Fréttablaðið - 21.01.2008, Blaðsíða 40
24 21. janúar 2008 MÁNUDAGUR
sport@frettabladid.is
www.radiophonic-narration
Radiophonic Narration er fagnám fyrir hæfi leikafólk sem vill vinna að skapandi fjölmiðlun.
Radiophonic Narration er fjölþjóðlegt verkefni á vegum Kvikmyndaskóla Íslands sem byggir
á gagnvirkri kennslu og verkefnagerð. Þátttakendur ferðast til Grænlands, Svíþjóðar, Danmerkur
og taka virkan þátt í workshops undir handleiðslu verðlaunaðra fagmanna. Í náminu er farið
rækilega í grunnþætti á framleiðslu heimilda- og fl éttuþátta, svo sem upptöku- og klippitækni,
viðtalstækni, dramatúrgíu og hljóðnotkun.
UMSÓKNARFRESTUR: 15 FEBRÚAR
Nánari upplýsingar á www.radiophonic-narration.is
Fyrirspurnir: rikke@kvikmyndaskoli.is
Námstími: Frá mars 2008 til júlí 2009
www.kvikmyndaskoli.is
HEFURÐU EYRA FYRIR FJÖLMIÐLUN?
Námskeiðið Radiophonic Narration er haldið
á vegum Kvikmyndaskóla Íslands í samvinnu við
Háskóla Grænlands, Grænlenska fjölmiðlaskólann,
Dramatiska Institutet í Stokkhólmi og Danska
Ríkisútvarpið. Verkefnið er að auki stutt af RÚV,
KNR og Miðstöð munnlegrar sögu og styrkt
af Leonardo da Vinci - starfsmenntaáætlun
Evrópusambandsins.
Auður Anna Jónsdóttir var valin taekwondo-kona ársins 2007 og
hélt upp á það með góðri frammistöðu á Norðurlandamóti í
taekwondo á dögunum. Þar hlaut hún silfurverðlaun í sínum
þyngdarflokki eftir spennandi rimmu í úrslitabardaganum. „Ég
hefði náttúrulega átt að fara heim með gullið,“ sagði Auður
Anna. „Ég tapaði úrslitabardaganum við finnska stelpu með einu
stigi sem kom þegar sex sekúndur voru eftir af bardaganum.
Mjög tæpt og mjög svekkjandi.“
Auður Anna hefur nóg fyrir stafni á næstunni. „Ég er að
fara út til Tyrklands eftir helgi þar sem ég mun taka þátt
í Evrópuúrtökumóti fyrir Ólympíuleikana og stefni
að því að komast í gegn þar og vinna mér þar
með keppnisrétt á Ólympíuleikunum. Það
verður hins vegar ekki létt þar sem ég
þarf að komast á verðlaunapall til þess
að það gangi eftir og ég dett úr
leik um leið og ég tapa bardaga,“
sagði Auður Anna. Hún féll fyrir
taekwondo um leið og hún prófaði íþróttina. „Ég var í fót-
bolta þegar ég var yngri en eftir að ég slasaði mig þar ákvað
ég að finna mér nýja íþrótt og prófaði ýmislegt. En eftir að
ég prófaði taekwondo í fyrsta skiptið fyrir um sex og hálfu
ári og keppti í mínu fyrsta móti, þá vissi ég strax að þetta
væri rétta íþróttin fyrir mig,“ sagði Auður Anna sem þjálfar
nú taekwondo hjá Björk í Hafnarfirði og segir íþróttina vera
vaxandi á Íslandi. „Taekwondo er alltaf að stækka og stækka
og verður sífellt vinsælli, sérstaklega eftir að íþróttin varð
ólympíugrein. Ólíkt það sem sumir kunna að halda
þá er rosalega lítil meiðslahætta í taekwondo og
við æfum og keppum með þar til gerðar hlífar
sem verja iðkendurna fullkomlega. Taekwondo
er mjög góð líkamsrækt og er líka mjög
fjölskylduvæn íþrótt og við hjá Björk erum til
að mynda með hjón sem æfa saman ásamt
sonum sínum og það er mjög skemmtilegt,“
sagði Auður Anna að lokum.
TAEKWONDO-KONAN AUÐUR ANNA JÓNSDÓTTIR: STEFNIR Á AÐ VINNA SÉR ÞÁTTTÖKURÉTT Á ÓLYMPÍULEIKUNUM
Vissi strax að taekwondo væri rétta íþróttin
> Helena með 20 stig fyrir TCU
Helena Sverrisdóttir skoraði 20 stig,
tók 8 fráköst og gaf 3 stoðsendingar
á aðeins 26 mínútum í glæsilegum
70-52 sigri TCU á Colorado State
í bandarísku háskóladeildinni í
fyrrinótt. Helena hafði aðeins
tekið 13 skot í síðustu þremur
leikjum en komst nú betur inn
í sóknarleik liðsins og það var
við hæfi því Sverrir Hjörleifsson, faðir
hennar, var í heimsókn og horfði á
leikinn. Helena hitti meðal annars úr
3 af 4 þriggja stiga skotum sínum í
leiknum og hefur nú sett niður 6 af
9 síðustu skotum sínum fyrir utan
þriggja stiga línuna.
FRJÁLSAR Sveinn Elías Elíasson úr
Fjölni harkaði af sér og lét ekki
meiðsli í upphitun spilla fyrir sér
og tryggði sér sigur í 200 metra
hlaupi á Reykjavík International
í frjálsum í Laugardalshöll í gær.
