Fréttablaðið - 21.01.2008, Blaðsíða 2
2 21. janúar 2008 MÁNUDAGUR
Ýsa í raspiVerð áður: 1.298.-
998 kr.kg
Mánudagstilboð
LÖGREGLUMÁL Lögreglan á
höfuðborgarsvæðinu stöðvaði
fjórtán ára gamlan ökumann á
Miklubraut aðfaranótt sunnu-
dags. Drengurinn hafði tekið bíl
foreldra sinna ófrjálsri hendi.
Tveir farþegar voru í bílnum,
einnig fjórtán ára gamlir.
Þá varð umferðarslys á
Gullinbrú í Reykjavík aðfaranótt
sunnudags. Ökumaður missti
stjórn á bíl sínum með þeim
afleiðingum að hann rann á
ljósastaur. Ökumaðurinn hlaut
höfuðmeiðsl, en farþegi í bílnum
slapp ómeiddur. - þeb
Lögreglan í Reykjavík:
Fjórtán ára
í ökuferð
SAMFÉLAGSMÁL Björn Bjarnason,
dómsmálaráðherra og formaður
Þingvallanefndar, er ekki hrifinn
af þeirri hugmynd að Bobby
Fischer, fyrrum heimsmeistari í
skák, verði jarðsettur í þjóðar-
grafreitnum á Þingvöllum.
„Þann tíma, sem ég hef setið í
Þingvallanefnd hefur ekki annað
verið rætt um þjóðargrafreitinn
en að hann fái að hvíla í friði. Ég
er þeirrar skoðunar að svo eigi að
vera áfram,“ segir Björn í svari
við fyrirspurn Fréttablaðsins.
Forsvarsmenn RJF-stuðnings-
mannahópsins, sem á sínum tíma
hjálpuðu til við að koma Fischer
til Íslands, hafa kynnt þá hug-
mynd að skáksnillingurinn verði
greftraður í þjóðargrafreitnum.
Fyrir eru þar grafir Einars Bene-
diktssonar og Jónasar Hallgríms-
sonar. Fischer lést á fimmtudag
eftir erfið veikindi.
Össur Skarphéðinsson, iðnað-
arráðherra og nefndarmaður í
Þingvallanefnd, lýsti efasemdum
um hugmyndina í viðtali við
Ríkisútvarpið í gær. Aldrei hafi
verið rætt um grafreitinn í þau
þrettán ár sem hann hafi átt sæti
í nefndinni. Formlegt erindi þess
efnis yrði þó tekið fyrir sem
önnur.
RJF-hópurinn ræddi það einnig
á fundi sínum um málið að Fischer
ætti að fá opinbera útför að hluta.
Össur lagði til að vel myndi fara á
því að Skáksamband Íslands
annaðist útförina. - sh
Birni Bjarnasyni hugnast ekki að Bobby Fischer verði grafinn á Þingvöllum:
Þjóðargrafreiturinn hvíli áfram í friði
BJÖRN BJARNASONBOBBY FISCHER
VINNUMARKAÐUR Fundir halda áfram í dag milli
Samtaka atvinnulífsins, SA, og forystumanna
verkalýðshreyfingarinnar. Guðmundur Gunnarsson,
formaður Rafiðnaðarsambandsins, telur að fundirn-
ir geti haft afdrifarík áhrif á framþróun kjarasamn-
inga. Margir innan verkalýðshreyfingarinnar séu
grautfúlir yfir SA og velti fyrir sér hvað sé að
marka atvinnurekendur.
„Það liggur fyrir að sum landssambandanna eru
búin að fá sig mikið meira en fullsödd á framkomu
SA í þessum samningum,“ segir Guðmundur og
bendir á að hjá mörgum rafiðnaðarfyrirtækjum séu
menn undrandi á því hvernig SA hagar sér. „Fyrir-
tæki í okkar bransa vilja klára þetta dæmi, það kom
fram á samningafundi á fimmtudag en SA stoppaði
það.“
Guðmundur segir að rafiðnaðarmenn séu tilbúnir
til að ræða tveggja ára samning að uppfylltum
ákveðnum skilyrðum. Ef ekkert uppbyggilegt komi
frá atvinnurekendum í dag snúi þeir sér aftur að
kröfum um eins árs samning.
Aðalsteinn Baldursson, formaður Verkalýðsfélags
Húsavíkur, segir að í dag verði haldið áfram með
málefni fiskvinnslufólks, þá sé unnið að nýjum
samningi fyrir beitningafólk um allt land. Slíkur
samningur hafi ekki verið til áður.
