Fréttablaðið - 04.07.2007, Blaðsíða 14

fréttir og fróðleikur
Þróist mál sem horfir virð-
ist aðeins vera tímaspurs-
mál hvenær Reykjanesbær
nær 2/3 hlut í Hitaveitu
Suðurnesja, og fær þar með
möguleikann á að afnema
forkaupsrétt hluthafa. Komi
sú staða upp getur bærinn
selt Geysi Green Energy
hlut í félaginu án þess að
aðrir hluthafar hafi nokkuð
um það að segja.
Hörð barátta er nú háð um Hitaveitu
Suðurnesja (HS) í kjölfar þess að
stjórnendur Hafnarfjarðarbæjar,
Reykjanesbæjar og Grindavíkur-
bæjar ákváðu að nýta kauprétt að
15,2 prósenta hlut ríkisins sem samið
hafði verið um að Geysir Green
Energy (GGE) keypti. Reykjanes-
bær virðist þar í lykilstöðu.
Samningatónn virðist þó kominn
í bæði fulltrúa Hafnarfjarðar og
Reykjanesbæjar, og búist við að
fundað verði um málið á næstu
dögum til að reyna að ná samkomu-
lagi um samstarfsaðila.
Eftir að ríkið ákvað að selja GGE
sinn hlut í HS ákváðu sveitarfélög á
Suðurlandi og Suðurnesjum að selja
einnig sína hluti í félaginu, þó nokk-
ur sveitarfélög hafi ætlað að halda
eftir litlum hlut. Um tíma leit því út
fyrir að GGE næði um 43,5 pró-
senta hlut í félaginu. Reykjanes-
bær á 2,5 prósenta hlut í GGE, og
hefðu því GGE getað náð undirtök-
unum í hitaveitunni með fulltingi
Reykjanesbæjar, með samanlagðan
hlut upp á um 83 prósent.
Forkaupsréttur hluthafa á hlut-
um þeirra sem kjósa að selja hefur
flækt málin, en fari sem horfir mun
endanleg niðurstaða verða svipuð
og upphaflega blasti við, þó hlutur
GGE verði trúlega minni en 43,5
prósentin sem stefndi í.
Yfirvöld í Reykjanesbæ, Hafnar-
fjarðarbæ og Grindavíkurbæ til-
kynntu fjármálaráðuneytinu form-
lega í gær að þau hyggist nýta
forkaupsrétt að hlut ríkisins. Ekki
er komið að því að sveitarfélögin
geti nýtt forkaupsréttinn á hlutum
annarra sveitarfélaga sem vilja
selja þar sem stjórn HS á eftir að
fjalla um hvort félagið sjálft nýti
sinn forkaupsrétt. Verði það ekki
gert geta Hafnarfjörður, Grindavík
og Reykjanes neytt forkaupsréttar
á þeim hlutum líka.
Forkaupsrétturinn er í réttu hlut-
falli við eign félaganna sem hans
neyta í félaginu. Ef þrjú sveitarfé-
lög ætla að neyta forkaupsréttar á
þeim 43,5 prósentum sem ætlunin
er að selja kemst Reykjanesbær í
tæplega 62 prósenta hlut, Hafnar-
fjörður í 24 prósent og Grindavík í
rúm 13 prósent og önnur sveitarfé-
lög í innan við eitt prósent.
Bæjaryfirvöld í Hafnarfirði
áforma að selja þann hlut sem bær-
inn kaupir með forkaupsrétti til
Orkuveitu Reykjavíkur (OR), og
eiga möguleika á að selja einnig
þau rúm 15 prósent sem bærinn
átti upphaflega. Stjórnendur
Grindavíkur áforma sölu á nær
öllum hlut bæjarins til OR.
Þar með er björninn þó ekki unn-
inn, því ef Hafnarfjörður og
Grindavík ákveða að selja í HS fá
aðrir eigendur aftur forkaupsrétt.
Þar með gæti Reykjanesbær geng-
ið inn í þá samninga og tryggt sér
vel yfir 2/3 hluta í HS.
Ef bærinn kemst í þá stöðu geta
bæjaryfirvöld ákveðið að breyta
samþykktum HS og afnumið for-
kaupsréttinn alfarið. Þar með opn-
ast möguleikar á því að selja GGE
hlut í fyrirtækinu án þess að bæjar-
yfirvöld í Hafnarfirði eða Grinda-
vík geti komið að málinu.
Ásgeir Margeirsson, forstjóri
GGE, segir að félagið geti vel hugs-
að sér að eignast um þriðjungs hlut
í HS. Árni Sigfússon, bæjarstjóri í
Reykjanesbæ, segir þriðjungs eign-
arhlut GGE ásættanlegan fyrir
Reykjanesbæ, sem muni hvernig
sem fari halda ráðandi hlut í HS, í
það minnsta 34-35 prósentum.
Gunnar Svavarsson, fulltrúi
Hafnarfjarðarbæjar í stjórn HS,
segist reikna með því að aðilar
fundi um málið á næstu dögum.
Upphaflega hafi ekki annað vakað
fyrir Hafnarfirði en að tryggja sína
stöðu innan HS með samningum.
Þegar á það hafi ekki verið hlustað
hafi bænum verið nauðugur einn
kostur að nota forkaupsréttinn. Nú
virðist þó möguleikinn á því að ná
ásættanlegri stöðu fyrir Hafnar-
fjörð í gegnum samninga góður.
Hafnarfjarðarbær beri fullt traust
til Reykjanesbæjar, GGE og OR í
þessum efnum.
Árni segir líklegt að fundað verði
um framhaldið á næstu dögum og
reynt að finna samstarfsaðila sem
allir geti sætt sig við. „Við viljum
hafa áhrif á atburðarásina, og verja
Hitaveitu Suðurnesja, á Suðurnesj-
um, og um það snýst okkar verk-
efni.“
Lánað fyrir
námi erlendis
Geta bætt og bjargað lífum
Reykjanesbær með tögl og hagldir