Silja Úlfarsdóttir ætlaði sér að
vinna bæði 60 og 200 metra hlaup
en varð önnur í 200 og aðeins í 5.
sæti í 60 metra hlaupinu. Helga
Margrét Þorsteinsdóttir vann 60
metra grindarhlaup stúlkna og
setti stúlkna- og ungkvennamet
og varð í 3. sæti í 200 metrunum.
Þorsteinn Ingvarsson, HSÞ
(langstökk), Bjartmar Örnuson,
UFA (800 m) Óðinn Þorsteinsson,
FH (kúluvarp) Herdís Arnalds,
Breiðabliki (400 m), Guðrún
Pétursdóttir, Breiðabliki
(hástökk) unnu sínar greinar og
þau Arndís Ýr Hafþórsdóttir úr
Fjölni og Björn Margeirsson úr
FH voru fljótust í míluhlaupi. - óój
Alþjóðlegt mót í frjálsum:
Sveinn harkaði
af sér og vann
ENDASPRETTURINN Sveinn Elías Elías-
son (til vinstri) tryggir sér sigur í 200
metra hlaupinu í gær. FRÉTTABLAÐIÐ/EYÞÓR
EM Í NOREGI
HENRY BIRGIR GUNNARSSON
skrifar frá Þrándheimi
henry@frettabladid.is
HANDBOLTI Ísland var niðurlægt í
annað sinn í riðlakeppni EM í gær.
Svíaleikurinn var vondur og leik-
urinn gegn Frökkum í gær engu
skárri.
Íslenska liðið stendur engan
veginn undir væntingum og þarf
að hysja verulega upp um sig til að
forðast frekari niðurlægingu í
milliriðlinum.
Alfreð byrjaði með sama byrj-
unarlið og gegn Slóvökum. Ólafur
Stefánsson var ekki í hópnum
vegna meiðsla og Sverre Jakobs-
son var kominn inn í stað Garcia
Padron sem er veikur á ný.
Frakkar mættu til leiks mjög
vel stemmdir. Spiluðu fasta og
ákveðna framliggjandi vörn sem
íslenska sóknin var í verulegum
vandræðum með. Vörnin og
markvarslan sem hefur verið
aðalsmerki íslenska liðsins hingað
til var ekki söm. Frakkar fengu
allt of auðveld skot og Hreiðar
varði ekki bolta fyrir aftan.
Í stöðunni 3-8 tók Alfreð leikhlé
og freistaði þess að hressa sína
menn við. Leikhléið skilaði
nákvæmlega engu. Íslensku leik-
mennirnir voru allt of passífir í
sóknarleiknum. Það vantaði allan
kraft og sjálfstraust í leikmennina
og þeir virtust hreinlega ekki hafa
trú á því sem þeir voru að gera.
Á sama tíma var Nikola Kara-
batic að fara á kostum í sókninni
og Thierry Omeyer fór hamförum
í markinu en hann varði 11 skot og
þar af tvö víti í hálfleiknum.
Íslensku strákarnir gerðu honum
reyndar of auðvelt fyrir á köflum
með því að skjóta ítrekað niðri líkt
og þeir gerðu gegn Svíum með
hræðilegum árangri.
Birkir Ívar datt í smá stuð undir
lok hálfleiksins og bjargaði
algjörri niðurlægingu í hálfleikn-
um en Frakkar leiddu með níu
mörkum, 8-17.
Alfreð reyndi að breyta til í
seinni hálfleik með því að fara í
6/0-vörn en allt kom fyrir ekki.
Sérstaklega þar sem markvarslan
var nákvæmlega engin og íslensku
markverðirnir vörðu ekki bolta
fyrr en eftir 18 mínútur í hálf-
leiknum.
Frakkarnir slökuðu aðeins á en
gáfu ekki færi á sér og sáu til þess
að hefndin eftir HM í fyrra var
sæt. Níu marka sigur, 21-30, stað-
reynd og Frakkar einir liða í okkar
milliriðli með fjögur stig.
Því er ekki að neita að frammi-
staða íslenska liðsins í þessari
riðlakeppni er gríðarleg von-
brigði. Liðið er búið að láta niður-
lægja sig í tvígang, spila einn
flottan hálfleik gegn Slóvökum en
hinn var vondur. Íslenska liðið er
ekki bara að tapa heldur er það að
tapa mjög illa. Sóknarleikur
liðsins er í algjörum molum og
frammistaðan í riðlakeppninni
gefur ekki vonir um gott gengi í
milliriðlinum.
Enn er þó von fyrir liðið þar sem
aðeins eitt lið fer með fjögur stig í
milliriðilinn. Liðið getur enn náð
markmiðum sínum en til að það
gerist þarf svo sannarlega margt
að breytast og það er ekkert sem
bendir til þess í augnablikinu að
ástandið breytist nokkuð.
Flenging upp á franska mátann
Frakkar hefndu tapsins frá því á HM í Þýskalandi fyrir ári síðan með því að niðurlægja íslenska landsliðið í
Þrándheimi í gær. Frakkar hreinlega yfirspiluðu lélegt íslenskt lið þar sem ekki stóð steinn yfir steini.
ÁFRAM ÍSLAND Það hefur verið mögnuð stemning meðal íslensku áhorfendanna á
leikjunum í Þrándheimi. FRÉTTABLAÐIÐ/PJETUR
LÍTIL STEMNING Íslensku leikmennirnir
leyndu ekki vonbrigðum sínum né von-
leysi sínu þegar ljóst var í hvað stefndi.
FRÉTTABLAÐIÐ/PJETUR