Fréttablaðið - 29.10.2007, Qupperneq 4

Skattstjórinn í Reykjavík hefur sent
nokkrum borgarbúum bréf þar sem óskað er eftir
upplýsingum um fasteignaviðskipti viðkomandi fyrir
nokkrum árum.
Spurt er hvort viðkomandi hafi greitt fasteigna-
sala umsýslugjald og óskað eftir gögnum því til
staðfestingar innan tíu daga.
„Ég get ekki tjáð mig um þetta í sjálfu sér,“ segir
Gestur Steinþórsson, skattstjóri í Reykjavík. Hann
féllst á að afhenda Fréttablaðinu eintak af slíku bréfi
þar sem persónulegar upplýsingar höfðu verið
þurrkaðar út. Þar er spurt um fasteignaviðskipti frá
árinu 2004. Samkvæmt upplýsingum frá embættinu
er um innan við tug sambærilegra bréfa að ræða.
Aðpurður hvort grunur væri um að skattur hafi
ekki verið greiddur af umsýslugjaldi í einhverjum
tilvikum, sagði Gestur að ekki þurfi að vera neinn
grunur um eitthvað misjafnt til þess að embættið
kanni málið. Starfsmenn embættisins kanni reglu-
lega ýmsa þætti án þess að grunur sé um skattsvik.
Hann vildi að öðru leyti ekki tjá sig um málið.
Grétar Jónasson, framkvæmdastjóri Félags
fasteignasala, segir skattstjóra ekki hafa óskað eftir
upplýsingum um umsýslugjaldið frá fasteignasölum.
Hann segir það koma á óvart að fólk sem hafi
keypt fasteign fyrir einhverjum árum síðan sé
krafið um gögn, enda einstaklingar ekki skyldugir
til að halda bókhald og geyma kvittanir. Því telji
hann fólki ekki skylt að veita skattyfirvöldum
upplýsingarnar.
Í bréfi skattstjóra er vísað í lög um tekjuskatt, en
þar segir að öllum aðilum sé skylt að láta skattayfir-
völdum í té allar upplýsingar og gögn sem þau óska
eftir og „unnt er að láta þeim í té“. Ekki kemur fram
hvað gerist veiti viðtakandi ekki umbeðnar
upplýsingar innan tímafrestsins.
Grétar segir orðalagið í bréfinu hvasst og líklegt
að einhverjum geti orðið mikið um að fá slíkt bréf
frá skattyfirvöldum. Sérstaklega þar sem þar er
krafist gagna og skýringa innan tíu daga vegna
viðskipta sem hafi átt sér stað fyrir nokkrum árum.
„Ég hef enga ástæðu til að ætla að fasteignasalar
fari öðruvísi með þetta gjald en aðrar tekjur,“ segir
Grétar. Hann segir engan ágreining uppi um það
hvernig greiða skuli skatta af umsýslugjaldinu,
þetta sé talið fram eins og aðrar tekjur.
Umsýslugjald er greiðsla sem flestir fasteignasal-
ar innheimta af kaupendum fasteigna. Algengt er að
þetta gjald sé á bilinu 25 til 40 þúsund krónur.
Samtök móðurmáls-
kennara styðja áform mennta-
málaráðherra um að íslenska
verði stjórnarskrárbundin sem
þjóðtunga.
Í ályktun frá samtökunum er
bent á að miklar breytingar séu
að verða á íslensku samfélagi og
sumar þeirra ekki þjóðtungunni í
hag. Því sé mikilvægt að styrkja
og efla íslensku á alla lund og
stuðla að því að hún verði notuð á
öllum sviðum þjóðlífsins.
Fyrirtæki og stofnanir sem
starfa í fjölþjóðlegu umhverfi
eru hvött til að missa aldrei
sjónar á því að íslenska er
þjóðtunga Íslendinga.
Vilja að íslenska
verði þjóðtunga
Skatturinn spyr um
gömul umsýslugjöld
Skattyfirvöld í Reykjavík spyrja kaupendur fasteigna bréflega um greiðslu um-
sýslugjalds til fasteignasala. Engin ástæða til að ætla að öðruvísi sé farið með
þetta gjald en aðrar tekjur segir framkvæmdastjóri Félags fasteignasala.
