Fréttablaðið - 24.07.2007, Blaðsíða 34

Eftir laka byrjun á tíma-
bilinu, þar sem Fjölnir hlaut aðeins
eitt stig í fyrstum þremur leikjun-
um, fékk liðið þrjá leikmenn að
láni frá FH: sóknarmennina Atla
Viðar Björnsson og Ólaf Pál
Snorrason og miðjumanninn
Heimi Snæ Guðmundsson. Koma
þremenninganna gjörbreytti
gengi Fjölnismanna og var tónn-
inn settur strax í 4. umferð þegar
Fjölnir slátraði KA fyrir norðan,
6-0. Síðan þá hefur liðið náð í 22
stig af 27 mögulegum, auk þess
sem það hefur komist í gegnum
þrjár umferðir í Visa-bikarnum og
er komið í átta liða úrslit. Þá er
markatalan ekki af verri endanum
því eftir komu FH-inganna hefur
liðið skorað 43 mörk í tólf leikjum,
eða 3,58 að meðaltali í leik.
„Við virðumst vera búnir að töfra
fram leyndarmálið að því hvernig
skora á mörk,“ sagði þjálfarinn
Ásmundur Arnarsson kíminn þegar
Fréttablaðið ræddi við hann um hið
frábæra gengi lærisveina hans. Atli
Viðar hefur átt við meiðsli að stríða
en þó náð að skora sex mörk í átta
leikjum. Þrátt fyrir að hafa aðeins
skorað eitt mark þykir Ólafur Páll
hafa farið á kostum í sóknarleikn-
um og lagt upp ófá mörkin á félaga
sína. Þá hefur Heimir Snær skilað
sínu hlutverki afar vel, ýmist í vörn
eða aftarlega á miðjunni.
„Þessir strákar hafa vissulega
verið liðinu mikill styrkur, þrátt
fyrir að það hafi að mestu verið
aðrir sem hafa séð um að skora
mörkin. En þeir komu með aukið
sjálfstraust í liðið, sem vissulega
er gríðarlega stór þáttur. Við erum
sjóðandi heitir í augnablikinu, því
er ekki að neita, og það er óskandi
að þetta góða gengi haldi áfram,“
segir Ásmundur.
Atli Viðar segist mjög sáttur við
veru sína hjá Fjölni, en hann er
óðum að finna sitt gamla form eftir
að hafa slitið krossband síðasta
sumar. „Það er ánægjulegt ef við
höfum haft jákvæð áhrif og gert
eitthvert gagn,“ sagði Atli Viðar
hógvær. „Það er góður andi í Fjölni
og mjög gaman að spila með liðinu.
Liðið spilar skemmtilegan sóknar-
bolta sem er að skila árangri,“ segir
framherjinn. Atli Viðar er ekki í
vafa um að Fjölnir eigi heima í efstu
deild. „Leikmennirnir eru góðir og
efniviðurinn er sannarlega til stað-
ar. Það er hægt að gera heilmikið úr
þessu liði og það á fullt erindi upp.“
1. deildar lið Fjölnis hefur farið á kostum fyrir framan mark andstæðinga sinna
í síðustu leikjum. Liðið hefur skorað 43 mörk í síðustu tólf leikjum í deild og
bikar. Þrír lánsmenn frá FH hafa átt stóran þátt í velgengninni.
Sænski landsliðsmaður-
inn Freddie Ljungberg var
kynntur sem nýjasti liðsmaður
Íslendingaliðsins West Ham á
blaðamannafundi í gær. Vel fór á
með þeim Ljungberg og stjórnar-
formanninum Eggerti Magnús-
syni á fundinum og fór sá sænski
fögrum orðum um áætlanir
Eggerts með liðið.
„Það var mjög erfitt að yfirgefa
Arsenal og það var alltaf ljóst að
það þyrfti eitthvað mjög sérstakt
til. Ástæðan fyrir því að ég fer til
West Ham er Eggert Magnússon.
Hann vill gera West Ham að besta
liði landsins og er tilbúinn að
kaupa frábæra leikmenn um leið
og hann vill nota leikmenn úr
unglingaliðinu. Hann vill að ég
hjálpi liðinu að komast í fremstu
röð og það er mikil áskorun.“
Kaupverðið á Ljungberg er
talið vera um þrjár milljónir
punda og verður hann launahæsti
leikmaður West Ham með tæpar
átta milljónir á viku. „Við
reyndum að selja honum þá
hugsjón sem við höfum hjá
félaginu og það tókst. Við erum
mjög ánægðir með að hafa klófest
jafn reyndan og góðan leikmann
og Ljungberg,“ sagði stjórinn
Alan Curbishley.
Til West Ham
vegna Eggerts
Hjálpar mér ekkert við að reikna út mótherjann
Atvinnukylfingurinn Birgir
Leifur Hafþórsson er meiddur á
fingri sem setur þátttöku hans á
Íslandsmótinu í hættu. Mótið
hefst á Hvaleyrarvelli á fimmtu-
dag. „Ég meiddist þegar ég var að
flytja um helgina og hef ekkert
getað æft. Ég má enn ekki slá en
ég mæti vonandi til leiks á
fimmtudaginn. Ég stefni á að
liðka mig til í dag og reyna svo að
æfa daginn fyrir mótið,“ sagði
Birgir Leifur við Fréttablaðið í
gær.
Birgir kvaðst jafnframt hlakka
til mótsins en hann er talinn
meðal sigurstranglegustu
kylfinga mótsins. Íslandsmótið er
gríðarlega sterkt og meðal annars
keppa Sigurpáll Geir Sveinsson
og Heiðar Davíð Bragason á
mótinu en þeir hafa ásamt Birgi
aðallega keppt erlendis á árinu.
Heimamaðurinn Björgvin
Sigurbergsson er einnig talinn
líklegur til afreka auk Íslands-
meistarans frá því í fyrra,
Sigmundar Einars Mássonar.
Ekki með á
Íslandsmótinu?