Fréttablaðið - 21.01.2008, Blaðsíða 16
16 21. janúar 2008 MÁNUDAGUR
timamot@frettabladid.is
MERKISATBURÐIR
1925 Albanía lýsir yfir sjálfstæði.
1925 Mestu flóð og fárviðri í
eina öld á Íslandi, einkum
í Reykjavík, Grindavík og á
Eyrarbakka.
1932 Sparisjóður Reykjavíkur
og nágrennis stofnaður.
1976 Atli Heimir Sveinsson hlýt-
ur norrænu tónlistarverð-
launin, fyrstur Íslendinga.
1977 - Jimmy Carter, forseti
Bandaríkjanna, náðar nær
alla bandaríska liðhlaupa
úr Víetnamstríðinu.
1982 Belgíski togarinn Pelagus
strandar við Heimaey.
Tveir björgunarmenn og
tveir úr áhöfn fórust.
1989 Spaugstofan hefur göngu
sína í sjónvarpi með
þættinum 89 af stöðinni.
Þennan dag fyrir 68 árum lést skáld-
ið Einar Benediktsson á heimili sínu
í Herdísarvík, þá 75 ára að aldri.
Faðir Einars var Benedikt Sveins-
son, alþingismaður og sýslumað-
ur, og móðir hans hét Katrín Einars-
dóttir og var húsmóðir. Einar gekk í
Lærða skólann í Reykjavík þar sem
hann útskrifaðist árið 1884. Því
næst nam hann lögfræði og útskrif-
aðist úr Hafnarháskóla 1892.
Einar var athafnasamur maður
alla tíð. Stofnaði fyrsta dagblað Ís-
lands, Dagskrá, árið 1896, sem studdi Heima-
stjórnarflokkinn. Hann átti þátt í að koma á
laggirnar fyrstu loftskeytastöð landsins árið
1906 og stofnaði ásamt öðrum Fossafélag-
ið Títan 1914 til athugunar á því hvort arðbært
væri að byggja virkjanir við Þjórsá. Ekkert varð
úr þeim fyrirætlunum fyrr en um
hálfri öld seinna þegar Búrfellsvirkj-
un var byggð.
Á árunum 1907-21 ferðaðist Einar
mikið erlendis, meðal annars til Nor-
egs, Skotlands og Danmerkur auk
þess að eyða sjö árum í London.
Hann sneri endanlega aftur heim til
Íslands árið 1921 og bjó í Reykjavík
næstu árin, þó svo að hann hefði oft
verið langdvölum erlendis, meðal
annars í Þýskalandi, á Spáni og í
Norður-Afríku. Þá lét hann fara fram
rannsóknir á námum í Miðdal, til þess að skoða
möguleikana á málmvinnslu og sementsfram-
leiðslu. Síðustu átta árum ævi sinnar eyddi Einar
í Herdísarvík í Selvogi í Árnessýslu. Hann dó þar
1940, og var grafinn í heiðursgrafreit á Þingvöll-
um.
ÞETTA GERÐIST: 21. JANÚAR 1940
Einar Benediktsson andastSVEINN BJÖRNSSON FORSETI
ANDAÐIST ÞENNAN DAG ÁRIÐ 1952,
SJÖTÍU OG EINS ÁRS AÐ ALDRI.
„Vinátta við aðrar þjóðir, orð-
heldni og virðuleg framkoma vor
er besta vörn fyrir sjálfstæði hins
vopnlausa lands vors.“
Sveinn Björnsson var málaflutnings-
maður, þingmaður, sendiherra og
fyrsti forseti Íslands.
Læknadagar 2008 verða
settir í dag og standa út
vikuna. Dagskrá lækna-
daganna er fjölbreytt en á
ýmsum málstofum verða
ræddar helstu framfarir
og þróun í heilbrigðismál-
um auk þess sem málefni
líðandi stundar er snerta
skipulag heilbrigðismála
ber á góma.
