Fréttablaðið - 04.07.2007, Blaðsíða 10

„Það stefnir í metþátttöku,“ segir
Ragnar Sverrisson, kaupmaður á Akureyri og
einn forsvarsmanna Glerárdalshringsins, sem
verður genginn á laugardaginn næstkomandi.
Glerárdalshringurinn er ganga sem er
gengin eftir fjallsbrúnum í Glerárdal fyrir
ofan Akureyri. Á sólarhring eru gengnir 24
tindar eða einn tindur að meðaltali á klukku-
stund. Hæsta fjall leiðarinnar er fjallið
Kerling sem er 1.538 metrar yfir sjávarmáli.
Að sögn Ragnars stefnir í að um 70 manns
taki þátt í þessari þriðju göngu sem er farin.
„Við skiptum fólkinu niður í þrjá hópa sem
fara misjafnlega hratt yfir. Björgunarsveitin
Súlurnar á Akureyri verður okkur síðan til
halds og trausts. Þeir útvega öllum hópunum
fjarskiptabúnað og verða með fjarskiptavakt
og til þjónustu reiðubúnir ef á þarf að halda,“
segir Ragnar.
Hópnum verður skipt niður í þrennt eftir
því hversu hratt þeir fara yfir. Fararstjóri A-
hópsins, sem fer hraðast yfir, verður Þorvald-
ur Þórsson, fjallgöngumaður með meiru.
Þorvaldur hefur sett sér það markmið að
ganga á árinu 100 tinda sem eru yfir 1.400
metrum yfir sjávarmáli.
Glerárdalshringurinn er tæplega 50
kílómetra langur og heildarhækkun er um
4000 metrar. Lagt verður af stað frá Skíðahót-
elinu í Hlíðarfjalli og komið til byggða
sólarhring síðar þar sem Skátafélagið Klakkur
mun taka á móti göngugörpunum með
hressingu og veita þeim viðurkenningaskjal.
Sjö Spánverjar og tveir
Jemenar dóu í hryðjuverkaárás í
Jemen á mánudag. Hryðjuverka-
maður keyrði bíl sem var fullur af
sprengiefni inn í bílalest. Sex Spán-
verjar særðust en aðeins einn
þeirra var lagður inn á sjúkrahús,
að sögn spænska blaðsins El Pais.
Auk þess særðust tveir Jemenar.
Árásin átti sér stað um 140 kíló-
metra austan við höfuðborgina
San´a á svæði sem er þekkt fyrir
stjórnleysi og er talið að hryðju-
verkanetið al-Kaída hafi staðið á
bak við hana.
Í bílalestinni voru þrettán Spán-
verjar frá Madríd, Baskalandi og
Katalóníu sem voru að heimsækja
afskekkt 3000 ára gamalt hof sem
heitir Mahram Balqis þegar árásin
átti sér stað. Al-Kaída hafði varað
yfirvöld í Jemen við því að þau
gætu hugsanlega gert hryðjuverk-
árásir á opinberar byggingar eða
erlend sendiráð í landinu; þess
vegna áttu þau ekki von á því að
árás yrði gerð á þessum afskekkta
stað.
Spænsk yfirvöld hafa varað Spán-
verja við því að ferðast til Jemen
vegna þess að um 100 ferðamönn-
um hefur verið rænt í landinu síðan
á tíunda áratugnum. Sautján Spán-
verjar hafa nú dáið í hryðjuverka-
árásum á erlendri grundu frá árinu
1994, að sögn El Pais.
Sjö Spánverjar létust og sex særðust
Það var handagangur í öskjunni í bjórverk-
smiðju Kalda á Árskógsströnd aðfaranótt fimmtu-
dagsins. Verksmiðjan afgreiddi stóra pöntun fyrir
helgina en gallaðar flöskur ollu því að hlaða þurfti
átöppunarvélarnar handvirkt.
„Við vorum að til klukkan fimm um nóttina og
bíllinn kom að sækja pöntunina klukkan sex. Það
mátti því ekki tæpara standa,“ segir Agnes Anna
Sigurðardóttir, framkvæmdastjóri Kalda.
Átöppun hófst á miðvikudagsmorgun og átti að
vera lokið síðdegis á fimmtudag. Snemma kom í
ljós að límmiðarnir tolldu ekki á nýju flöskunum og
því varð að hlaða vélarnar handvirkt.
„Við þurftum að handleika hverja flösku svona
fjórum til fimm sinnum. Setja hana inn í límmiða-
vélina og úr henni aftur og svo inn í átöppunarvél-
ina og úr henni en venjulega gerist þetta sjálfvirkt,“
útskýrir Agnes og bætir því við að ekki hefði tekist
að klára verkið ef vinir, ættingjar og nágrannar
hefðu ekki hjálpað til.
„Það var mikil samstaða um að klára þetta verk
og hér voru tólf manns við vinnu langt fram á nótt,“
segir Agnes sem reiknast svo til að um 19.400 flösk-
ur hafi verið handleiknar þessa nótt.
Kaldi hóf framleiðslu sína í október í fyrra.
24 tindar gengnir á sólarhring
Glerárdalshringurinn verður genginn í þriðja sinn á laugardag. Gengnir verða 24 tindar á sólarhring og er
búist við um 70 þátttakendum. Fjallið Kerling er hæst í hringnum en það er 1.538 metrar yfir sjávarmáli.
Iceland Express hefur
flug til Lúxemborgar í haust.
Matthías Imsland, forstjóri Iceland
Express, segir ástæðu þessarar
nýju flugleiðar vera mikla
eftirpurn frá viðskiptavinum og
góð staðsetning borgarinnar.
Flogið verður á þriðjudögum og
föstudögum og farið frá Keflavík
síðdegis en frá Lúxemborg að
kvöldi. Flogið verður á sex vikna
tímabili, frá 28. september til 9.
nóvember. Matthías segir að ef
viðbrögð verði góð sé hugsanlegt
að haldið verði áfram með flugið.
Beint flug til
Lúxemborgar
Samtök verslunar og
þjónustu fagna því að atvinnu-
tekjur skerði ekki lengur bætur
þeirra sem eru 70 ára og eldri, en
hvetja jafnframt ríkisstjórnina
til að lækka aldurinn niður í 67 ár
hið fyrsta, að því er fram kemur í
fréttatilkynningu samtakanna.
Einnig kemur fram í tilkynn-
ingunni að tæplega 4.000 manns á
aldrinum 65 til 71 árs gætu
hugsað sér að vinna launavinnu ef
tekjur þeirra skertu ekki lífeyri
eða aðrar bætur. Á þetta bæði við
um eldri borgara og öryrkja, og
hvetja samtökin því einnig til
þess að bætur öryrkja sem hefja
launaða atvinnu verði heldur ekki
skertar.
Ákvörðun ríkis-
stjórnar fagnað