Fréttablaðið - 12.01.2008, Blaðsíða 40

● hús&heimili
Fréttablaðið fékk að skyggnast inn í
svítur þriggja hótela á höfuðborgar-
svæðinu.
Öll betri hótel eru búin einni eða fleiri
svítum af ýmsum toga, þar sem öllu því
sem besta sem er í boði á viðkomandi hóteli
hefur verið tjaldað til.
Íburðarmikil afdrep sem taka
hefðbundnum hótelherbergjum fram
að flestu leyti, til dæmis hvað varðar
stærð, innréttingar og innanhúsmuni
og afþreyingarmöguleika, og laða til sín
ýmis stórmenni, svo sem þjóðhöfðinga,
auðkýfinga, viðskiptajöfra, stjörnur og svo
okkur hin sem viljum lyfta okkur aðeins upp
endrum og sinnum. Fyrir nótt í þess lags
lúxusveröld eru menn í sumum tilvikum
tilbúnir að reiða himinháar fjárhæðir.
Þannig mun nóttin í venjulegu herbergi
á glæsihóteli leikarans Roberts de Niro,
Greenwich Hotel, kosta 45 þúsund krónur
þegar það opnar í apríl næstkomandi, svo
það er rétt hægt að ímynda sér hvað svítan
mun kosta. Þetta verða þó að teljast algjörir
smámunir í samanburði við nótt á Burj Al
Arab í Dubai, eina sjö stjörnu hóteli veraldar,
þar sem ríkmannlega búnar svítur kosta á
bilinu 70.155 krónur til lítilla 284.398 króna!
Þótt enn sé ekki búið að reisa sjö
stjörnu hótel hérlendis, státa Íslendingar
af mörgum hótelum á heimsmælikvarða,
útbúin dýrindis svítum. Fréttablaðið fékk
að skyggnast inn í svítur þriggja hótela á
höfuðborgarsvæðinu, Hótel Borg, Grand
Hótel Reykjavík og Hilton Reykjavík
Nordica, þar sem óhætt er að segja að
íburður og munaður séu í fyrirrúmi. -rve
Hilton Reykjavík Nordica. Forsetasvítan er sam-
ansett úr svefn- og eldhúsaðstöðu, baðherbergi
sem liggur inn af svefnherberginu og gesta-
snyrtingu, borðstofu og stofu og búin glæsileg-
um húsgögnum og innréttingum. Hægt er að
opna stofuna í herbergi sem hentar þegar með
eru í för börn, samstarfsmenn eða einkaþjónar.
Hilton Reykjavík Nordica. Forsetasvítan, sem er 120 fermetrar, er í sama mínimalíska stíl og hótelið sjáft.
Björgvin Snæbjörnsson hjá Apparat er arkitekt hússins, en hann vann svítuna í samstarfi við innanhúsarki-
tektinn Guðbjörgu Magnúsdóttur hjá Minimum. Þess má geta að gestir sem gista á svítum og „executive“-
herbergjum fá aðgang að Business Lounge á 8. hæð. Þar fá gestir frían aðgang að morgunverði, drykkjum
ásamt léttum mat yfir daginn. FRÉTTABLAÐIÐ/ANTON
Íburðarmikil afdrep
Hilton Reykjavík Nordica. Tvö baðherbergi eru í forsetasvítu hótelsins: aðalsnyrting og gestasnyrting.
12. JANÚAR 2008 LAUGARDAGUR8