Fréttablaðið - 24.07.2007, Blaðsíða 10

Starf sumarskóla RES
Orkuskólans á Akureyri (RES -
The School for Renewable Energy
Science) stendur nú sem hæst.
Fimmtán bandarískir nemar
stunda nám við skólann. Meistara-
nám á sviði orkufræða hefst við
skólann í janúar og hafa 25 pólskir
nemendur þegar staðfest skóla-
vist. Áætlað er að 50 til 80 nemend-
ur muni stunda meistaranám við
skólann í framtíðinni.
Þórleifur Stefán Björnsson,
verkefnisstjóri og forstöðumaður
Rannsókna- og alþjóðasviðs í
Háskólanum á Akureyri, segir um
sérhæfðan háskóla á sviði endur-
nýjanlegra orkugjafa að ræða.
„Grunnurinn að skólanum er ein-
faldlega sú þekking sem er til stað-
ar hér á Íslandi. Við sjáum fyrir
okkur kjarnastarfsemi sem felst í
meistaranámi skólans en einnig
verður um að ræða ýmis önnur
verkefni samhliða. Boðið verður
upp á endurmenntun og sumar-
skóla eins og þann sem farinn er af
stað núna.“
Sumarskólinn er samvinnuverk-
efni við bandarísku háskólasam-
tökin SIT (School for International
Training). „Þetta er sjö vikna nám-
skeið í orku- og umhverfismálum
sem fimmtán nemendur sækja
víðs vegar að frá Bandaríkjunum.
Það myndaðist strax biðlisti til að
sækja þetta námskeið og við stefn-
um að því að tveir hópar sæki skól-
ann sumarið 2008.“
Bandaríkjamennirnir eru
ánægðir með námið sem er mjög
krefjandi að sögn Þórleifs. „Til að
auðga dvöl þeirra hérlendis höfum
við komið þeim fyrir hjá íslensk-
um fjölskyldum hér á Akureyri.
Það hefur komið mjög vel út því
nemendurnir ná frekar að setja sig
í samhengi við námið og það auð-
veldar þeim að átta sig á aðstæð-
um hér.“
Orkuskólinn á Akureyri er
alþjóðlegur skóli á sviði endurnýj-
anlegra orkugjafa. Um er að ræða
einkarekinn skóla sem mun bjóða
upp á eins árs meistaranám. Þegar
hafa 25 stúdentar frá pólskum
tækniháskólum staðfest skólavist
en stefnt er að því að 50 til 80 nem-
endur stundi nám við skólann í
framtíðinni.
Nokkrar námsbrautir verða í
boði þar sem kennarar frá erlend-
um háskólum og fyrirtækjum ann-
ast kennslu. „Íslendingar munu
svo kenna á fræðasviðum sem við
þekkum best, eins og jarðhita-
sviði.“ Þórleifur segir ganga vel að
ráða erlenda prófessora sem verða
undantekningarlaust með þeim
færustu á sínu sviði í heiminum.
„Skólinn á sér enga hliðstæðu í
heiminum og framtíðarsýn okkar
er að byggja upp framhaldsnám á
doktorsstigi.“
Einstakur orkuskóli
starfandi á Akureyri
Fimmtán bandarískir stúdentar stunda nám við sumarskóla Orkuskólans á
Akureyri. Námið á sér enga hliðstæðu í heiminum. Meistaranám í orkufræðum
hefst í janúar. Erlendir fræðimenn hafa verið ráðnir sem kennarar við skólann.
Ríkisstjórn
Pakistan vill ekki að bandarískt
herlið komi til landsins til að
reyna að uppræta vígi al-Kaída
hryðjuverkasamtakanna í
héruðum við landamærin að
Afganistan.
Bandarískur öryggisráðgjafi,
Frances Townsend, sagði á
sunnudag að Bandaríkjastjórn
vildi fyrst og fremst einbeita sér
að því að vinna með forseta
Pakistan, Pervez Musharraf, í
baráttunni við hryðjuverkamenn
í landinu. Townsend ýjaði þó að
því að Bandaríkjastjórn gæti sent
herlið til landsins.
