Fréttablaðið - 27.12.2007, Síða 16

16 27. desember 2007 FIMMTUDAGUR
hagur heimilanna
Útgjöldin
> Kílóverð á úrbeinuðum svínahamborgarhrygg.
HEIMILD: HAGSTOFA ÍSLANDS
1.
67
5
kr
.
1.
89
8
kr
.
1.
66
8
kr
.
1.
16
8
kr
.
1996 1999 2002 2005
„Þú kemur fyrir
barborði úti í garði
og setur á það lítið
fuglahús. Svo lætur
þú skrúfu standa
upp úr barborðinu
en þar kemur þú
fyrir epli en svo
dreifirðu fínt saxaðri
lifrarpylsu á barborðið. Ef þessu er við
haldið er alveg öruggt að þrastarhjón
setjist þar að og svo koma fleiri og
fleiri fuglar, svona barfuglar. Svo
þegar fuglarnir leita á önnur mið á
sumrin þá er hægt að nota barborðið
til annarra hluta.“
GÓÐ HÚSRÁÐ
AÐ BÚA TIL BARFUGLA
■ Oft er talað um barflugur en fæstir
vilja þær í garðinn sinn. Guðný Hall-
dórsdóttir kvikmyndaleikstjóri kann
hins vegar að koma upp barfuglum
sem sómi er af í hverjum garði.
„Ég geri yfirleitt góð kaup,“ segir Dagný þegar
hún er innt eftir bestu og verstu kaupum. „En
það sem kemur fyrst upp í hugann er rúmið
sem ég gaf mér í jólagjöf í fyrra. Það er
með alls konar rafmagnsstillingum
sem ég nota óspart. Það leysti
af hólmi nokkuð gamalt rúm
og það kom fyrir að ég vaknaði
með smábakverk eða verk í hálsi
en það gerist varla eftir að nýja
rúmið kom til sögunnar. Þetta
nýja rúm kemur sér afskaplega vel
núna þegar ég er á lokaspretti á
meðgöngu.“ Hún er sett á öðrum
degi jóla en þegar hún er spurð
hvort von sé á strák eða
stelpu svarar hún að
bragði, „það veit ég
ekki, það er bannað
að kíkja í pakkann“.
En þá er komið að verstu kaupunum. „Ætli
ég hafi ekki gert þau þegar ég keypti reiðhjól
fyrir nokkru. Það var hugur í mér þá og
ég var ekkert að tvínóna við þetta og
hjólaði á því beint heim úr búðinni
en síðan hefur það eiginlega ekkert
verið notað. Þetta er svolítið svipað
því sem gerast vill með líkams-
ræktarkortin sem maður kaupir í
góðri trú en finnur svo allar mögu-
legar ástæður til að nota það ekki.
Þannig að það er kannski ósanngjarnt
að vera að kvarta yfir vörunni, það
er frekar eigandinn sem stend-
ur sig ekki. Svo tekur það
sig bara nokkuð vel út í
bílskúrnum.“
NEYTANDINN: DAGNÝ JÓNSDÓTTIR FYRRVERANDI ÞINGMAÐUR
Hjólið tekur sig vel út í bílskúrnum
Glitnir í Noregi veitir Íslendingum ekki lán til húsnæð-
iskaupa á Íslandi. Vala Pálsdóttir, upplýsingafulltrúi
hjá Glitni á Íslandi, segir að Glitnir í Noregi hafi mjög
strangar reglur um lánveitingar til húsnæðiskaupa, ein
af þeim reglum sé póstnúmer sem þýði að bankinn
veiti húsnæðislán aðeins á afmörkuðum svæðum,
til dæmis í Ósló. Íbúðalán til Íslands séu því ekki á
dagskránni.
■ Húsnæðislán
Veitir ekki íbúðalán til Íslands
Neytendasamtökin gagnrýndu
lyfjafyrirtækið Actavis og apó-
tekakeðjuna Lyfju fyrir sérstaka
söluherferð á snyrtivörum
frá fyrirtækinu Decubal. Fengu
starfsmenn þess apóteks sem
seldi mest af vörunum verðlaun frá
Actavis. Lyfjafyrirtækin sögðu þetta
vera algenga leið til að kynna vörur og
að sjálfsögðu ætti svona samkeppni ekki við um lyf.
Neytendasamtökin sögðust samt setja spurningar-
merki við réttmæti þessara aðferða og vildu að við-
skiptavinum yrði bent á að sölukeppni væri í gangi.
Þetta kom fram á vef samtakanna.
■ Gagnrýni Neytendasamtakanna
Efast um sölukeppni
Þegar stafræn myndavél er
valin þarf að huga að ýmsu.
Hér eru nokkur ráð sem má
styðjast við við innkaupin:
1. Fyrir hvern er myndavélin
keypt og hvernig á að nota
hana? Ekki er sams konar
myndavél keypt fyrir atvinnu-
mann í ljósmyndun eða áhugamann
sem aðeins notar hana öðru hvoru.
