Fréttablaðið - 02.03.2008, Blaðsíða 86

30 2. mars 2008 SUNNUDAGUR
HVAÐ SEGIR MAMMA?
Hvað er að frétta? Við í FÍH vorum að
klára að sýna Sálarmessuna sem Sammi
jagúar setti upp. Ég og hljómsveitin
Moses Hightower höfum verið að stúss-
ast svolítið og verðum til dæmis á Aldrei
fór ég suður. Svo er ég að læra inn á nöfn
og lækningamátt ýmissa steina og blóma-
dropa, sem er mjög gaman.
Augnlitur: Blá/grá/mosagrænn.
Starf: Tónlistardama, frístundaleiðbein-
andi og starfsmaður í andlegu verslun-
inni Gjöfum jarðar.
Fjölskylduhagir: Einhleyp.
Hvaðan ertu? Borin og barnfædd í
Reykjavík.
Ertu hjátrúarfull? Nei, ég get ekki sagt
það.
Uppáhaldssjónvarpsþátturinn: Ég
horfi lítið sem ekkert á sjónvarp en ég á
Grey‘s Anatomy á DVD. Ég horfi stundum
á það.
Uppáhaldsmatur: Lambakjöt.
Fallegasti staðurinn: Landmanna-
laugar.
iPod eða geislaspilari: Ég á ömurlega
geislaspilara sem láta eins og allt sé
rispað þannig að ég ætla að segja iPod.
Þar er ekkert rispað.
Hvað er skemmtilegast? Að fá
hlátursköst, fara á góða tónleika, fara í
hestaferðir með toppliði og topphestum
í íslenskri náttúru með gott nesti og smá
koníak í pela.
Hvað er leiðinlegast? Illa innrætt fólk,
að vera í vondu skapi og að vera lasin.
Helsti veikleiki: Ég er viðkvæm, stund-
um mjög fljótfær og gleymin. Ég gæti nú
haldið þessu áfram lengi.
Helsti kostur: Mér þykir mjög vænt um
fólk og ég kann að njóta lífsins.
Helsta afrek: Tónlistin mín.
Mestu vonbrigðin: Þegar kisa mín fór
til himna.
Hver er draumurinn? Að
verða góð tónlistarkona, góður
læknir, eignast stóra fjöl-
skyldu, tvær kisur og kannski
einn risastóran hund. Og jú,
heimsfriður!
Hver er fyndnastur/fyndn-
ust? Guðrún Helga Kristjáns-
dóttir og Guðný Halldórs-
dóttir.
Hvað fer mest í taugarnar
á þér? Tillitsleysi og dóna-
skapur.
Hvað er mikilvægast? Ást.
HIN HLIÐIN BRYNDÍS JAKOBSDÓTTIR TÓNLISTARKONA
Hlátursköst og hestaferðir í uppáhaldi
„Ég samgleðst henni og þeim
mjög með þetta. Hún hefur
alltaf verið rosalega dugleg og
sjálfstæð stúlka frá því að hún
fæddist. Hún veit nákvæmlega
hvað hún hefur alltaf viljað og
hefur staðið alveg undir því.“
Sigþrúður Stefánsdóttir, móðir söngkon-
unnar Regínu Óskar.
21.07.87
Félagsskapurinn Félag íslenskra
grjónapunga var stofnaður á
Kaffi Tröð fyrir einum 45 árum.
Síðan hafa meðlimir hist í hádeg-
inu, alla virka daga, yfir rjúk-
andi diskum af mömmumat. Síð-
ustu tíu árin hefur sá matur
verið framreiddur á Humarhús-
inu, þar sem matargestir eiga
alla jafna að venjast flóknari
matreiðslu en bjúgum og upp-
stúf eða kjöti í karríi.
„Upphafið var nú bara þannig að
við vorum nokkrir stráklingar,
sem vorum flestir að vinna niðri
í bæ, sem nenntum ekki heim í
hádeginu. Við fórum að hittast
og spjalla á Kaffi Tröð í staðinn,
og þegar því var lokað lá leiðin
um stundarsakir yfir á Hress-
ingarskálann,“ útskýrir Hemmi,
sem er einn stofnfélaga. „Við
sátum alltaf við fínasta hring-
borð á Tröð og fengum að flytja
það með okkur yfir á Hressó.
Það fylgdi okkur líka yfir á
Humar húsið og það er ekki nema
stutt síðan því var skipt út,“
bætir hann við.
Þessir riddarar hringborðsins
eiga það flestir sameiginlegt að
hafa verið iðnir við íþróttaiðkun,
en Hemmi segir það þó ekki vera
inngönguskilyrði í félagsskap-
inn. „Valsmenn hafa verið svolít-
ið ráðandi þarna en við komum
samt úr ýmsum félögum. Einn af
stofnendunum, Axel Sigurðsson,
var deildarstjóri á póstinum og
Framari, og Hilmar Björnsson,
fyrrverandi landsliðsþjálfari, er
KR-ingur. Svo eru aðrir sem
tengjast íþróttum ekkert,“ segir
Hemmi, sem segir þó ákveðin
viðmið gilda í félaginu. „Menn
verða að undirgangast stífar
reglur, eins og að vera alltaf í
góðu skapi og ræða aldrei ein-
hver leiðindamál. Öllum ber
saman um að það sé nóg röflað
og nöldrað í þjóðfélaginu, við
þurfum ekkert á því að halda,“
segir hann og hlær við.