Ísraelsk yfirvöld
byrjuðu í gær að sjá til þess að
minna eldsneyti bærist inn á
Gaza-svæðið. Aðgerðirnar eru
liður í að efna loforð um að auka
þrýsting á Hamas-liða, sem þar
stjórna.
Dor Alon, ísraelska orkufyrir-
tækið sem selur eldsneyti til
Gaza, staðfesti að það hefði
fengið fyrirmæli frá ísraelska
varnarmálaráðuneytinu um að
draga úr eldsneytissendingum.
Í fyrra mánuði lýsti Ísraelsþing
Gaza „óvinasvæði“ og samþykkti
áætlunina um að draga úr
eldsneytissendingum sem svar
við því að ekkert lát hefur orðið á
sprengiflaugasendingum frá
Gaza inn yfir ísraelska bæi.
Minna eldsneyti
flutt til Gaza
„Þeir fengu besta
manninn,“ segir Haraldur
Benediktsson,
formaður
Bændasamtaka
Íslands, en
Sigurgeir
Þorgeirsson,
framkvæmda-
stjóri samtak-
anna, hefur
verið ráðinn
ráðuneytisstjóri
sjávarútvegs-
og landbúnaðar-
ráðuneytis.
„Sigurgeir hefur unnið mjög gott
starf fyrir Bændasamtökin í tólf
ár, við getum ekki ætlast til
meira af honum.“
Haraldur segir ekki búið að
ákveða hvernig ráðningu
eftirmanns Sigurgeirs verði
hagað, en þau mál verði rædd
innan stjórnarinnar á næstu
dögum.
Ánægður með
ráðuneytisstjóra
Alþjóðasamfélagið
verður að bregðast hraðar við
loftslagsbreytingum, vaxandi
samkeppni um landnýtingu,
fækkun dýrategunda, þverrandi
fiskistofnum og ferskvatnsforða
og öðrum ógnum við umhverfi
hnattarins.
Þetta er meðal þess sem varað
er við í nýrri skýrslu Umhverfis-
stofnunar Sameinuðu þjóðanna,
UNEP.
Að skýrslunni standa 390
sérfræðingar hvaðanæva úr
heiminum og í henni er lagt mat
á framvinduna síðan síðasta
hliðstæða skýrsla var gerð árið
1987, Brundtland-skýrslan sem
svo var nefnd.
Fleira en hlýn-
un ógnar jörðu
Farþegaþota rann út af flug-
braut eftir lendingu á Keflavíkur-
flugvelli í fyrrinótt. Vélin var að
beygja inn á akstursbraut að flug-
stöðinni þegar nefhjólið rann af
brautinni. Engan sakaði í óhappinu,
sem kom til vegna mikillar hálku á
flugbrautinni.
188 íslenskir farþegar voru í
þotunni ásamt tíu manna áhöfn.
Vélin, sem er af gerðinni Boeing
737-800 og er á vegum flugfélags-
ins JetX, var að koma frá Tyrk-
landi þegar slysið varð. Farþegar
þurftu að bíða í klukkustund eftir
að yfirgefa vélina eftir lendingu.
Bragi Baldursson hjá Rannsókn-
arnefnd flugslysa segir bremsu-
skilyrðin á brautinni við lendingu
ekki hafa verið jafn góð og flug-
menn hafi haldið. Þess vegna hafi
vélin ekki hægt nógu vel á sér, og
flugmenn þurft að beina henni inn
á akbrautina að flugstöðinni.
„Þetta er þekkt vandamál sem
verður þegar hitastigið hangir við
frostmarkið og hitinn við brautina
er rétt undir frostmarki,“ segir
hann. Vettvangsrannsókn rann-
sóknarnefndarinnar lauk síðdegis
í gær og verður flugriti vélarinnar
sendur til greiningar í Bretlandi.
Aðspurður hvort flugmennirnir
hafi brugðist rétt við aðstæðunum
segir Bragi allt líta út fyrir það.
Í tilkynningu frá JetX eru
óþægindi farþega vegna óhapps-
ins hörmuð.
Náðu ekki að hemla í hálku