2. Hvað má hún kosta? Verð á myndavélum hefur lækkað
stöðugt undanfarið. Hægt er að fá fínustu myndavélar sem
nýtast vel fyrir tiltölulega lítinn pening miðað við það sem
áður var.
3. Hversu marga pixla tekur myndavélin? Ef myndirnar eiga
ekki að vera stærri en 30-40 sentimetrar þarftu ekki mynda-
vél sem tekur stærri myndir en 10 megapixla.
4. Hvernig er linsan? Stundum er mikilvægt að hafa víðlinsu,
sérstaklega þegar þú þarft að taka myndir af fólki.
5. Þekkt merki þýðir yfirleitt gæði.
6. Kynntu þér hvað er í boði, til dæmis á netinu. Ef þú ert
búinn að kanna myndavélar fyrirfram á netinu stendurðu
yfirleitt betur að vígi. Svo geturðu ráðgast við áhugaljós-
myndara á spjallsíðum.
7. Keyptu stórt minniskort því að þá þarftu ekki að tæma
kortið eins oft.
■ Verslun
Kaup á stafrænni myndavél
Um hver áramót skýtur
þjóðin upp flugeldum fyrir
hundruð milljónir króna.
Peningunum er þó langt í
frá sóað, því þeir renna til
björgunarsveitanna sem
vinna kauplaust árið um
kring. Fréttablaðið spjallaði
við sölustjóra Landsbjargar
um flugeldasöluna í ár.
„Við erum aðallega í undirbún-
ingsvinnu núna, en salan fer á
fullt á morgun,“ segir Jón Ingi
Sigvaldason, sölu- og markaðs-
stjóri Slysavarnafélagsins Lands-
bjargar, um þessa langstærstu
fjáröflunarleið björgunarsveit-
anna.
„Það er mikil vinna fólgin í
þessu, við þurfum að dreifa flug-
eldunum til sveitanna og gera
sölustaðina tilbúna, til dæmis
hreinsa allt út sem kemur flug-
eldasölunni ekki við. Svo byrjum
við bara að selja á fullu.“
Jón Ingi segir mikið af nýjung-
um í vöruúrvalinu um þessi ára-
mót, en hann telji að fjölskyldu-
pakkarnir verði vinsælastir eins
og undanfarin ár. Þeir eru sem
fyrr til í fimm stærðum; Trítill,
Tralli, Troðni, Trausti og Trölli
sem er stærstur. Ódýrasti pakk-
inn kostar 3.200 krónur en sá dýr-
asti 14.400.
„Svo erum við með nýjan flug-
eld sem heitir Miðnæturbomba og
við búumst við að það verði tölu-
verð ásókn í hana,“ segir hann.
„Hún er mjög stór og öflug, og
springur í stjörnu eins og margir
flugeldar,“ segir Jón Ingi. Mið-
næturbomban kostar 4.600 krón-
ur.
Jón Ingi tekur fram að hlífðar-
gleraugu fylgi öllum tertum, flug-
eldum og flugeldapökkum, og
búið sé að setja upp sérstaka
standa til að auðvelda viðskipta-
vinum að nálgast gleraugun. „Við
viljum líka brýna fyrir foreldrum
að það er hægt að nálgast mynd-
band sem heitir Ekkert fikt á
heimasíðunni okkar, landsbjorg.
is. Ég hvet alla foreldra til að
horfa á þetta myndband með börn-
unum sínum.“
Að lokum bætir hann við að
þegar flugeldi er skotið upp sé
mikilvægt að undirstaðan sé góð
og að allir eigi að vera með hlífð-
argleraugu. „Það skiptir engu
máli hvort þú ert fullorðinn eða
barn, hvort þú ert sá sem kveikir í
flugeldinum eða bara að horfa á.
Allir sem koma nálægt flugeldum
eiga að vera með hlífðargleraugu
á sér.“ salvar@frettabladid.is
Mesta fúttið
í miðnætur-
bombunni
ALLIR MEÐ GLERAUGU Jón Ingi segir mikilvægt að allir sem koma nálægt flugeld-
um þegar þeim er skotið upp séu með hlífðargleraugu. Þar skiptir engu máli hvort
viðkomandi er barn eða fullorðinn. FRÉTTABLAÐIÐ/RÓSA
FLUGELDAR Hægt er að kaupa fjöl-
skyldupakka í fimm mismunandi stærð-
um; Trítill, Tralli, Troðni, Trausti og Trölli.
FRÉTTABLAÐIÐ/PJETUR
Virðing
Réttlæti
F
í
t
o
n
/
S
Í
A
VR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Samkvæmt lögum VR auglýsir kjörstjórn eftir framboðum í stjórn og
trúnaðarráð félagsins.
Áhugasamir geta gefið kost á sér með því að senda inn skriflegt erindi
til kjörstjórnar á skrifstofu VR.
Skrifleg meðmæli 10 félagsmanna þarf vegna framboðs til setu í stjórn.
Framboð til setu í trúnaðarráði er hægt að senda rafrænt á
kjorstjorn@vr.is
Framboðsfrestur er til kl. 12:00, 8. janúar 2008.
Kjörstjórn
Hefur þú áhuga á að starfa
í forystu VR?