Grjónapungarnir eru samtals
um átján í dag, að sögn Hemma,
en eins og við má búast hafa ein-
hverjir helst úr lestinni og aðrir
bæst í hópinn á síðustu fjörutíu
árum. Í hverju hádegi mæta alla
jafna um tíu manns. „Þetta er
alveg stórgóður félagsskapur og
þetta styttir daginn svo sannar-
lega. Léttleikinn er öllum nauð-
synlegur,“ segir Hemmi og bætir
við: „Menn hafa undrast það
hvaða flottræfilsháttur þetta sé
að fara alltaf út að borða, en
þetta er bara eins og þegar Jón
Jónsson kaupir sér samloku.
Bara góður hópur og góður
mömmumatur.“
sunna@frettabladid.is
HERMANN GUNNARSSON: BANNAÐ AÐ NÖLDRA Í FÉLAGI ÍSLENSKRA GRJÓNAPUNGA
Mömmumatur í hádeginu í 45 ár
GRJÓNAPUNGAR Á HUMARHÚSINU Félag íslenskra grjónapunga hefur snætt saman mömmumat í hádeginu, alla virka daga,
síðastliðin 45 ár. Á Humarhúsinu hafa grjónapungarnir sérherbergi fyrir sig. FRÉTTABLAÐIÐ/GVA
Big Lebowski-hátíð verður haldin
í Keiluhöllinni í annað sinn laugar-
daginn 8. mars. Á hátíðinni verður
vitaskuld keilað eins og í sam-
nefndri gamanmynd Coen-bræðra,
auk þess sem veitt verða verðlaun
fyrir besta búninginn. Einnig
verður myndin sjálf sýnd á breið-
tjaldi.
„Það komu ekki nema tuttugu
manns í fyrra og við stefnum á
aðeins meira núna. En þetta sló
alveg í gegn og allir skemmtu sér
rosalega vel,“ segir Svavar Helgi
Jakobsson, sem skipuleggur hátíð-
ina ásamt vini sínum Ólafi Sverri
Jakobssyni.
Bandarískir áhugamenn um The
Big Lebowski stofnuðu samtök
sem hafa haldið hátíð sem þessa
nokkrum sinnum á ári undanfarin
sjö ár. Einnig ferðuðust meðlimir
þeirra til Bretlands á síðasta ári
og héldu þar tvær hátíðir. Hvort
þeir komi einhvern tímann hingað
til lands er aftur á móti annað mál.
„Það væri ekki leiðinlegt, sérstak-
lega þegar maður sér hversu stórt
þetta er úti. Leikarar úr myndinni
hafa verið að mæta og Jeff Bridges
hefur til dæmis mætt tvisvar. Ég
held að flestir myndu vilja fá John
Turturro hingað. Hann er senu-
þjófurinn í myndinni og á örugg-
lega frægustu setningarnar,“ segir
Svavar, sem hefur séð The Big
Lebowski yfir tuttugu sinnum.
„Það er rosalega stór hópur sem
dýrkar myndina. Hún er á topp
fimm hjá mörgum sem ég veit um.
Við völdum líka að halda hátíðina
8. mars vegna tíu ára afmælis
hennar.“ Hægt er að næla sér í
miða á hátíðina á midi.is. - fb
Lebowski dýrkaður á Íslandi
THE DUDE Félagarnir Svavar (til vinstri)
og Ólafur bregða á leik sem lati friðar-
sinninn The Dude, sem Jeff Bridges lék
af alkunnri snilld.
JESUS John Turturro fór á kostum sem
hinn stórundarlegi Jesus Quintana í The
Big Lebowski.
HLÁTURMILDUR Hemmi Gunn er
vanalega hrókur alls fagnaðar hvert sem
hann fer. Hann skemmti sér vel á fundi
með Grjónapungunum í vikunni, enda
er bannað að ræða leiðindamál þar.
„Ef þau vilja fá mig aftur þá
stendur ekki á mér,“ segir söngvar-
inn Jón Jósep Snæbjörnsson. Mikla
athygli vakti á síðasta ári þegar
Jónsi starfaði sem flugþjónn hjá
Icelandair og allar líkur virðast á
því að hann snúi aftur til þeirra
starfa í sumar.
Flugþjónar og -freyjur sem
störfuðu hjá Icelandair í fyrra-
sumar fengu fyrir skemmstu sent
bréf þar sem kannað var hvort þau
hefðu hug á því að snúa aftur til
starfa í sumar. Samkvæmt
upplýsingum frá Icelandair er
þetta svo stór hópur að ólíklegt er
að inntökupróf verði haldin fyrir
nýliða að þessu sinni. Jónsi segist
hafa svarað bréfinu. Hann hafi að
sjálfsögðu óskað eftir því að fá
starf í vélum Icelandair í sumar.
„Auðvitað. Það var sannur heiður
að fá að þjóna landsmönnum í
fyrra. „Kaffi, vatn eða te?“ Þetta
var frábært,“ segir söngvarinn sem
undanfarið hefur starfað hjá Glitni.
Þar er Jónsi í viðburðadeild, í
verkefni sem lýkur
með vorinu. Gengið
verður frá ráðningu
flugliða nú á næstu
dögum.
- hdm
Jónsi aftur í
háloftin
JÓN JÓSEP
SÆBJÖRNSSON
Tekur sig vel
út í búningi
flugþjóns-
ins.