Læknadagar verða á
Hótel Sögu en Birgir Jak-
obsson, forstjóri Karolinska
Sjukhuset i Stokkhólmi,
heldur erindi við setningu
Læknadaga klukkan 16.00 í
Háskólabíói í dag.
Læknadagar 2008
Fjölmargir ungir Íslendingar hafa undan-
farin ár nýtt sér Nordjobb-verkefnið á
vegum Norræna félagsins. Þar geta ung-
menni notið sumarsins í einu af Norður-
löndunum, unnið sér inn tekjur við hin
ýmsu störf um leið og þau kynnast annarri
menningu, landi og tungumáli.
Nordjobb er vinnuskiptaverkefni sem
hefur frá árinu 1985 útvegað 18.000 ung-
mennum sumarvinnu, húsnæði og tóm-
stundadagskrá ásamt því að stuðla að rækt-
un góðrar frændsemi hjá nágrannaþjóðun-
um. Nú er lag að sækja um Nordjobb ef þú
ert á aldrinum 18-28 ára og hefur áhuga á
sumarvinnu á Norðurlöndum.
Nordjobb er rekið af Norræna félaginu
á Íslandi að tilstuðlan Norrænu ráðherra-
nefndarinnar. Hægt er að sækja um
Nordjobb á www.nordjobb.net
Nordjobb-tímabilið hafið
Íbúar Vesturbyggðar hafa
brugðist vel við áskorun
um bætt líferni. Lesa má
áskorunina á fréttavef Tíðis
á www.patreksfjordur.is.
Þar er skorað á íbúana í
heilsu átak og verðlaunum
lofað fyrir góðan árangur.
Keppt er í tveimur flokkum,
annars vegar „Hver léttist
mest?“ og hins vegar „Hver
mætir best?“
Átakið stendur í átta vikur
í Íþróttamiðstöð Bröttuhlíð-
ar. Fyrstu verðlaun í hverj-
um flokki eru helgarferð
fyrir tvo til Reykjavíkur með
flugfélaginu Erni, ásamt
gistingu á Grand Hótel með
morgunverði í tvær nætur
og 40 tíma kort í íþróttamið-
stöðina Bröttuhlíð.
Átakið hófst af fullum
krafti á mánudaginn síðasta
en samkvæmt fréttavefnum
www.bb.is höfðu þá á fjórða
tug skráð sig í heilsuátak-
ið. Þetta þykir góður árang-
ur en allir íbúar yfir 18 ára
voru hvattir til að taka þátt.
Átakið verður þó ekki að-
eins puð því að fjórum vikn-
um liðnum verður nudd-
ari fenginn á staðinn til
að nudda þátttakendur en
Sparisjóður Vestfirðinga,
Patreksfirði, niðurgreiðir
nuddtímana.
Heilsuátak í
Vesturbyggð
PATREKSFJÖRÐUR Íbúar Vesturbyggðar hafa tekið vel í heilsuáskorunina.
Meðal dagskrárliða verða:
Málstofa um einkarekstur í
heilbrigðiskerfinu með þátt-
töku heilbrigðisráðherra.
Viðbrögðin við fellibylnum
Katarínu
Háfjallalæknisfræði
Hjartaendurhæfing
Lifrarbólga C
Bólusetningar við HPV –
leghálskrabbameini.
Sprautufíkn á Íslandi.
Athyglisbrestur með of-
virkni hjá fullorðnum
Heimaþjónusta aldraðra
Nánari dagskrá er að finna í
gegnum vef Læknafélags
Íslands www.lis.is
AFMÆLI
Gunnhildur Arna
Gunnarsdóttir
blaðamaður er 32
ára í dag.
Aldís Bald-
vinsdóttir
leikkona er 49
ára í dag.
Arnar Jónsson
leikari er 65 ára
í dag.
