Fréttablaðið - 26.09.2007, Blaðsíða 19

Fleira er hægt að gera á Spáni
en stunda sólböð, sjó- og
skipulagðar skoðunarferðir.
Lífskúnstnerinn Signý Páls-
dóttir lét draumana rætast,
dreif sig á vikunámskeið í
spænsku og tónlistarhátíð í
leiðinni.
„Ég var eina viku í Granada á Suður-
Spáni nú í júlí og það var hápunktur
góðs sumars hjá mér,“ segir Signý
brosandi og heldur áfram. „Þar
sameinaði ég það sem mig langaði
mest, að læra spænsku, vera
samvistum við dóttur mína og
tengdason og njóta tónlistar á
hverjum degi.“
Signý segir tengdasoninn Javier
Jáuregui hafa átt hugmyndina að
þessari ferð en hann og Guðrún
Jóhanna Ólafsdóttir, dóttir Signýjar,
búa á Spáni. „Javier var einn af
skipuleggjendum alþjóðlegu
tónlistarhátíðarinnar Interpretación
de la Canción Espanola í Granada.
Hún snerist um túlkun spænska
söngsins og gaf þátttakendum og
áhangendum þeirra kost á ótal
námskeiðum. Ég skráði mig í
krefjandi spænskunámskeið sem
þýddi sex klukkustundir á dag og
lærði meira en ég hefði trúað
fyrirfram. Sambýlismaðurinn gerði
grín að mér þegar ég kom heim og
sagði að ég væri kominn með
spænskan hreim!“
Signý kveðst hafa notið þess að
ganga um götur borgarinnar og
skoða arfleifð máramenningarinnar,
meðal annars á leið sinni í skólann
Castila sem er í gömlu húsi í Albacin-
hverfinu. „Þau heita Carmen svona
hús í Andalúsíu sem byggð eru
kringum garð,“ útskýrir hún og lýsir
líka deginum eftir skóla. „Ég hitti
dóttur mína um hálf þrjú leytið ef
hún var laus en hún kenndi söng á
hátíðinni. Oft borðuðum við góða
máltíð saman undir berum himni og
fengum okkur svo síestu sem gerði
það að verkum að ég fékk eiginlega
tvo daga út úr hverjum einum því ég
vaknaði endurnærð eftir
korterssvefn og langaði bara aftur í
skólann. Síðdegis hafði ég úr mörgu
að velja á tónlistarsviðinu ef ég var
ekki að skoða eitthvað merkilegt og
á kvöldin eftir tónleika var farið
aftur út að borða því Spánverjar
leggja mikið upp úr mat. Af því að
ég var þarna með dóttur og
tengdasyni var mér boðið heim til
þekktra tónlistarmanna sem búa í
Granada. Einnig fór ég í hella og sá
þar flottan flamengódans. Allt var
þetta ævintýri líkast.“
Tveir góðir dagar
úr hverjum einum
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
MasterCard
Mundu
ferðaávísunina!
Auglýsingasími
– Mest lesið