Fréttablaðið - 24.07.2007, Blaðsíða 6

Hefur þú sent flöskuskeyti?
Ert þú fylgjandi virkjunarfram-
kvæmdum í Þjórsá?
HUGSAÐU VEL UM HÚÐINA
ÞÚ FÆRÐ DECUBAL
Í NÆSTA APÓTEKI
„Við fyrstu skoðun virðist hann þokkalega
heill og glaður yfir að koma heim,“ segir Klara
Sólrún Hjartardóttir, vinkona Kristjönu eiganda
Lúkasar og sú sem kom að honum í gærmorgun.
Hundurinn hafði verið týndur í einar tíu
vikur. Hann var talinn af, vegna ljúgvitnis um
grimmilegt dráp, en eigandi hans bar síðan
kennsl á hann uppi í fjalli fyrir rúmri viku.
Lúkas hefur verið styggur með afbrigðum.
Síðustu viku hafa verið egndar fyrir hundinn
gildrur í fjallinu og skilinn eftir matur.
Lúkas lét svo loks blekkjast og gekk í
felligildru í Fálkafelli í fjallinu Súlum. Hann
var aldrei í Hlíðarfjalli, eins og talið var.
„Ég veit ekki hvaðan þær upplýsingar komu,
en við ákváðum bara að leyfa því að vera
svoleiðis til að halda fólki í burtu,“ segir Klara,
sem vildi þannig tryggja að hundurinn fældist
ekki frekar.
„Ég er búin að eyða viku í að öðlast traust
hans með því að færa honum mat. Það hvarflaði
stundum að mér að hann kæmi ekki en ég gaf
mig ekki,“ segir hún.
Klara er búin að fara allt að þrjátíu ferðir í
fjallið eftir hvutta og lagði sjálf gildruna sem
gómaði hann. Hún er að vonum fegin lyktunum.
„Þetta er yndislegur endir á ljótu máli. Hann er
búinn að hitta dýralækninn, sem sá ekkert að
honum í fljótu bragði. Hann sagði að Lúkas ætti
bara að hvílast heima við.“
Með heimkomu hundsins lýkur afskiptum
lögreglunnar á Akureyri af dýrinu. „Þetta er
búið að vera ein hringavitleysa og hefur kostað
heilmikla vinnu. Það er búið að sólunda fé
skattborgara og tíma lögreglunnar,“ segir
Gunnar Jóhannsson, yfirmaður rannsóknar-
deildar lögreglunnar á Akureyri. Gunnar veit
ekki hver verða eftirmál vegna þeirra sem báru
ljúgvitni á sínum tíma.
„Það er refsivert að gefa rangan vitnisburð
til lögreglu og það virðist hafa gerst í þessu
máli. En sýslumaður mun ákvarða um fram-
haldið síðar.“
Lúkas kominn í leitirnar
Lúkas gekk í gildru í Fálkafelli í gærmorgun og virðist við góða heilsu. Hann var aldrei í Hlíðarfjalli, eins
og haldið var. „Yndislegur endir á ljótu máli,“ segir Klara Sólrún Hjartardóttir, sem fór hátt í þrjátíu ferðir
að leita hans. Sýslumaður skoðar málið.
Bresk móðir, sem fékk
tæpar 3,7 milljónir króna í
barnabætur með því að ljúga því
að hún ætti sautján börn, sleppur
við fangelsisvist, af því að hún er
ófrísk og með fæðingarþunglyndi.
Segir í The Daily Mail í Bretlandi.
Konan hélt því fram að hún
hefði 26 ára gömul verið búin að
eignast þrjú pör af tvíburum og
þríbura í tvígang.
Konan játaði á sig níu brot yfir
þriggja ára tímabil. Hún hafði
hringt 400 sinnum í skattstofuna
til að segja frá ört stækkandi
fjölskyldu sinni. Einnig fékk hún
aukabætur, þar sem öll upplognu
börnin höfðu sykursýki.
Sagðist eiga 17
sykursjúk börn
Tveir menn, 53 og 60
ára, sem sakaðir eru um að hafa
reynt að kveikja í iðnaðarhúsnæði
á Stokkseyri í janúar 2004, neita
sök. Mennirnir eru ákærðir fyrir
tilraun til brennu og fór aðalmeð-
ferð í málinu fram í Héraðsdómi
Suðurlands í gær.
Iðnaðarhúsnæðið var í eigu ann-
ars mannsins. Lögreglan komst á
snoðir um ráðagerðir mannanna
tveggja nokkru áður en brenna
átti húsið, og hleraði síma þeirra.