Utanríkisráðherra Pakistan,
Khurshid Kasuri, sagði að
pakistanski herinn væri í betri
stöðu en sá bandaríski til að gera
árásir á al-Kaída.
Vill ekki banda-
rískt herlið
Deila Rússa og Breta
harðnar enn. Anthony Bretton,
sendiherra Bretlands í Moskvu,
gagnrýnir nú rússnesk stjórnvöld
fyrir að sýna ekki samstarfsvilja
og framselja Andrei Lugovoi, rúss-
neskan ríkisborgara sem grunaður
er um morðið á Alexander Litvin-
enko í London í vetur.
Rússar hafa frá upphafi vísað í
stjórnarskrá landsins, þar sem
segir skýrum stöfum að ekki megi
framselja rússneskan ríkisborgara
til annars lands. Bretton gefur þó
lítið fyrir þetta.
„Stjórnarskrá Rússlands, rétt
eins og stjórnarskrár annarra ríkja,
býður greinilega upp á mismunandi
túlkanir í ljósi aðstæðna hverju
sinni,“ sagði hann í viðtali við rúss-
neska fjölmiðla, sem birtist í gær.
Hann hélt því jafnframt fram að í
Rússlandi væri reglulega brotið
gegn sumum köflum stjórnarskrár-
innar.
Hann sagðist þó ekki vera að
biðja Rússa um að brjóta eigin
stjórnarskrá, heldur að „vinna með
okkur á skapandi hátt við að finna
leið framhjá þessari hindrun“.
Á hinn bóginn fullyrti Alexander
Zvjagintsev, aðstoðarsaksóknari í
Moskvu, á blaðamannafundi í gær
að Rússar hefðu „fleiri ástæður til
að efast um óhlutdrægni breska
dómskerfisins“. Hann sagði að í
skjölum sem borist hefðu frá Bret-
landi væru engar sannanir að finna
fyrir því að breska lögreglan hafi
rannsakað Litvinenko-málið með
óhlutdrægum hætti.
Ásakanir ganga á báða bóga
Vegagerðin stóð fyrir
umfangsmikilli umferðarkönnun
á Öxnadalsheiði á fimmtudaginn
og laugardaginn. Allir ökumenn
sem fóru um heiðina voru
stöðvaðir og meðal annars
spurðir hvert þeir væru að fara,
hvaðan þeir væru að koma og
hver væri tilgangur ferðar þeirra.
Friðleifur Ingi Brynjarsson,
verkefnisstjóri hjá umferðar-
deild Vegagerðarinnar, segir að
99 prósent ökumanna hafi tekið
könnuninni vel.
Hann segir að Vegagerðin muni
nota könnunina til áætlanagerðar,
meðal annars til að kortleggja
hvaðan þeir bílar sem keyra yfir
Öxnadalsheiðina koma. Niður-
stöðurnar liggja ekki fyrir.
Kortleggja um-
ferð um heiðina
Sautján ára ökumað-
ur var tvisvar stöðvaður af
lögreglunni með stuttu millibili
um síðustu helgi. Í bæði skiptin
var hann án bílbeltis, og þrjóskað-
ist við að setja það á sig þegar
lögregla bað hann um það.
Í fyrra skiptið var drengurinn
tekinn í Árbæ fyrir að aka án
beltis, og var hann látinn spenna
það á sig áður en hann hélt af
stað. Stuttu síðar þurfti lögreglan
að hafa afskipti af honum vegna
umferðarlagabrots, og var hann
þá búinn að taka beltið af sér.
Þurfti nánast að beita fortölum til
að fá hann til að nota beltið aftur,
segir í tilkynningu frá lögregl-
unni á höfuðborgarsvæðinu.
Með ofnæmi
fyrir bílbeltum
Hugo Chavez, forseti
Venesúela, segir að útlendingar
sem gagnrýna stjórnvöld í
landinu opinberlega verði
framvegis reknir úr landi.
