Fréttablaðið - 10.06.2007, Síða 71

Hljómsveitin Ampop notaðist við
svokallaða „green screen“-tækni
við upptökur á nýjasta myndbandi
sínu, við lagið Gets Me Down. Er
það að finna á plötunni Sail to the
Moon sem kom út fyrir síðustu jól.
Æskufélagi Birgis og Kjartans úr
Ampop, Arnar Ívarsson, leikstýrði
myndbandinu. „Hann er búinn að
vera ofboðslegur Star Wars-aðdá-
andi frá blautu barnsbeini. Hann
hefur verið að gera litlar mynd-
ir sem styðjast við sömu tækni-
brellur. Það má segja að hann sé af
tækniskólanum,“ segir Birgir. „Það
var ákveðið að fara þessa „green
screen“-leið sem er sama tækni og
er notuð af Spielberg og félögum,
þannig að við vorum í góðum hönd-
um.“
Að sögn Birgis tóku upptökur
á myndbandinu einn dag en eftir-
vinnslan tók töluvert lengri tíma
en þeir félagar bjuggust við. „Smá-
skífan kom út í lok nóvember í
fyrra og við ætluðum að ná þessu
upp úr áramótunum en tæknivinn-
an og metnaður leikstjórans var
svo mikill að þetta var bara að
detta inn í seinustu viku.“ Birgir
tekur þó fram að biðin hafi verið
þess virði og rúmlega það. „Ég
er alltaf að ganga sama veginn í
myndbandinu en textinn fjallar um
endurtekningarnar í lífinu, að fest-
ast í sama farinu og ná sér ekki út
úr því. Vídeóið gengur út á það.“
Ampop spilar hérna heima á þjóð-
hátíðardaginn 17. júní og seinna í
sumar stefnir sveitin á tónleika-
hald í Manchester og hugsanlega í
London.
Ampop notar Star Wars-tækni
Leikstjórinn Spike Lee ætlar að
gera kvikmynd til heiðurs þeim
þeldökku bandarísku hermönn-
um sem börðust í síðari heims-
styrjöldinni.
„Ég hitti þeldökkan fyrrverandi
hermann um daginn sem barð-
ist í bardaganum um Iwo Jima og
honum sárnaði að hafa ekki fund-
ið einn einasta þeldökkan mann í
báðum myndum Clint Eastwood,“
sagði Lee. Átti hann þar við mynd-
irnar Flags of Our Fathers og Lett-
ers From Iwo Jima sem voru að
hluta til teknar upp hér á landi.
Lee bætti því við að þrátt fyrir
að hinir þeldökku hafi orðið fyrir
kynþáttafordómum í heima-
landinu hafi þeir barist í stríð-
inu eins og sannar hetjur. „Þeir
hegðuðu sér eins og föðurlands-
vinir á meðan bræður þeirra voru
lamdir, eða í besta falli álitnir
annars flokks borgarar.“
Mynd Lee verður byggð á
skáldsögu James McBride, Mir-
acle at St Anna, og verður hún
tekin upp á Ítalíu.
Heiðrar hermenn