Annar þeirra var svo handtekinn
á vettvangi eftir að lögregla hafði
komið í húsið og fundið tvö log-
andi kerti ofan á flíspeysu, nálægt
pappakössum og frauðplastbökk-
um sem staflað hafði verið upp og
olíu hellt yfir.
Mennirnir neita báðir sök. Sá
eldri, sem átti húsið, segist aldrei
hafa lagt á ráðin um að brenna
húsið. Sá yngri, sem var handtek-
inn á staðnum, segist eingöngu
hafa verið að kanna hvort ekki
væri allt með felldu í húsinu
umrætt kvöld, en ekki hafa verið
kominn þangað til að kveikja í.
Honum hafi yfirsést logandi
kertin.
Eins og áður segir átti þetta sér
stað í janúar 2004 en ákæra í mál-
inu var ekki gefin út fyrr en 6.
mars í ár, rúmum þremur árum
síðar.
Að sögn Kolbrúnar Sævarsdótt-
ur, saksóknara hjá Ríkissaksókn-
ara, er drætti á rannsókn lögreglu
um að kenna.
Félag landeigenda í
Óskoti og í Reynisvatnslandi vill
að úrskurðarnefnd skipulags- og
byggingarmála felli úr gildi
samþykktir Reykjavíkurborgar
varðandi fisflugvöll á Hólms-
heiði. Landeigendurnir segja að
flugvöllurinn, með tilheyrandi
umferð á jörðu og í lofti, myndi
trufla og raska þeirri friðsæld
sem menn vilji hafa í sumarhús-
um. „Húsin yrðu félagsmönnum
ónothæf auk þess sem eignirnar
yrðu óseljanlegar,“ segir í kæru
félagsins til úrskurðarnefndar-
innar þar sem bent er á til áherslu
að vélar í fisum séu eins og í
skellinöðrum og garðsláttuvélum.
Kæra fisflug við
sumarbústaði
Svo virðist sem frá-
sagnir af handtökuskipun á hend-
ur Ólafi Ragnarssyni, skipstjóra
Eyborgarinnar á Möltu, hafi ekki
verið á rökum reistar.
Pétur Ásgeirsson, skrifstofu-
stjóri hjá utanríkisráðuneytinu,
segir að Maurice Mizzi, ræðis-
manni Íslands á Möltu, hafi í gær
verið falið að grennslast fyrir um
málið hjá stjórnvöldum. Við fyrstu
athugun ræðismannsins virtist
ekkert benda til þess að stjórnvöld
á Möltu vildu ná sambandi við
Ólaf eða handtaka hann.
„Þannig að á þessari stundu telj-
um við að það sé enginn fótur fyrir
þessu en ræðismaðurinn ætlaði að
athuga þetta nánar,“ segir Pétur.
Birgir Sigurjónsson, eigandi
Eyborgarinnar, sagðist í gærkvöld
ekki hafa náð sambandi við Ólaf
ytra þrátt fyrir ítrekaðar tilraunir.
„Hann er alveg úr sambandi,“
segir Birgir sem kveður eftir-
grennslan ræðismannsins hafa
staðfest grun sinn um að fregnir
af handtökuskipununni væru
byggðar á sandi.
Ekki náðist tal af eiginkonu
Ólafs í gær.
Ólafur bjargaði tuttugu flótta-
mönnum á Afríku um borð í skip
sitt í júní og flutti þá til Möltu í
andstöðu við yfirvöld þar sem
vildu að hann sigldi með fólkið til
Líbíu þar sem björgunin hafi verið
í lögsögu þess lands.
Ekki næst enn í Ólaf á Möltu
Óánægja er í Vest-
mannaeyjum með þá ákvörðun
Vegagerðar ríksins að bæta ekki
við tveimur aukaferðum við þær
fimm aukaferðir sem þegar er
gert ráð fyrir að Herjólfur sigli
um verslunarmannahelgina. Að
því er segir á vef Vegagerðarinn-
ar óskuðu bæjaryfirvöld í Eyjum
eftir tveimur næturferðum að
auki. „Ríkissjóður styrkir tvær
ferðir á dag með Herjólfi og
fimm næturferðir um verslunar-
mannahelgi, einnig eru tvær
flugferðir á dag með Flugfélagi
Íslands styrktar. Auk þess er
óstyrkt flug frá Bakka,“ bendir
Vegagerðin á.
Fá ekki fleiri
aukaferðir