Fréttablaðið - 05.07.2007, Side 22

22 5. júlí 2007 FIMMTUDAGUR
taekni@frettabladid.is
Póker nýtur mikilla vinsælda hér á landi líkt
og víða um heim. Þeir sem eiga ekki nógu
marga pókeráhugamenn í vinahópnum geta
nýtt sér tæknina og spilað póker við þús-
undir manna í gegnum internetið. Nokkr-
ir Íslendingar hafa meira að segja atvinnu af
pókerspilun í gegnum netið.
Hvernig spilar maður póker á netinu?
Fyrst þarf að skrá sig á síðu sem býður upp á
pókerspilun og í flestum tilfellum hala niður
sérstöku forriti sem notað er til að spila. Ef
ætlunin er að spila upp á peninga þarf einn-
ig að gefa upp greiðslukortanúmer. Þá er
hægt að byrja að spila með því að „setjast“
við eitthvert af þeim borðum sem eru í boði.
Kostar þetta ekki mikla peninga?
Langflestir sem spila póker á netinu veðja
einhverju fé, en upp-
hæðirnar þurfa ekki
endilega að vera
svimandi háar. Byrj-
endur spila oftast á
borðum þar sem 5-
10 krónum er veðj-
að í einu, og pott-
urinn nær sjaldnast
hundrað krónum.
Lengra komnir geta
spilað á borðum
með engu hámarki.
Er þetta löglegt?
Já. Síðurnar sem
bjóða upp á
pókerspilun eru
allar hýstar erlend-
is og engin til lög sem banna
Íslendingum að nota þær.
Get ég treyst þessum síðum
fyrir peningunum mínum?
Ekki er hægt að fullyrða um
heiðarleika allra pókersíðna
á netinu, en á bak við þær
stærstu eru fyrirtæki með
tugi þúsunda viðskiptavina.
Engin sérstök ástæða er til
að vantreysta þeim frekar
en öðrum fyrirtækjum sem
stunda viðskipti í gegn-
um netið.
sKýrinG: póKEr á intErnEtinu
Fjárhættuspil fyrir framan tölvuskjáinn
Hálf milljón á einni helgi
Yfir fimm hundruð þúsund iPhone
símar seldust um síðustu helgi, en
síminn kom út á föstudaginn. Grip-
urinn er uppseldur í flestum verslun-
um í Bandaríkjunum. Síminn stendur
Bandaríkjamönnum aðeins til boða,
en Evrópubúar ættu að fá hann í lok
þessa árs.
síminn hækkar mínútuverð
Mínútuverð hjá viðskiptavinum Sím-
ans hækkaði þann 1. júlí. Þegar hringt
er úr heimasíma í annan heimasíma
kostar mínútan 1,85 krónur, en kost-
aði 1,75 krón-
ur áður. Hækk-
unin nemur
tæpum sex pró-
sentum. Mínútu-
verð símtals milli
heimasíma og
GSM-síma hækk-
aði einnig um rúm
sex prósent, eða
úr sextán krónum í
sautján.
tæKniHEimurinn Hafa ekki undan eftirspurn
Wii-leikjavélin frá Nintendo hefur selst
geysivel síðan hún kom út. Algengt
er að sjá raðir fyrir
utan tölvuleikjaversl-
anir í Bandaríkjun-
um þegar ný send-
ing kemur, þó
vélin hafi verið
á markaðn-
um í sjö mán-
uði þarlendis. Í
Japan seljast sex
Wii-tölvur á móti
hverri PlayStation
3 tölvu, sem Sony
framleiðir.
Gates ekki lengur ríkastur
Bill Gates, stjórnarformaður Microsoft,
er ekki lengur ríkasti maður heims,
eftir því sem breska blaðið The Gu-
ardian heldur fram. Sá sem velti
Gates úr sessi er mexíkóskur auðjöf-
ur að nafni Carlos Slim, og eru eignir
hans metnar á um 4.200 milljarða ís-
lenskra króna. Hann hefur grætt mest
á umsvifum sínum á fjarskiptamark-
aði Mexíkó og víðar í Mið-Ameríku.
Blindrafélagið hefur tekið í notk-
un tæki sem les upphátt texta úr
bókum og blöðum. Tækið, sem
nefnist Poet Compact eða Skáldið,
líkist venjulegum skanna en er í
rauninni tölva sem skannar texta,
greinir hann og les upphátt með
tölvurödd.
