Fréttablaðið - 05.07.2007, Side 45

FIMMTUDAGUR 5. júlí 2007
Metsöluhöfundurinn Dean Koontz er höfundur bókarinnar Há-
spenna sem forlagið Skjaldborg gefur
út. Þegar Billy Wiles finnur orðsend-
ingu undir þurrkublaðinu á bílnum
sínum tekur
hann hana ekki
ýkja alvarlega.
Boðin eru frá
sálsjúkum ein-
staklingi sem
úthlutar Billy
valdi yfir lífi eða
dauða tveggja
kvenna. Kannski
er Billy ekki allur
þar sem hann er
séður og þegar
hann þarf að berjast fyrir eigin lífi
og þeirra sem standa honum næst
magnast spennan næstum óbærilega.
Þýðandi er Björn Jónsson.
Út er komin bókin 50 sannar ís-lenskar lífsreynslusögur. Sögurn-
ar, sem eru allar úr íslenskum veru-
leika birtust í tímaritinu Vikunni á ár-
unum 1999 til 2005. Það má því
segja að í bókinni
sé úrval bestu
lífsreynslusagna
Vikunnar yfir sex
ára tímabil. Guð-
ríður Haralds-
dóttir, aðstoðar-
ritstjóri Vikunnar,
skrifaði megin-
þorra sagnanna
og bjó sögurn-
ar til prentunar.
Lífsreynslusögur Vikunnar hafa verið
gríðarlega vinsælar meðal lesenda
Vikunnar og nú eru 50 slíkar sögur
komnar saman í einni bók, á 250
blaðsíðum í kilju. Birtíngur gefur út.
Nýjar bækur
Tumi Magnúson listmálari opnar
á morgun sýningu í seyðfirska
menningarsetrinu Skaftfelli. Á
sýningunni gefur að líta tvö stór
prent og myndverk á fimm skjám
með hljóði. Efniviðurinn er eins
og hefur verið um langt skeið hinn
fljótandi litur og þaðan er nafnið
komið á sýninguna: Pollar.
Sýninguna segir Tumi aðlag-
aða rýminu í Skaftfelli. Hann er
að skoða eðli litarins, flökt hans
á hreyfingu og litbrigðin, nema
nú hefur hann gætt litinn hljóði:
„Ég vil helst vinna á óskilgreindu
svæði. Þar eru möguleikarnir,
efinn, áhættan og spenningurinn.
Forvitnin leiðir mann áfram og
efinn ögrar manni. Það sem oftast
á sér stað hjá mér er að viðfangs-
efnið, sem er gjarnan hlutur, efni
eða lífvera, kemst í snertingu við
einhvers konar rými, til dæmis
herbergi eða ákveðinn myndflöt.
Þetta gerist í gegnum ljósmynd
eða video, þá tölvu, og síðan raun-
verulegt rými. Verkin mín geta
kallast viðvarandi rannsókn á
samruna hlutar og rýmis, mynd-
ar og ramma, framsetningar og
teygjanleika. Verkin virðast oft-
ast fá form sem tengjast málverki
á einhvern hátt. Ekki vegna þess
að ég óski þess sérstaklega, það er
mér bara eðlilegt. Jafnvel 8 milli-
metra kvikmynd sem ég gerði
1980 er málverk í eðli sínu, jafn-
vel þó ég hafi ekki málað á náms-
árunum. Þetta gæti leitt mann að
þeirri niðurstöðu að málverk sé
hugarástand frekar en myndlist-
araðferð. Efniskennd og pixlar,
möguleikinn á að vinna með efni
á óefniskenndan hátt er auðvit-
að þversögn. Það er samt ein hlið-
in á verkinu „Pollar“ sem ég sýni
nú í Skaftfelli. Það er video, hljóð
og ljósmyndainnsetning, sem er
unnin á stafrænan, en um leið
mjög efnislegan/líkamlegan hátt.
Tumi segist hafa unnið með
þetta þema í langan tíma: „Poll-
ar” tengist ljósmyndaverki sem
ég gerði árið 1979. Það saman-
stóð af tveimur svarthvítum ljós-
myndum sem settar voru upp á
gagnstæðum veggjum. Önnur
sýndi mjólkurdropa sem var að
detta úr flösku. Hin sýndi drop-
ann lenda í mjólkurpolli. Mynda-
vélin, og þar með áhorfandinn,
var á milli. Hljóðið er mjög mik-
ilvægur hluti verksins, og undir-
strikar rýmislega eiginleika þess.
Það virkjar einnig áhorfandann,
sem ósjálfrátt reynir að tengja
hljóð og mynd.“
Tumi hefur um tveggja ára
skeið dvalið í Kaupmannahöfn við
kennslu í Konunglegu listaaka-
demíunni þar sem hann veitir for-
stöðu annarri af tveimur málara-
deildum. Hann sýndi síðast hér á
landi í Ásmundarsal en átti verk
á sýningu í Carlottulundi á liðnu
ári.
Á sama tíma opnar sýning Árna
Geirs Lárussonar og Jökuls Snæs
Þórðarsonar á Vesturveggnum í
Bistrói Skaftfell. Þeir munu einn-
ig fremja tónlistargjörning í Bis-
trói Skaftfell kl. 17.00.
Sýning Tuma verður opin alla
daga frá 13.00 til 18.00 og mun
standa til 4. ágúst. Sýningin á
Vesturveggnum verður opin á
opnunartíma Bistrós Skaftfells og
stendur til 18. júlí. - pbb
Tumi í Skaftafelli
MyNdlist Tumi Magnússon myndlist-
armaður.
MyNdlist Einn pollur Tuma á sýningunni. BirT MEð GóðfÚSLEGu LEyfi LiSTaMannSinS
Auglýsingasími
– Mest lesið
uglýsingasími
– Mest lesið
Fiskislóð 1 • Sími 580 8500 • www.ellingsen.is
Opið mánudaga–föstudaga 8–18,
laugardaga 10–16 og sunnudaga 12–16
Geymsla
Rúm
196x178 cm
Rúm
196x178 cm
Færanlegt
matborðSæti Sæti
Sæti
Sæti
Eldhús
Þrep
Baðherbergi með
föstum veggjum,
klósetti og sturtu