Chavez lét þessi orð falla í
vikulegum sjónvarps- og útvarps-
þætti sínum á sunnudaginn.
„Hversu lengi ætlum við að
leyfa mönnum frá öðrum löndum
að koma hingað og halda því fram
að það ríki einræði í Venesúela ...
Enginn útlendingur, sama hver á í
hlut, getur komið hingað og veist
að okkur,“ segir Chavez, sem
hefur skipað embættismönnum
að fylgjast náið með útlendingum
og hvað þeir segja um stjórnvöld
í Venesúela meðan á heimsóknum
þeirra í landinu stendur.
Gagnrýnendur
reknir úr landi
Byrjað verður að flytja
inn í viðbyggingu við höfuðstöðv-
ar Kaupþings banka í Borgartúni
í næsta mánuði. Viðbyggingin er
4.390 fermetrar og er jafnstór og
byggingin sem var fyrir. Síðan
bætist við bílakjallari og með
kjallaranum og bílastæðum
verður heildarflatarmálið 10.660
fermetrar.
Benedikt Sigurðsson, upplýs-
ingafulltrúi Kaupþings banka,
segir að ekki muni allar deildir
fyrirtækisins komast þar fyrir.
Starfsmenn Kaupþings hér á
landi voru rúmlega 1100 manns í
mars síðastliðnum og heildar-
fjöldi þeirra á sama tíma var í
kringum 2.850.
Viðbygging til-
búin í ágúst
Fiskibáturinn Pétur Konn
GK-236 strandaði úti fyrir
Rekavík bak Látur á Hornströnd-
um í gærmorgun. Einn maður var
um borð í bátnum. Hann komst um
borð í bát sem var á siglingu í
víkinni og sakaði ekki.
Björgunarskip slysavarnarfé-
lagsins Landsbjargar, Gunnar
Friðriksson, fékk tilkynningu um
strandið um hálfsjö og sigldi til
Rekavíkur frá Ísafirði auk
björgunarbátsins Gísla Hjartarson-
ar frá Bolungarvík. Áhöfn Gunnars
Friðrikssonar dró fiskibátinn
áleiðis til Bolungarvíkur.
Lögreglan á Ísafirði rannsakar
tildrög slyssins.
Bátur strandaði
við Rekavík
Örn Bárður Jónsson, sóknarprestur í Nes-
kirkju, býður lesendum bloggs síns að hlusta á
hljóðupptökur af líkræðum og prédikunum á netinu.
„Ég held að ég sé eini presturinn sem er með
hljóðupptökur,“ segir Örn Bárður.
Hugmyndina fékk hann þegar hann jarðsöng
Pétur Pétursson útvarpsþul í Dómkirkjunni. „Ég
hugsaði hversu mikill klaufi ég hefði verið að biðja
ekki Ríkisútvarpið að taka upp athöfnina, þar sem
hann var einn af stóru nöfnunum í sögu útvarpsins,“
segir Örn Bárður.
Í kjölfarið keypti hann sér upptökutæki sem hann
hefur á sér, innan á skrúðanum. „Ég varð nú fyrir
því í gær að batteríið kláraðist í miðri ræðu í
jarðarför í Fossvoginum,“ segir Örn Bárður.
„Það var mjög algengt að fólk bæði um afrit af
ræðum. Ég lét fólk fá ljósrit eða sendi tölvupóst og
svo byrjaði ég að birta þetta sem textaskjöl,“ segir
Örn.
Hann segir marga lesa líkræðurnar. „Fólk í
útlöndum fer inn á þetta, fólk sem ekki komst og
ættingjar seinna meir, þegar fram líður. Fólk vill
kannski endurupplifa athöfnina,“ segir Örn Bárður.
„Fyrst bað ég um sérstakt leyfi, en nú segi ég fólki
að ég sé vanur að gera þetta,“ segir Örn.