„Áður en Skáldið kom til sög-
unnar þurfti blindur einstaklingur
að skanna blaðsíðu inn í hefð-
bundna tölvu, nota sérstakt forrit
til að greina textann, opna textann
í öðru forriti og láta svo enn eitt
forritið lesa hann upp. Með þessu
tæki er búið að fækka skrefunum
í eitt: að ýta á einn takka,“ segir
Jón Sigurgeirsson, tölvari hjá
Blindrafélaginu. „Þetta kemur sér
einstaklega vel fyrir eldra fólk
sem hefur ekki mikla tölvukunn-
áttu en vill geta lesið blaðagreinar
og reikninga hjálparlaust.“
Tækið les og skilur aðeins ensku,
en hægt er að skipta um talgervil í
því. Blaðamaður fékk að heyra
eina blaðsíðu úr handbók tækisins
lesna upp og skildi hann vel hvað
kvenröddin sagði.
Áform eru uppi um að setja
íslenska talgervilinn Röggu upp í
tækinu ef það reynist vel. Skáldið
verður prófað hjá Blindrafélaginu
fram í ágúst. - sþs
Blindir og sjónskertir taka tæknina í sína þjónustu með nýju upplestrartæki:
Skanni sem les texta upphátt
lEstrarHEstur Jón Sigurgeirsson hjá
Blindrafélaginu vinnur þessa dagana
við að prófa tækið. Ef það reynist vel
er hugmyndin að setja upp íslenskan
talgervil í því.
FréTTABLAðið/PJETur
Vefurinn: partalistinn
Ef þú þarf að selja gömlu fartölvuna eða
vantar ódýran iPod er Partalistinn fyrsta
stopp. Íslenskur smáauglýsingavefur með
áherslu á tækni- og tölvutengda hluti.
www.partalistinn.net
Urð og grjót - Upp í mót ...
göngu-
sumarsins
garpa
Fyrir
Meindl Island Pro GTX
Flokkun BC
„Einn sá allra besti“
Heil tunga og vandaður frágangur.
Ótrúlega léttir! Þyngd: 830g (stærð 42).
GTX vatnsvörn.
MFS fóður lagar sig að fætinum.
Vibram veltisóli með fjöðrun.
Sérlega góður stuðningur við ökklann.
Einnig fáanlegir í dömustærðum, bláir.
Verð24.990kr.
TNF Pinyon Mid GTX XCR
Flokkun A
Strigaskór á sterum!!
Gore Tex XCR vatnsvörn.
Súperléttur gönguskór í léttari notkun.
Nubuk leður og nylon.
Til í dömuútfærslu.
Verð13.990kr.
Meindl Vakuum GTX MF
NÝJUNG! MFS „passar betur“
Flokkun B
Nubuk leður.
Hár gúmmíkantur, meiri ending!
MFS fóður lagar sig að fætinum.
Gore Tex vatnsvörn.
Vibram sóli.
Verð22.990kr.
Meindl Main Mid GTX
Flokkun AB
Mjúkir léttir og þægilegir.
Nubuk leður.
Gore Tex vatnsvörn.
Þyngd: 520g (stærð 42).
Einnig til í dömuútfærslu.
Verð15.990 kr.
Meindl Colarado lady
Flokkun B
Nubuk leður.
Gore Tex vatnsvörn.
Multigriff sóli.
Þyngd: 750g (stærð 42).
Einnig til í herraútfærslu.
Tilboð17.990kr.
Verð áður 19.990 kr.
Meindl Air Revolution GTX
Flokkun B
Hönnun sem miðar að hámark öndun.
Ótrúlega léttir! Þyngd: 630g (st.37).
Gore Tex vatnsvörn.
Vibram veltisóli með fjöðrun.
Fáanlegir í dömu- og herraútfærslum.
Verð22.990kr.
Við skiptum skónum hjá okkur í flokka eftir því til hvaða notkunar þeir eru hugsaðir. A: Fyrir auðvelda göngu og daglega notkun • AB: Fyrir göngu á slóðum og láglendi • B: Fyrir lengri göngur og bakpokaferðalög • BC: Fyrir erfiðari göngur og fjallabrölt • C: Fyrir alpagöngur, kletta, ís og brodda
SMÁRALIND SÍMI 545 1550 GLÆSIBÆ SÍMI 545 1500 KRINGLUNNI SÍMI 545 1580
ÍS
L
E
N
S
K
A
/S
IA
.I
S
/U
T
I
38
06
2
06
/0
7