Fréttablaðið - 04.10.2007, Page 4

Kristín Gísladóttir sjúkraþjálfari aðstoðar við val
á réttri dýnu alla fimmtudaga á milli kl. 16 og 18.
Opið virka daga: 10-18
Reykjavík: Mörkin 4, s: 533 3500
Fjölmargar stofnan-
ir ríkisins eiga í erfiðleikum með
að fylgja fjárlögum, og tólf þeirra
voru með samtals 221 milljón
króna í yfirdráttarskuld í árslok
2006. Þetta kemur fram í endur-
skoðun Ríkisendurskoðunar á
ríkisreikningi ársins 2006.
Ríkisendurskoðun bendir á að
stofnunum sé ekki heimilt að fjár-
magna rekstur sinn með yfirdrætti
á bankareikningum, heldur eigi að
færa halla sem tímabundna skuld
við ríkissjóð.
Árni M. Mathiesen sagði í viðtali
við Fréttablaðið nýverið að til
stæði að breyta framkvæmd fjár-
laga, meðal annars með þeim hætti
að stofnanir geti tekið lán hjá ríkis-
sjóði til að sleppa við yfirdrátt og
dráttarvexti af skuldum.
Alls fóru 75 ríkisstofnanir meira
en fjögur prósent fram úr fjár-
heimildum á árinu 2006, samtals
um 14 milljarða króna. Rúmur
helmingur stofnana átti meira en
fjögur prósent heimilda ónýtt.
Stofnanir ríkisins eru um 450.
Í skýrslu Ríkisendurskoðunar
segir að taka eigi af festu á þeim
stofnunum sem fari meira en fjög-
ur prósent fram úr heimildum,
annaðhvort með því að ganga eftir
því að þær dragi úr útgjöldum eða
með því að hækka heimildir.
Fjárhagsstaða ríkissjóðs hefur
batnað verulega undanfarin tvö ár
vegna mikils afgangs sem verið
hefur á rekstri hans, segir í skýrsl-
unni.
Með 221 milljón í yfirdrátt
George W. Bush
Bandaríkjaforseti beitti neitun-
arvaldi sínu í fjórða sinn í gær.
Þar með felldi hann frumvarp
sem hefði bætt verulega
heilbrigðistryggingar barna.
Með því að beita neitunarvaldi
sínu á frumvarpið gengur Bush
gegn vilja beggja flokka, bæði
andstæðinga í Demókrata-
flokknum og samherja í Rep-
úblikanaflokknum.
Bush reyndi að vekja sem
minnsta athygli á málinu, boðaði
til dæmis ekki til blaðamanna-
fundar eins og áður þegar hann
hefur beitt neitunarvaldi.
Beitti neitunar-
valdi enn á ný
Þrjú þúsund manna
evrópskt friðargæslulið kann að
verða sent til grannlanda
Darfúr-héraðs í Súdan jafnvel
strax í næsta mánuði. Frá þessu
greindu franskir embættismenn
í gær, en Frakkar hafa tekið sér
forystuhlutverk í verkefninu.
Því er ætlað að veita vernd
hundruðum þúsunda flótta-
manna og öðrum óbreyttum
borgurum sem líða fyrir
ástandið.
Öryggisráð Sameinuðu
þjóðanna lagði í síðustu viku
blessun sína yfir að evrópskt
gæslulið yrði sent til Tsjad og
Mið-Afríkulýðveldisins. Sam-
kvæmt reglum SÞ mun liðið hafa
umboð til að „grípa til aðgerða
gegn öllum vopnuðum hópum ...
sem ógna óbreyttum borgurum,“
sagði franskur erindreki.
Senda evrópskt
friðargæslulið
64,5 prósent vilja
að Ólafur Ragnar Grímsson haldi
áfram sem forseti þegar kjör-
tímabili hans lýkur á næsta ári,
samkvæmt skoðanakönnun
Fréttablaðsins. 35,5 prósent
sögðust vilja fá nýjan forseta.
Samkvæmt könnuninni vilja
fleiri karlar en konur fá nýjan
forseta þegar kjörtímabili Ólafs
lýkur næsta ár. 37,3 prósent karla
vilja nýjan forseta og 33,7 pró-
sent kvenna.
Þá eru aðeins fleiri sem búa á
landsbyggðinni en á höfuðborgar-
svæðinu sem vilja að Ólafur
Ragnar haldi áfram, en munur-
inn eftir búsetu er lítill. 65,8 pró-
sent íbúa á landsbyggðinni vilja
að hann haldi áfram en 63,7 pró-
sent íbúa á höfuðborgarsvæðinu.
Nokkur munur er á afstöðu
fólks til þess hvort Ólafur Ragnar
eigi að halda áfram eftir stjórn-
málaskoðunum, en hafa verður í
huga að misjafn fjöldi liggur að
baki hvers flokks og skekkju-
mörk því misjöfn.
Kjósendur Vinstri grænna eru
þeir sem helst vilja að Ólafur
Ragnar haldi áfram, en 76,8 pró-
sent þeirra sem segjast kjósa
þann flokk vilja ekki að Ólafur
hætti. Þá segjast 70,7 prósent
þeirra sem ekki gefa upp stjórn-
málaflokk og 70,2 prósent þeirra
sem styðja Samfylkinguna vilja
að Ólafur sitji sem forseti fjórða
kjörtímabilið. 65,0 prósent kjós-
enda Frjálslynda flokksins og
50,0 prósent kjósenda Framsókn-
arflokksins vilja Ólaf sem for-
seta næsta kjörtímabil. Ólafur
hefur minnstan stuðning meðal
kjósenda Sjálfstæðisflokksins,
en 48,8 prósent þeirra vilja að
Ólafur sitji áfram á Bessastöð-
um. Meirihluti þeirra sem kjósa
Sjálfstæðisflokkinn vill því nýjan
forseta samkvæmt þessu, en
munurinn er afar tæpur.
Hringt var í 800 manns á kosn-
ingaaldri laugardaginn 29. sept-
ember. Spurt var; Þriðja kjörtíma-
bili Ólafs Ragnars Grímssonar
forseta lýkur á næsta ári. Viltu að
hann sækist eftir því fjórða, eða
viltu fá nýjan forseta? 86,6 pró-
sent svarenda tóku afstöðu til
spurningarinnar. Þá var spurt;
Hver viltu að verði næsti forseti
ef Ólafur Ragnar Grímsson býður
sig ekki fram? Einungis 15 pró-
sent tóku afstöðu til þeirrar spurn-
ingar og eru því tölulegar upplýs-
ingar ekki birtar og nöfnum þeirra
sem oftast voru nefnd er raðað í
stafrófsröð.
Helmingur hægri-
manna styður Ólaf
Tæplega 65 prósent vilja að Ólafur Ragnar Grímson verði forseti íslenska lýð-
veldisins fjórða kjörtímabilið í röð. Tæplega 36 prósent vilja fá nýjan forseta.
Heldur fleiri konur en karlar vilja að Ólafur verði áfram á Bessastöðum.