannig á að
hún fái fullnægingu og þá í ein-
rúmi. Þannig hverfur kvíðinn, hún
sleppir taki af hugsunum um hvort
hún sé að standa sig eða að fá það
og losar um öll höft. Þetta nefnir
Jóna Ingibjörg meðal annars sem
jákvæðar hliðar þessa efnis sem á
svo undir högg að sækja. „Þetta
efni er kynferðislega örvandi og
það er ekkert skrítið að fólki þyki
það skemmtilegt, þannig lagað.
Engu að síður eru til að mynda
Neytendasamtökin með hulu fyrir
augunum hvað varðar að fylgjast
með þessum iðnaði og passa upp á
rétt neytenda. Hér eru seld stinn-
ingarkrem sem virka ekki, full-
nægingarkrem eru keypt af konum
með fullkomlega heilbrigða slím-
húð og gott blóðrásarkerfi og
myndir sem þú getur keypt úti í
búð eru með rangar innihaldslýs-
ingar. Ef við erum ósátt við það
kynferðislega opinskáa efni sem í
boði er, eigum við einfaldlega að
heimta betra efni. Við höfum þann
rétt líka.“
Undanfarið hafa hræðileg mál er
tengjast kynferðislegri misnotkun
tröllriðið fjölmiðlum. Má þar nefna
misnotkun drengja í Breiðavík
sem og þá misnotkun er átti sér
stað í Byrginu. Heldur Jóna Ingi-
björg að þau mál hafi haft einhver
áhrif á það hvernig þjóðarsálin tók
í það að hingað til lands væri að
koma hópur fólks sem hefði eitt-
hvað með klámiðnaðinn að gera?
„Jú, eflaust. Það verður forvitni-
legt að skoða þeta þegar fram líða
stundir, þegar fólk fer að melta
þetta hvað hafi verið í gangi. Var
þjóðin í sárum eða var þetta hávær
hópur minnihlutans en ekki þjóð-
arsálin sem talaði? Sá hópur náði
að minnsta kosti að fá fjölmiðla og
stjórnmálamenn á sitt band sem er
algjört einsdæmi. Kannski hefur
það eitthvað með komandi kosn-
ingar að gera. En ég verð að segja
að í umræðunni afhjúpuðu nokkrir
róttækir femínistar hér á landi
mikla fáfræði og fordóma um kyn-
hegðun mannsins. Þessi hópur
hefur verið iðinn við það að kenna
fólki grunnatriðin í kynjafræði en
mér finnst að sjálfir ættu þeir að
kynna sér sömu grunnatriði í kyn-
fræði síðustu áratuga.“ Jóna segir
ritskoðun og netlögguleik geta haft
alvarlegar afleiðingar. Með því sé
auðveldara að ráðast gegn baráttu
annarra minnihlutahópa fyrir til-
verurétti sínum, svo sem homma
og lesbía, og einnig er hætt við að
erfiðara yrði fyrir fólk að afla sér
upplýsinga um kynlíf. „Af hverju
ekki frekar að draga efnið sjálft
inn í umræðuna, án fordóma. Ræða
hvað við viljum sjá í myndefni af
þessu tagi og skoða þarfir hvers og
eins. Það er erfitt að ákveða hvað
er normal og hvað er ekki normal
og við hvað á eiginlega að miða?
Trú, algengi, tölfræði? Það er ekki
hægt. Gaman væri að sjá einhverja
taka sig til og framleiða efni sem
leiftrar af kímni, kátínu, holdi og
ástríðu.“