„Þarna eru fjölbreytt verkefni og upp-
skriftir að leikjum sem miða að því að
rækta umburðarlyndi í samskiptum,“
segir Fríða Bjarney Jónsdóttir leik-
skólaráðgjafi. Hún er höfundur efnis á
nýjum vef Leikskólasviðs Reykjavík-
urborgar ásamt Önnu Margréti Þor-
láksdóttur aðstoðarleikskólastjóra á
Lækjarborg. Vefurinn hefur slóðina
www.allirmed.is og snýst um hvernig
skipuleggja megi fjölmenningarlegt
leikskólastarf þannig að öll börn hafi
gagn af því og gaman. „Vefurinn getur
vissulega nýst hvar sem er. Þar eru
endalausar hugmyndir að skemmti-
legum samskiptum og skapandi verk-
efnum þar sem fjölbreytni er höfð að
leiðarljósi,“ segir Fríða Bjarney og
lýsir tilurð vefsins nánar.
„Við Anna Margrét vorum í fjöl-
menningarnámi í Kennaraháskólanum
og efnið varð að nokkru leyti til þar.
Margt af því bjuggum við til sjálfar
og þróuðum í tilraunaverkefni sem hét
Lækjarborg – fjölmenningarlegur leik-
skóli. Grunnurinn er þó sóttur í smiðju
fjölmenningarlegrar hugmyndafræði
sem er að stórum hluta bresk og banda-
rísk. Þó að við Anna Margrét séum
höfundar efnis hefur Sigrún Björns-
dóttir, upplýsingafulltrúi mennta- og
leikskólasviðs borgarinnar, haft um-
sjón með uppsetningu á vefnum.“
Á allirmed.is eru mörg verkefni
sem stuðla að virðingu fyrir marg-
breytileika mannlífsins, eins og Fríða
Bjarney bendir á. „Þarna er fullt af
hugmyndum um samskipti og sam-
vinnu innan leikskólans, um hvernig á
að koma fram af virðingu við alla og
læra að kynnast styrkleika hver ann-
ars. Líka hvernig unnið er með móður-
mál og menningu allra barna í hópnum
og kennslu íslensku sem annars máls.
Allt þarf að vera einstaklingsmiðað og
allt þarf að vinnast í samvinnu við for-
eldra því þeir þekkja barnið sitt best.“
Fríða Bjarney segir efnið fyrst og
fremst hugsað út frá þörfum leikskól-
ans. Það sé þó sett upp sem hugmyndir
og því gagnist það líka þeim sem eldri
séu. „Við settum inn verkefni fyrir
hópa óháð því hvort þar eru börn af
erlendum uppruna eða ekki. Þetta eru
kennarar auðvitað að fást við alla daga.
Þeir eru alltaf með ólíka einstaklinga,“
segir hún en telur skiljanlegt að kenn-
urum vaxi í augum að fá börn í sinn
bekk sem ekki tali orð í íslensku. „Auð-
vitað er flókið að vera með börn af
ólíkum uppruna en það er áskorun. Því
er mjög tímabært að koma með þetta
efni inn á netið því lítið hefur verið
til á íslensku um hvernig hægt er að
vinna með fjölbreyttan barnahóp á
leikskólastigi. Skemmtilegt er að sýna
fram á að sú vinna er eitthvað sem við
getum gert alla daga, alltaf. Það getur
verið krefjandi en það er ekki vanda-
mál heldur eðlilegur gangur lífsins.“
gun@frettabladid.is
ALLIRMED.IS: NÝR VEFUR UM FJÖLMENNINGARLEGT STARF Á LEIKSKÓLA
Hugmyndir og hagnýt ráð um
samskipti, virðingu og leiki
Á LÆKJARBORG Anna Margrét og Fríða Bjarney í góðum félagsskap. FRÉTTABLAÐIÐ/AUÐUNN
HÓTEL SAGA Læknadagar hefjast í dag en margir áhugaverðir fyrirlestrar
verða í boði út vikuna.
KAUPMANNAHÖFN Í Nordjobb-verkefninu má
kynnast menningu hinna Norðurlandanna.