„Við erum að vonast til að það gangi upp en það
kemur í ljós í dag hvernig atvinnurekendur taka
því,“ segir hann. - ghs
Samningafundir halda áfram milli aðila vinnumarkaðarins í Karphúsinu í dag:
Geta haft afdrifarík áhrif
SKÝRIST Í DAG „Það kemur í ljós í dag hvernig atvinnurekendur
taka því,“ segir Aðalsteinn Baldursson, formaður Verkalýðsfélags
Húsavíkur.
LÖGREGLUMÁL Slökkvilið höfuð-
borgarsvæðisins var kallað að
fjölbýlishúsi við Kaplaskjólsveg
um miðjan dag í gær.
Talið var að eldur hefði komið
upp í íbúð í húsinu, þar sem
sérkennilega lykt hafði lagt um
stigagang hússins. Íbúum þótti
lyktin helst líkjast lykt af
brennandi plasti og ákváðu því að
hringja á slökkviliðið. Allt tiltækt
lið var sent á staðinn.
Þegar slökkvilið kom á staðinn
kom hins vegar í ljós að húsráð-
endur höfðu aðeins verið að elda
sér mat. - þeb
Skrýtin lykt í stigagangi:
Eldamennskan
varð að útkalli
DANMÖRK Fylgi danska Jafnaðar-
mannaflokksins hefur dalað um
eitt prósent frá því í kosningun-
um 13. nóvember, samkvæmt
niðurstöðum nýrrar Gallup-
könn unar fyrir Berlingske
Tidende. Flokkurinn fengi aðeins
24,5 prósent atkvæða ef kosið
yrði nú. Stjórnarflokkarnir auka
aftur á móti lítillega við fylgi sitt.
Nýtt bandalag, sem næstum
komst í oddaaðstöðu í kosningun-
um, mælist nú undir tveimur
prósentum sem þýðir að það
myndi ekki fá fulltrúa kjörinn.
Það sama gildir um vinstrijaðar-
flokkinn Einingarlistann, sem
náði naumlega inn á þing síðast,
og um Kristilega demókrata. - aa
Ný könnun í Danmörku:
Jafnaðarmenn
tapa fylgi
GRÆNLAND Ruth Heilmann,
þingmaður grænlenska jafnaðar-
mannaflokksins Siumut, var á
föstudag kjörin nýr formaður
grænlenska landsþingsins.
Þingflokkar Siumut og stjórnar-
andstöðuflokksins Atassut stóðu
saman að kjöri hennar og felldu
þar með naumlega Josef Motz-
feldt, frambjóðanda IA, flokks
sjálfstæðissinna sem er í
stjórnarsamstarfi við Siumut.
Heilmann er fyrsta konan sem
gegnir embætti þingforseta á
Grænlandi. Til kjörsins kom eftir
að Jonathan Motzfeldt sagði af
sér vegna rannsóknar á ásökun-
um um kynferðislega áreitni. - aa
Grænlenska landsþingið:
Ruth Heilmann
kjörin forseti
25 milljónum safnað
Tónleikar til styrktar Styrktarfélagi
krabbameinssjúkra barna voru haldnir
í gær. Að þeim loknum var styrktar-
félaginu afhent ávísun upp á þrjár
milljónir króna. Á þeim níu árum sem
tónleikarnir hafa verið haldnir hafa
því safnast yfir 25 milljónir króna.
REYKJAVÍK
STJÓRNMÁL „Ég er með mörg hnífa-
sett í bakinu eftir þennan mann,“
sagði Guðjón Ólafur Jónsson, fyrr-
um þingmaður Framsóknarflokks-
ins, um samflokksmann sinn og
borgarfulltrúann Björn Inga
Hrafnsson í sjónvarpsþættinum
Silfri Egils í gær. Guðjón sagði
hótun Björns Inga um að hætta í
flokknum vera leikrit, sett á svið til
að fá samúð flokksmanna sinna og
stuðning.
Björn Ingi lét hafa eftir sér í
fréttum Sjónvarps í fyrrakvöld að
deilur innan flokksins væru orðnar
honum svo erfiðar að ef þeim linnti
ekki treysti hann
sér varla til að
„halda þessu
áfram,“ og vísaði
þar til starfs síns
innan flokksins.
Þetta sagði hann
inntur eftir
viðbrögðum við
bréfi sem Guðjón
sendi flokks-
systkinum sínum
þar sem hann
lýsir áhyggjum af flokknum og
starfi hans.
