Fréttablaðið - 24.07.2007, Blaðsíða 4

Mikil óvissa ríkir um nánustu
framtíð í stjórnmálum í Tyrklandi þrátt fyrir
að stjórnarflokkurinn, Réttlætis- og þróunar-
flokkur Receps Tayyips Erdogan forsætisráð-
herra, hafi unnið stóran sigur í þingkosningun-
um um helgina.
David Miliband, utanríkisráðherra Bret-
lands, hvetur Evrópusambandið til þess að taka
vel á móti nýju stjórninni. Hann segir þróun
mála í Tyrklandi skipta gífurlega miklu máli
fyrir öll Evrópuríki.
Ráðamenn fleiri Evrópusambandslanda tóku
í sama streng. Jose Manuel Barroso, forseti
framkvæmdastjórnar Evrópusambandsins,
fagnaði sigri Erdogans og sagðist reikna með
að Tyrkir héldu áfram að gera umbætur í
stjórnmálum og efnahagsmálum.
Sigur Erdogans varð mun meiri en búist var
við en þó hefur flokkurinn nú heldur færri
þingsæti en hann hafði fyrir kosningar og hans
bíða mörg erfið verkefni.
Meðal annars þarf að kjósa nýjan forseta
sem allra fyrst, en sjö ára kjörtímabil núver-
andi forseta landsins rann út í maí. Það er þing
landsins sem kýs forseta, og þótt stjórnarflokk-
ur Erdogans hafi meira en sextíu prósent
þingsæta nægir það ekki því samkvæmt
stjórnarskrá þurfa tveir af hverjum þremur
þingmönnum að greiða honum atkvæði sitt.
Kaldavatnsinntak sprakk
í húsnæði Rauða krossins við
Iðavelli í Reykjanesbæ í gærmorg-
un.
Um klukkan ellefu tók vegfar-
andi eftir því að vatn flæddi út úr
húsnæðinu og út á götu. Starfs-
menn Brunavarna Suðurnesja
komu á vettvang og var vatnshæð-
in inni í húsnæði þá nokkrir
sentimetrar. Þeir unnu að því til
klukkan eitt að vatnsræsta
húsnæðið.
Miklar skemmdir urðu á
húsnæðinu sem og á munum sem
þar voru sem átti að selja til
styrktar Rauða krossinum, segir
Sigmundur Eyþórsson, slökkviliðs-
stjóri Brunavarna Suðurnesja. -
Skemmdi hús-
næði og muni Sendiherra Íslands í Danmörku
mun í haust flytja frá Charlottenlund til
Frederiksberg. Gamli bústaðurinn er til sölu
fyrir 385 milljónir króna.
„Nýja húsið er töluvert minna og er mun
nær miðbænum og nær sendiráðinu og við
gerum ráð fyrir því að það muni nýtast mun
betur sem vinnutæki fyrir sendiráðið,“ segir
Pétur Ásgeirsson, skrifstofustjóri hjá
utanríkisráðuneytinu.
Að sögn Péturs eru nokkrir dagar síðan fest
voru kaup á nýja sendiherrabústaðnum í Fred-
eriksberg. Núverandi bústaður er í talsvert
stærra húsi sem stendur aðeins utan við
Kaupmannahöfn í Charlottenlund. Það hús
hefur nú verið auglýst til sölu.
„Charlottenlund er dýr staður og þetta er
heldur ódýrari staður á Frederiksberg þannig
að við gerum ráð fyrir því að við fáum tölvert
á milli. Þar að auki veldur þetta því að við
þurfum ekki að leggja í kostnað við mikið
viðhald sem er fram undan á gamla húsinu,
þannig að það er eitt og annað sem rennir
stoðum undir þessa ákvörðun,“ segir Pétur.
Gert mun vera ráð fyrir því að sendiherr-
ann, sem nú er Svavar Gestsson, geti flutt í
nýja bústaðinn í október eða nóvember. Húsið
stendur í einbýlishúsahverfi í Fredriksberg.
„Þetta er gamalt einbýlishús sem er upphaf-
lega byggt 1920 en hefur verið haldið mjög vel
við og er í afar góðu ástandi,“ segir Pétur.
Pétur sagði ekki unnt að svo stöddu að
skýra frá kaupverði nýja hússins og hafði
stærð þess ekki á takteinum í gær.
Á vef danskrar fasteignasölu kemur hins
vegar fram að uppsett verð fyrir gamla
bústaðinn svari til 385 milljóna íslenskra
króna. Stærð hússins er 800 fermetrar á
tæplega fjögur þúsund fermetra skógarlóð. Í
húsinu er meðal annars vínkjallari og nýtt
lúxuseldhús og lúxusbaðherbergi, að sögn
danskra fasteignasölu sem segir eignina
meðal þeirra albestu í hverfinu.
Sendiherrabústaður til sölu
á 385 milljónir í Danmörku
Utanríkisráðuneytið hefur keypt nýjan bústað fyrir sendiherra Íslands í Danmörku sem sagður er munu
nýtast betur fyrir starfsemina. Talið er að hærri upphæð fáist fyrir gamla húsið, sem nú er til sölu á 385
milljónir króna. Nýja húsið er í Frederiksberg og nær miðbænum en gamli bústaðurinn í Charlottenlund.