Fréttablaðið - 23.09.2007, Blaðsíða 84

Stuttmyndin Misty Mountain
fjallar um Warren, bandarískan
hermann á sjöunda áratugnum
sem þjónar við Natóstöð á Íslandi.
Öðru hverju ferðast hann inn í
framtíðina, þar sem hann kynnist
og verður ástfanginn af íslenskri
stúlku árið 2006.
Hann neyðist til að snúa aftur til
fortíðar en þegar hið raunverulega
2006 er runnið upp hverfur hann
aftur til Íslands til að bjarga
stúlkunni frá örlögum ástar-
sorgarinnar.
Leikstjórinn gerir skemmtilegar
tilraunir meðal annars þar sem
hann notar myndbandsdagbók
stúlkunnar sem hluta af frásögn-
inni. Myndatakan er ágæt og
klippingin styður vel við frásögn-
ina og vekur stemningu. Einnig er
gaman að sjá meðvitaða notkun
lita, sem lyftir heildarútliti mynd-
arinnar.
Misty Mountain er lokaverkefni
leikstjórans frá kvikmyndadeild
New York-háskóla og ber keim af
skólaverkefni.
Eflaust er verið að daðra við
takta hjá kvikmyndaleikstjórum á
borð við David Lynch, Christopher
Nolan og jafnvel Terry Gilliam.
Samanber hið óræða, misjafnar
víddir í atburðarás og tímaflakk.
Því miður er sagan of flókin og
ekki nógu vel unnið með handrit
fyrir stuttmyndasniðið og tíma-
flakkið örlítið tilgerðarlegt. Leik-
urinn ber vott af leikstjórn sem
stígur sín fyrstu skref, en þó ber
að nefna góða spretti hjá íslensk-
um aukaleikurum og töfrandi Ing-
unni Erlu Eiríksdóttur í hlutverki
ástmeyjarinnar. Misty Mountain
er ágætis tilraun og lofandi
byrjun.
Rut Hermannsdóttir
Ágætis byrjun og góðir sprettir
MISTY MOUNTAIN
Leikstjóri og handritshöfundur: Óskar Þór Axelsson.
Aðalhlutverk: Warren J. Willard, Ingunn Erla Eiríksdóttir, Steven Zilliax,
Guðjón Gamalíelsson, Herdís Þorvaldsdóttir, Ragnar Már Sigfússon og Margrét
Vilhjálmsdóttir.
Jón er þreyttur á lífinu og í sjálfs-
morðshugleiðingum þegar hann
hittir Gunnu á fáfarinni heiði. Hún
er í banastuði, ef frá er talið bens-
ínleysi. Jón nær að rífa sig upp úr
þunglyndinu til að redda bensíni
en örlögin verða ekki flúin. Líf
Jóns og Gunnu verður aldrei samt
á ný.
Stuttmyndin Takk fyrir hjálpið
er frumraun Benedikts Erlings-
sonar leikara sem kvikmyndaleik-
stjóra. Þetta er vandmeðfarið
form og margir leikstjórar falla í
þá gryfju að segja of stóra og
flókna sögu í fyrsta sinn. Það á
ekki við um Takk fyrir hjálpið því
hún er bæði hnitmiðuð og skondin
og smellpassar í stuttmyndaform-
ið. Styrkur Benedikts sem leikari
kemur skýrt fram því frammi-
staða leikaranna Hilmars Jóns-
sonar og Charlotte Bøving er alveg
frábær.
Benedikt hefur fengið með sér
einvala lið fagmanna en það er
Bergsteinn Björgúlfsson sem
tekur og Elísabet Ronaldsdóttir
sem klippir. Hún er að skipa sér á
sess meðal bestu klippara á Norð-
urlöndum og klippti meðal annars
Mýrina, Blóðbönd og stuttmyndina
Bræðrabylta sem er komin í forval
til Óskarsverðlauna.
Í heildina er Takk fyrir hjálpið
skemmtileg lítil mynd og það er
full ástæða til þess að fylgjast vel
með Benedikt Erlingssyni koma
sér betur fyrir í leikstjórastólnum
í framtíðinni.
Rut Hermannsdóttir
Örlögin mætast á heiðinni
TAKK FYRIR HJÁLPIÐ
Leikstjóri og handritshöfundur: Benedikt Erlingsson.
Aðalhlutverk: Charlotte Bøving og Hilmar Jónsson.
GERÐUBERG HAUST 2007
www.gerduberg.is
S
E
P
TE
M
B
E
R
O
K
TÓ
B
E
R
N
Ó
V
E
M
B
E
R
D
E
S
E
M
B
E
R
Sýningar eru opnar virka daga frá kl. 11-17 og um helgar frá kl. 13-16
Dagskráin er birt með fyrirvara um breytingar
22. september – 11. nóvember
Handverkshefð í hönnun
Hönnuðir, lista- og handverksfólk sýna verk sín
Boðið er upp á leiðsögn um sýninguna fyrir hópa
í samstarfi við Heimilisiðnaðarfélag Íslands og
Handverk og hönnun
22. september – 11. nóvember
Í Boganum: Úr ríki náttúrunnar
Guðmunda S. Gunnarsdóttir, alþýðulistakona,
sýnir málverk og myndverk úr rekaviði og steinum
Október – desember
Komdu að kveða í Gerðubergi!
Kvæðamannafélagið Iðunn
Kvæðalagaæfingar og skemmtifundir í hverjum mánuði
Sjá www.rimur.is
Október – nóvember
Ertu með eitthvað NÝTT á prjónunum?
Grunn- og framhaldsnámskeið í samstarfi við Heimilis-
iðnaðarfélag Íslands. Kennarar: Ásta Kristín Siggadóttir
og Halldóra Ingólfsdóttir. Sjá www.heimilisidnadur.is
17. október kl. 21
Tónleikar - Tríó Vadims Fedorovs
Tríóið skipa Vadim Fedorov sem leikur á harmoniku,
Gunnar Hilmarsson á gítar og Leifur Gunnarsson á
kontrabassa. Frönsk musett- og valssveifla
í bland við heims- og jazztónlist
17. nóvember – 13. janúar
Í Boganum: Málverkasýning Togga
Sýning á landslagsmálverkum
Þorgríms Kristmundssonar, alþýðulistamanns
24. nóvember – 13. janúar
Þetta vilja börnin sjá!
Myndskreytingar úr barnabókum ársins
Boðið er upp á leiðsögn fyrir 8 ára skólabörn
í samstarfi við Borgarbókasafn Reykjavíkur
24. nóvember
Allt í plati!
Sigrún Eldjárn: Ritþing og sýning
Stjórnandi þings: Sigþrúður Gunnarsdóttir
Spyrlar: Aðalsteinn Ásberg og Margrét Tryggvadóttir
25. nóvember
Dagur hljóðfærisins: Fiðlan ræður ríkjum!
Landslið fiðluleikara býður upp á
fjölbreytta dagskrá fyrir alla fjölskylduna!
Í samstarfi við Félag íslenskra tónlistarmanna
6. desember kl. 20
Dimmalimm - Íslensku myndskreytiverðlaunin 2007
í samstarfi við Félag íslenskra bókaútgefenda,
Myndstef og Pennann
Hljómsveitin Tepokarnir leikur fyrir gesti
6. desember kl. 21
Í Kaffi Bergi: Einn og átta
Sunna Emanúelsdóttir sýnir handgerða jólasveina
og skötuhjúin Grýlu og Leppalúða