Í bréfi sínu nefnir Guðjón jafn-
framt að sögur séu á kreiki um að
dýr fatnaður hafi verið keyptur á
Björn Inga á kostnað flokksins
fyrir síðustu borgarstjórnarkosn-
ingarnar. Því hefur Björn Ingi enn
ekki neitað.
Guðjón sagði jafnframt í Silfri
Egils að hann væri ekki sá eini sem
farið hefði illa út úr viðskiptum
sínum við Björn Inga, og tiltók sér-
staklega Jónínu Bjartmarz, Árna
Magnússon og Önnu Kristins dóttur,
fyrrverandi borgarfulltrúa Fram-
sóknarflokksins sem sagði sig
nýverið úr flokknum. „Nú fimm
árum síðar þá stendur þessi maður
uppi einn með sviðna jörð allt í
kringum sig og þá hlýtur maður
auðvitað að spyrja hvort litli dreng-
urinn með eldspýturnar hefði ekki
betur skilið þær eftir heima,“ sagði
Guðjón.
Anna tekur undir með Guðjóni.
„Ég þekki þessa sögu sem Guðjón
sagði og veit að þetta er staðreynd,“
segir hún. Hún laut í lægra haldi
fyrir Birni Inga í baráttu um efsta
sætið á lista framsóknarmanna í
borginni en ákvað að taka ekki
annað sætið. „Það var einfaldlega
vegna þess að ég treysti mér ekki
til að vinna með honum,“ segir
Anna. Hvorki náðist í Jónínu Bjart-
marz né Árna Magnússon.
Ekki náðist í Björn Inga Hrafns-
son í gær, en í skilaboðum sem hann
sendi Vísi.is segir hann málið mann-
legan harmleik og að persónuleg
árás sem þessi eigi sér vart for-
dæmi í íslenskum stjórnmálum.
stigur@frettabladid.is
Guðni er hnugginn
vegna flokksdeilna
Guðjón Ólafur Jónsson segist vera með mörg hnífasett í bakinu eftir Björn Inga
Hrafnsson. Guðni Ágústsson er hissa á framgöngu Guðjóns Ólafs síðustu daga.
GUÐJÓN ÓLAFUR
JÓNSSON
FRAMGANGA GUÐJÓNS KOM GUÐNA Á ÓVART
Guðni Ágústsson, formaður Framsóknarflokksins, segir framgöngu Guðjóns
Ólafs hafi komið sér á óvart. Stór orð hafi fallið.
„Þetta er andstyggilegt,“ segir hann. „Manni er náttúrulega brugðið þegar
svona moldviðri persónulegra átaka milli félaga á sér stað á opinberum vett-
vangi. Þá fellur manni allur ketill í eld. Maður verður hnugginn.“
Guðni segir að nú sé um að gera að róa allt niður, og hann muni reyna
að friða menn verði þess óskað og leggja gott til málanna. „Þetta eru tveir
mikilvægir forystumenn sem ég þekki báða mjög vel. Þeir hafa staðið sig vel
og mikið á þá reynt.“
VÍSINDI Vísindamenn bandarísku
geimferðastofnunarinnar NASA
hafa komist að því að ísinn á
Suðurskautslandinu bráðnar það
hratt, að haldi bráðnunin áfram
með svipuðum hraða geti
sjávarborð í heiminum hækkað
um allt að tvo og hálfan metra
fram til ársins 2100.
Að þessari niðurstöðu komust
vísindamennirnir eftir greiningu á
gervihnattamyndum af suður-
skautinu síðastliðin tíu ár, en
niðurstöðurnar hafa þeir nú birt í
tímaritinu Nature Geoscience. - aa
Vísindamenn NASA:
Spá hækkun
sjávarborðs
Á SUÐURSKAUTSÍSNUM Norski forsætis-
ráðherrann Jens Stoltenberg heimsótti
vísindamenn á suðurskautinu um helgina.
FRÉTTABLAÐIÐ/AP
SPURNING DAGSINS
Guðmundur, vantar ekki bara
nuddolíu í umræðurnar?
„Heitir það ekki sleipiefni?“
Vilhjálmur Egilsson, framkvæmdastjóri
Samtaka atvinnulífsins, segir viðræður
samtakanna og Rafiðnaðarsambands-
ins „nuddast áfram“. Guðmundur er
formaður Rafiðnaðarsambandsins.