Fréttablaðið - 10.10.2007, Blaðsíða 38
1
6 7 8
10
13
119
12
15
16
18
21
20
17
14
19
2 3 4 5
Söngleikurinn Ást eftir Gísla Örn Garðarsson
og Víking Kristjánsson verður frumsýndur í
Seúl í Suður-Kóreu í desember á næsta ári.
„Þeir ætla að fá kóreskar sjónvarpsstjörnur til
að syngja þetta allt saman. Þetta er mjög
ánægjulegt og mjög framandi,“ segir Gísli
Örn. „Það verður mjög fyndið að sjá þetta á
kóresku.“
Fyrirtækið Acom International í Seúl hefur
keypt réttinn að verkinu af Vesturporti og Art-
box. Starfsmaður á vegum Acom kom hingað
til lands í vor og upp úr því hófust viðræður um
að verkið yrði sett upp í Seúl.
Gísli ætlar að fara til Seúl og vera nýjum
leikstjóra innan handar með uppsetninguna.
„Ég fer út og kíki á þetta. Það verður gaman að
sjá hvernig einhver annar fer með þetta,“ segir
Gísli, sem áttar sig ekki á þessum mikla áhuga
Suður-Kóreubúa á verkinu. „Ég hef heyrt að
fólk í Asíu sé mjög sólgið í karókí. Það er mjög
mikið um lög sem eru vinsæl í karókí í söng-
leiknum og kannski finnst þeim þetta bara
hressandi.“
Gísli segir að söngleikurinn eigi fullt erindi í
hinum vestræna heimi þótt söguþráðurinn sé
nokkuð óvenjulegur. „Leikurinn gerist á elli-
heimili þar sem allir eru yfir sextugu og syngja
lög unga fólksins. Þetta fjallar um gamalt fólk
í dag og hvað við erum dálítið að gleyma því og
skella því inn á stofnanir. Hann fjallar líka um
mismunandi viðhorf fólks til þess að fara á elli-
heimili.“
Verkið hefur gengið fyrir fullu húsi í Borg-
arleikhúsinu í eitt og hálft leikár. Með helstu
hlutverk fara Theódór Júlíusson, Pétur Einars-
son, Hanna María Karlsdóttir, Charlotte Böv-
ing, Kristbjörg Kjeld, Ómar Ragnarsson og
Magnús Ólafsson.
Söngleikurinn Ást til Suður-Kóreu
„Ég var að klára hérna smá atburð með þýska heil-
brigðisráðherranum, við vorum að hleypa af stokkun-
um átaki sem heitir Five a Day eða fimm ávext-
ir á dag,“ segir Magnús Scheving, forstjóri og
skapari Latabæjar, sem var staddur í Þýska-
landi þegar Fréttablaðið náði tali af honum.
„Svo eftir hádegi fer ég og þjálfa þýska Sport-
acus,“ bætir Magnús við.
LazyTown hefur verið í góðum gír að und-
anförnu en úti um allan heim er nú verið
að setja upp leiksýningar sem byggðar
eru á sjónvarpsþáttunum. Magnús var
einmitt viðstaddur frumsýningu slíkr-
ar sýningar á Englandi þar sem Lati-
bær er orðið mikið æði. Áður hafði
hann verið að hlaupa maraþon með
krökkum í Ósló og gengið frá sjón-
varpsréttarsamningnum í Cannes.
Magnús mun jafnframt ávarpa afar stóra heilsuráð-
stefnu í London sem nefnist National Obesity Forum á
þriðjudaginn en yfirskriftin verður Obesity: The Public
Health Time Bomb. Þar verður sjónum beint að þeim
gríðarlega heilbrigðisvanda sem offita er en ráðstefn-
una sækir aðallega starfsfólk úr heilbrigðisgeiranum,
bæði læknar og hjúkrunarfræðingar. Meðal
þeirra sem verða á ráðstefnunni er heil-
brigðisráðherra Bretlands en offita er
orðið mjög stórt vandamál í Bretlandi.
Magnús herjar á Þýskaland
„Ég var með viðtalsþætti í Sjón-
varpinu á laugardagskvöldum á
þessum tíma, þar sem ég fékk til
mín skemmtilegt fólk, grásleppu-
karla jafnvel. Vala í Spaks-
mannsspjörum gerði stundum
á mig kjóla, en ég þori ekki að
sverja að þessi sé frá henni.“
Gnoðarvogi 44, s. 588 8686.
Opið 10-18:15 laugardaga 11-14.
Þú færð aðeins það besta hjá okkur
úrv sk, kinnar, gellur
signa grásleppu, reykt ýsa og mar eira
„Við höfum hist á nokkrum stefnu-
mótum en að öðru leyti vil ég ekk-
ert tjá mig um þetta og hún vill
heldur ekki koma fram opinber-
lega,“ segir Aron Pálmi Ágústsson
sem hefur sést með
stúlku upp á arminn
að undanförnu á
götum Reykjavíkur.
Aron vildi ekki
ganga svo langt
að kalla stúlk-
una kærustuna
sína en viðurkenndi að hún væri
góð vinkona sín og örlögin ein réðu
því hvað verða myndi hjá þeim.
Aron Pálmi Ágústson hefur
smám saman verið að koma sér
fyrir í íslensku þjóðfélagi eftir
erfið ár í Texas-ríki en hann kom
heim í lok ágúst á þessu ári eftir
að hafa afplánað tíu ára fangelsis-
dóm fyrir kynferðisbrot sem hann
framdi aðeins ellefu ára gamall.
Eins og fram hefur komið í fjöl-
miðlum voru aðstæður í Banda-
ríkjunum vægast sagt skelfilegar.
Í hinu svokallaða stofufangelsi
var Aroni meðal annars gert að
bera GPS-ökklaband sem skráði
niður hverja hreyfingu og láta
vita af sér með reglulegu milli-
bili.
En nú er Aron frjáls maður og
hann er þessa dagana að leita sér
að vinnu. Aron hefur lagt inn
umsóknir á tveimur stöðum, þar á
meðal á bensínstöð Shell við
Smáralind. Honum líkar lífið hér
á landi vel og segir Íslendinga
hafa tekið sér opnum örmum.
Aron brá sér á tónleika Magna
Ásgeirssonar á Players fyrir
skemmstu og bauð stórstjarnan
úr Rock Star honum baksviðs eftir
tónleikana. „Það var alveg frá-
bært og þetta voru virkilega
skemmtilegir tónleikar hjá
honum,“ útskýrir Aron.
Hugurinn stefnir samt í nám og
hyggst Aron taka námskeið í
íslensku fyrir útlendinga við
Háskóla Íslands. Í kjölfarið ætlar
hann svo að klára nám sitt í atferl-
issálfræði við sömu stofnun. Um
miðjan nóvember er síðan reiknað
með að ævisaga Arons Pálma komi
út en það er ritstjóri tímaritsins
Ísafoldar, Jón Trausti Reynisson,
sem skrifar hana.