Fréttablaðið - 18.06.2007, Blaðsíða 11

Kvennasvið Landspítalans
hefur fengið að gjöf fæðingarsí-
rita og hjólaborð undir hann frá
Thorvaldsensfélaginu.
Fæðingarsíritinn gerir konum
kleift að vera töluvert á ferð í
fæðingu en á sama tíma er unnt
að fylgjast með hjartslætti
barnsins og hríðum konunnar.
Þetta eykur möguleika kvenna
sem þurfa á sérstöku eftirliti að
halda í fæðingu.
Tækið gefur einnig tækifæri til
þess að konan sé í vatni meðan á
hríðum stendur því nemarnir eru
vatnsheldir.
Kvennasvið fékk
fæðingarsírita
Hálfþrítugur maður
hefur í Héraðsdómi Suðurlands
verið dæmdur í fjögurra mánaða
skilorðsbundið fangelsi fyrir árás
á tvo lögregluþjóna.
Maðurinn hrinti lögreglukonu
um koll þar sem hún var við
skyldustörf í heimahúsi, þannig að
hún tognaði og marðist. Síðan
hrækti hann framan í hana. Þá sló
hann lögreglumann hnefahöggi í
andlitið, beit hann í höndina og
reyndi ítrekað að skalla hann.
Maðurinn játaði sök. Honum
hefur verið refsað sex sinnum
áður, einu sinni fyrir fíkniefnabrot.
Hann þarf jafnframt að greiða 84
þúsund krónur í sakarkostnað.
Hrækti framan
í lögreglukonu
Mikil þörf er á því að veita
erlendum konum upplýsingar og
stuðning þegar þær ganga í gegn-
um skilnað og sambúðarslit. Þetta
eru niðurstöður lokaverkefnis
Paolu C. Kjærnested sem nýlega
útskrifaðist sem sálfræðingur frá
Háskóla Íslands.
Verkefnið heitir „Erlendar
konur á Íslandi og reynsla þeirra
af skilnaði eða sambúðarslitum
frá sálfélagslegu sjónarmiði“.
Verkefnið byggist á viðtölum við
sextíu konur frá ýmsum löndum
en hún segir það hafa komið sér
mest á óvart hversu margar
nefndu andlegt og líkamlegt
ofbeldi sem ástæðu skilnaðar.
„Þrettán konur skildu vegna lík-
amlegs ofbeldis og fjórtán skildu
vegna andlegs ofbeldis. Fyrir alla
er áfall að skilja en þegar þú ert
útlendingur og þekkir ekki rétt
þinn og skilur ekki íslensku er
álagið enn meira.“
Paola segir að konur í þessari
stöðu upplifi sig oft einangraðar
eftir skilnað og sögðu fjörutíu og
þrjár konur af sextíu ekki hafa
fengið neinn andlegan stuðning
við skilnaðinn. „Afleiðingin af
slíku álagi er oft kvíði og þung-
lyndi,“ segir Paola og leggur til að
tengslanet fyrir konur í þessari
stöðu verði stóraukið.
Lögreglan í Moskvu,
höfuðborg Rússlands, rannsakar
árás sem gerð var á rannsóknar-
blaðamanninn Andrei Kalitin í
síðustu viku.
Kalitin greindi lögreglu frá því
að árásin kynni að tengjast
rannsóknarvinnu hans vegna
bókar um átök í rússneska
áliðnaðinum sem kemur út í
ágúst. Lögregla telur að árásar-
maðurinn hafi notað gúmmíkúlur.
Nefnd um vernd blaðamanna,
fordæmdi árásina og skoraði á
rússnesk yfirvöld að upplýsa
málið. Þrettán rússneskir
blaðamenn hafa verið myrtir frá
árinu 2000.
Árás á rússnesk-
an blaðamann