Fréttablaðið - 10.10.2007, Blaðsíða 4

Fréttablaðið - 10.10.2007, Blaðsíða 4
 „Frábært, æðislegt,“ sagði Bítillinn Ringo Starr um leið og hann gekk nánast aftur á bak niður að snekkjunni, sem flutti hann og Yoko Ono frá Viðey í gærkvöldi. Ringo lék á als oddi við tendrun Friðarsúlu Yoko í Viðey. Svalur vindur hafði leikið um gesti í nokkra stund og Skólakór Kárs- ness sungið í um hálftíma þegar Yoko, í fylgd sonar síns, Sean Lennon, auk Ringo og ekkju Bítils- ins George Harrison, Oliviu, mættu að Friðarsúlunni. „Þetta er gjöf til heimsins frá John og Yoko og íslensku þjóðinni,“ sagði Yoko og kvað okkur öll standa saman í dögun nýrrar aldar. „Sum okkar eru hér á staðnum, önnur eru með okkur í anda, sum eru fangelsuð, pyntuð og niður í þeim þaggað. En þau eru hér líka með okkur í dag. Sum okkar hafa farið burt áður en þau gátu notið nýrrar aldar af ást og friði. En þau standa hér öll saman í dag í von. Ljósið er ljós visku, heilunar og krafts,“ sagði Yoko Ono. Ringo Starr, Yoko, Olivia Harris- son og Sean Lennon skoðuðu Frið- arsúluna í krók og kring. Ringo tók hressilega undir í laginu Ima- gine eftir John Lennon, hrósaði verkinu í hástert og óskaði síðan gestum ástar og friðar áður en hópurinn gekk á braut. „Takk fyrir alla hjálpina og ást ykkar á verkefninu,“ sagði Yoko Ono á blaðamannafundi áður en Friðarsúla hennar var tendruð í Viðey í gær. „Ég er mjög, mjög hamingjusöm, þetta er frábært,“ sagði Yoko sem einnig taldi að eiginmaður hennar heitinn, John Lennon, væri ánægð- ur með Friðarsúluna, sem helguð er minningu hans og var tendruð þegar nákvæmlega 67 ára voru liðin frá fæðingu hans. Ljósin eiga að loga til 9. desember sem er sá dagur sem Lennon var myrtur að Yoko ásjáandi í New York árið 1980. Yoko sat í gær fyrir svörum alþjóð- legs liðs blaðamanna sem sumir hafa fylgst með henni og Bítlunum í marga áratugi. Spurð um staðarvalið fyrir Frið- arsúluna sagði Yoko ótal ástæður fyrir því. Ein skýringin væri hnatt- ræn lega Íslands. „Norðrið er þar sem krafturinn og viskan er,“ sagði listakonan sem kvaðst vilja að úr norðrinu yrði boðskap friðarins dreift um heim allan. Aðrar ástæður fyrir staðarvalinu sagði Yoko vera hreinar orkulindir og náttúru Íslands. Vilhjálmur Þ. Vilhjálmsson borg- arstjóri þakkaði Yoko fyrir hönd allra Íslendinga fyrir hina frábæru hugmynd sem nú væri orðin að veruleika. „Reykjavíkurborg er stolt og heiður sýndur að hafa orðið fyrir valinu fyrir þetta friðartákn,“ sagði borgarstjórinn. Þegar Yoko var spurð um það hvort til greina kæmi að reistar yrðu friðarsúlur á öðrum stöðum í heiminum svaraði Yoko því til að hún stýrði ekki því sem aðrir gera. „Fyrir mig þá dugar þessi alveg,“ sagði hún. Að sögn Yoko á unga kynslóðin í dag betri möguleika á að koma á friði en ungt fólk átti á sjöunda áratugnum. Þá hafi ýmsar gildrur verið í veginum og dæmið ekki alveg gengið upp. En ekki aðeins væru möguleikarnir nú betri til að ná fram friði heldur væri það ein- faldlega knýjandi nauðsyn. „Við verðum bara að gera það. Vegna þess að ef við gerum það ekki þá verðum við ekki hér,“ sagði hún. Þá bætti Yoko því við að nú á dögum væri hugmyndin um góð- mennsku horfin. „Fólk hugsar mest núna um að eignast peninga,“ sagði Yoko sem vill breytingar: „Ef við öllsömul óskuðum friðar saman og tryðum á hann þá gætum við breytt heiminum.