Fréttablaðið - 22.06.2007, Blaðsíða 74

Enginn frá HSÍ verður
viðstaddur dráttinn fyrir Evrópu-
mótið í handbolta sem fer fram í
Noregi dagana 17. til 27. janúar á
næsta ári. Dregið verður í fjóra
riðla í Ósló í kvöld og eru fjögur lið
í hverjum riðli. Fyrst er liðunum
fjórum í fjórða styrkleikaflokki
raðað niður, þá liðunum í öðrum
styrkleikaflokki, næst þeim fysta
áður en Noregur fær að velja sér
riðil. Tvö lið úr hverjum riðli kom-
ast í 8-liða úrslit.
Ísland er í öðrum styrkleika-
flokki með heimsmeisturum Þjóð-
verja, Rússum og Slóvenum. Ís-
land verður því ekki með neinni af
þeim þjóðum í riðli. Einar Þorvarð-
arson, framkvæmdastjóri HSÍ,
segir að það sé erfitt að teikna upp
ákveðinn draumariðil.
„Þetta verður gríðarlega sterkt
mót. Miðað við okkar reynslu er
kannski best fyrir okkur að mæta
Dönum úr fyrsta styrkleikaflokki
og forðast þar með Evrópumeist-
ara Frakka, Spánverja og Króata,“
sagði Einar um fyrsta styrkleika-
flokkinn.
„Okkur hefur gengið einna best
á móti Pólverjum. Slóvakía er
kannski litla liðið þarna enda hafa
þeir ekki verið með á mörgum
stórmótum undanfarið. Norðmenn
eru svo með mjög gott lið,“ sagði
Einar en gestgjafarnir í Noregi fá
að velja sér riðil eftir að búið er að
draga. Norðmenn unnu Ísland 36-
33 á EM í Sviss árið 2006 og með
tólf marka mun á æfingamóti í
Danmörku nú í janúar.
„Það kæmi mér ekki á óvart að
þeir velji okkur með sér. Gunnar
Pettersen, þjálfari Norðmanna,
heldur að hann hafi tak á okkur.
Þeir munu sjá riðilinn okkar og
Slóvena og velja svo annan hvorn.
Það hefur oft verið þannig að
gestgjafarnir hafa horft til okkar
þegar þeir velja sér riðil. Við erum
kannski minni þjóð og komum frá
fámennu landi en þetta er lík-
lega engin tilviljun,“ sagði Einar
sem átti ekki erfitt með að benda
á martraðarmótherjann í fjórða
styrkleikaflokki.
„Svíarnir eru lang sterkastir í
þessum riðli. Það yrði alveg ágætt
að vera ekki með þeim. Hvít-Rúss-
ar, Svartfellingar og Tékkar eru
allir svipaðir að styrkleika,“ sagði
Einar.
Í kvöld verður dregið í riðla fyrir Evrópumótið í Noregi á næsta ári. Ísland er
í öðrum styrkleikaflokki fyrir þetta sterka mót. Framkvæmdastjórinn Einar
Þorvarðarson vill síst af öllu dragast í riðil með Svíum.
Samkvæmt afar áreið-
anlegum heimildum Fréttablaðs-
ins eru margir áhrifamanna innan
raða KR síst sáttir við störf Teits
Þórðarsonar, þjálfara meistara-
flokks karla. Sumir eru á þeirri
skoðun að skipta þurfi um þjálfara
og að það sé orðið tímabært fyrir
löngu. Ekki náðist í Jónas Krist-
insson, formann KR Sports, þrátt
fyrir ítrekaðar tilraunir.
Þessar sömu heimildir herma
einnig að búið væri að skipta út
þjálfaranum ef einhver annar álit-
legur kostur væri í stöðunni. Þeir
þjálfarar sem eru á lausu í dag
þykja hins vegar ekki nógu góðir
til að snúa við gengi KR.
Sjálfur sagði Teitur í gær að
hann vissi ekki til þess að nein
slík umræða væri innan KR. „Ég
hef ekki rætt við stjórnina saman-
komna en ég hef rætt við marga
stjórnarmenn. Ég veit ekki til
þess að stjórnin hafi neitt fundað
í dag,“ sagði hann.
„Við getum allir verið óánægðir
með úrslitin en á meðan að menn
vinna vel saman þá vinnum við
okkur út úr þessu. Við erum stað-
ráðnir í að gera það.“
Hann segir að það myndi ekki
hjálpa liðinu að skipta um þjálf-
ara nú. „Það er sýnt og sannað í
hvaða liði sem er í heiminum að
það er langtímavinnan sem skilar
árangri.“
Ósætti um Teit innan raða KR
Vísir.is hrundi af stað
átaki á miðvikudaginn þar sem
biðlað er til Alfreðs Gíslasonar að
halda áfram með íslenska lands-
liðið í handbolta. Alfreð íhugar nú
að hætta með liðið sem keppir á
EM í Noregi á næsta ári.
Viðbrögðin létu ekki á sér
standa en fyrsta sólarhringinn
skoruðu 7.000 manns á Alfreð að
halda áfram því góða starfi sem
hann hefur gert með liðinu. Þjóð-
arátakið fer því vel af stað en
hægt er að skrifa undir áskorun-
ina á Vísir.is/aframalfred.
7.000 á fyrsta
sólarhringnum
Heiðar Helguson var
í gær orðaður við skipti yfir til
WBA frá Fulham. Diomansy
Kamara ku vera á óskalista Ful-
ham sem vill kaupa hann á þrjár
milljónir punda auk Heiðars. Sky
fréttastofan hefur eftir umboðs-
manni Kamara að Fulham hafi
mikinn áhuga á leikmanninum.
Heiðar var 16 sinnum í byrjun-
arliði Fulham á síðustu leiktíð og
hefur áður sagt að hann vilji vera
áfram hjá félaginu. Ekki náðist í
Heiðar vegna fréttanna í gær.
Sterklega orð-
aður við WBA
Chelsea er komið í hóp
átta efstu liðanna í fyrsta styrk-
leikaflokki Meistaradeildar Evr-
ópu. Árangur félagsins er loksins
talinn nógu góður og sleppir það
því við að mæta Liverpool, Arsen-
al, Manchester United, AC Milan,
Barcelona, Inter Milan eða Real
Madrid í riðlakeppninni. Chelsea
hefur lent í mjög erfiðum riðl-
um síðustu tvö ár þegar það dróst
saman með Barcelona.
Chelsea í hópi
þeirra bestu
Thaksin Shinawatra lagði
í gær fram formlegt boð upp á
81,6 milljónir punda í Manchest-
er City. Stjórn City gaf út yfirlýs-
ingu þar sem það hvetur hluthafa
til að selja skerfi sína og stefn-
ir allt í það að þessi fyrrverandi
forsætisráðherra Taílands eign-
ist félagið.
Shinawatra hefur þegar boðið
Sven-Göran Eriksson stjóra-
stöðu félagsins. Til að fá rétt til
að skipa nýjan stjóra þarf hann að
eignast 75 prósent í félaginu sem
verður líklega á næstu dögum.
Fær tilboð í
City samþykkt