“ Yoko Ono tendraði Friðarsúlu Lennons Listakonan Yoko Ono segir menn verða að koma á friði eða hverfa ella. Hún tel- ur að John Lennon sé ánægður með friðarsúluna í Viðey og að úr norðri berist boðskapur friðar um heiminn. Borgarstjórinn sagði Reykvíkinga vera stolta. www.lyfja.is - Lifið heil Bólusetning gegn inflúensu – engin bið Lyfja Lágmúla: alla daga kl. 15–19 Lyfja Smáralind: alla daga kl. 13–15 Lyfja Laugavegi: föstudaga kl. 13–17ÍSLE N S K A /S IA .I S L Y F 3 93 45 0 9/ 07 „Ég held að þetta sé vel heppnað listaverk sem eigi eftir að vekja athygli,“ segir Hafþór Yngvason, safnstjóri Listasafns Reykjavíkur, sem telur mikinn feng að Friðarsúlu Yoko Ono í Viðey. „Þetta er vandlega hugsað og kemur mjög vel út. Ég held að þetta verði nýtt kennileiti í umhverfinu.“ Friðarsúlan verður eftirleiðis á vegum Listasafns Reykjavíkur. Við munum annast um verkið svo það verði alltaf eins og það var hugsað,“ segir Hafþór. Súlan vandlega hugsað listaverk Ringo sagði súluna æðislega Frosti Bergsson hefur gert tilboð í Opin kerfi. Tilboðinu hefur verið tekið samkvæmt heimildum Fréttablaðsins en kaupverðið er ekki gefið upp. Kaupin eru gerð með fyrirvara við útkomu áreiðanleikakönnunar sem stendur yfir. Frosti vann að stofnun HP á Íslandi sem síðar varð að Opnum kerfum og vann þar í 20 ár. Árið 2004 var félagið hins vegar selt til Kögunar, sem er dótturfélag Teymis. Teymi á nú um helming í Handsholding sem skoðar sölu Opinna kerfa til Frosta. Kaupir Opin kerfi aftur Lögreglan á höfuð- borgarsvæðinu lýsir eftir Huldu Sólrúnu Aðalsteinsdóttur, fimmtán ára, sem fór frá heimili sínu í Reykjavík síðastliðinn miðvikudag. Hulda Sólrún er 175 sentimetrar á hæð og grannvaxin, með dökkleitt axlarsítt hár með ljósum strípum. Hún er líklega klædd í svarbrúnan leðurjakka, ljósa strigaskó, dökkbláar gallabuxur og ljósa peysu. Þeir sem vita hvar hún er niðurkomin eru beðnir um að hafa samband við lögregluna í síma 444-1000. Lýst eftir stúlku Skólakór Kársness söng í gær fyrir gesti við tendrun Friðarsúl- unnar í Viðey. „Þetta eru 75 krakkar á aldrinum þrettán til fimmtán ára sem syngja hér í kvöld,“ sagði Þórunn Björnsdóttir kórstjóri áður en hópurinn sté á svið. „Við hlökkum afar mikið til. Okkur finnst ofboðslega gaman að taka þátt í svona skemmtilegu verkefni. Við reyndum að finna lög sem passa við athöfnina og erum að hluta til með efnisskrá sem hinir erlendu gestir þekkkja. En við syngjum allt á íslensku,“ sagði Þórunn. Bæði Ringo Starr og Yoko Ono gáfu sig á tal við kórinn í lok athafnarinnar. Sungu fyrir Yoko og gesti Kvikmyndafyrirtækið Pegasus Film hefur myndað Yoko Ono í heimsóknum hennar á Íslandi síðustu tvö árin. Listakon- an réði Pegasus til verksins og fær allt myndefnið í hendurnar eftir hverja heimsókn. Ekki er nákvæmlega vitað til hvers Yoko ætlar þessar upptökur til annars en einkanota. Starfsmenn Pegasus fylgja Yoko ekki eftir hvert fótmál hér á landi heldur festa þeir helstu viðburði á filmu. Voru Pegasus-menn í öndvegi á vel heppnuðum blaðamannafundi í Hafnarhúsinu í gær. Mynda gjörðir Yoko á Íslandi

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.