Fréttablaðið - 10.03.2008, Qupperneq 48

20 10. mars 2008 MÁNUDAGUR
timamot@frettabladid.is
MERKISATBURÐIR
1941 Togarinn Reykjaborg er
skotinn í kaf af þýskum
kafbát norður af Skot-
landi.
1944 Flugfélagið Loftleiðir hf. er
stofnað.
1962 Verkfall togarasjómanna
hefst, stendur til 18. júlí.
1981 Um eitt hundrað Hún-
vetningar koma til Reykja-
víkur með áskorun til
iðnaðarráðherra um að
samningum um virkjun
Blöndu verði hraðað.
1986 Fokker flugvél í innan-
landsflugi rennur út af
flugbraut á Reykjavíkur-
flugvelli þvert yfir Suður-
götu. Engin slys á fólki.
1994 Þyngsti dómur sem
Hæstiréttur Íslands hefur
dæmt féll, 20 ára fangelsi
fyrir manndráp.
LEIKKONAN SHARON STONE
ER FIMMTUG Í DAG.
Samkvæmt minni reynslu er
ekki hægt að tapa á því að segja
sannleikann.
Sharon Stone er bandarísk kvikmynda-
leikkona og framleiðandi og fyrrum
tískufyrirsæta. Hún vakti fyrst at-
hygli árið 1992 fyrir frammistöðu sína
í myndinni Basic Instinct. Hefur verið
tilnefnd til Óskarsverðlauna og unnið
Golden Globe og Emmy-verðlaunin.
Félag íslenskra bifreiða-
eigenda veitir nú félags-
mönnum aðgang að sér-
hönnuðum leiðarlýsingarvef
„Trip Tik“ frá AAA, systur-
félagi FÍB í Bandaríkjunum.
Leiðarlýsingarvefurinn
„Trip Tik“ gefur félagsmönn-
um möguleika á að prenta út
vegakort og leiðarlýsingu
af vegakerfi Bandaríkjanna
og Kanada, setja inn áhuga-
verða staði, hótel og fleira
sem félagsmenn fá afslátt á,
gegn framvísun FÍB félags-
skírteinis.
FÍB býður félagsmönnum
sínum upp á þessa nýjung
á vefsíðu sinni. Trip Tik
er læst síða á www.fib.is,
félagsmenn þurfa að skrá
inn kennitölu og félagsnúm-
er og vera skuldlausir til að
aðgangur opnist.
Sjá nánari upplýsingar á
www.fib.is.
Nýjar leiðarlýsingar
Stóra upplestrarkeppnin á Akranesi
fór fram í tíunda sinn á dögunum.
Keppnin fór fram í nýjum sal
Tónlistarskóla Akraness og hefur
salurinn fengið nafnið Tónberg.
Safnaðarheimilið Vinaminni hýsti
áður keppnina. Kristín Steinsdóttir
rithöfundur ávarpaði þátttakendur
og gesti og ræddi um vandaðan upp-
lestur og flutning ritaðs máls. Fjór-
tán keppendur lásu sögukafla og
ljóð af stakri prýði. Fjögurra manna
dómnefnd veitti öllum þátttakendum
bókaverðlaun og Sparisjóðurinn
Akranesi veitti þremur bestu les-
urunum peningaverðlaun og allir
þátttakendur fengu bíómiða. Gréta
Stefánsdóttir í 7. bekk Grunda-
skóla varð sigur vegari, í öðru sæti
varð Arnaldur Ægir Guðlaugsson,
einnig úr Grundaskóla og í þriðja
sæti Kristín Releena Jónasdóttir úr
Brekkubæjarskóla. Veitt voru verð-
laun til fjögurra 7. bekkinga vegna
myndskreytingar boðskorts. Tveir
pólskir nemendur lásu pólskt ljóð
og nemendur úr tónlistarskólanum
voru með tónlistaratriði.
Lesið upphátt í nýjum sal
LEIÐBEININGAR UM BANDA-
RÍSKA VEGAKERFIÐ Félag
íslenskra bifreiðaeigenda er
komin í samstarf við systurfélag
sitt í Bandaríkjunum.
AKRANES Nýr salur tónlistarskólans hefur
fengið nafnið Tónberg en þar fór fram
tíunda upplestrarkeppni bæjarins.
Veðurstofan hefur nú opnað
nýjan vef á ensku. Hann er í
grunninn eins og sá íslenski
að því er fram kemur í
fréttatilkynningu frá Veður-
stofu Íslands.
Markmiðið er að færa
enskumælandi fólki aðgang
að nákvæmum veðurspám
og athugunum fyrir Ísland.
Eins að stuðla að auknu
öryggi erlendra ferðalanga
á Íslandi. Einnig fást upplýs-
ingar um jarðskjálfta og lesa
má um víðtæka starfsemi
Veðurstofunnar.
Sjá nánari upplýsingar.
http://en.vedur.is
Veðrið á ensku
„Hann Þórbergur Þórðarson hefði
orðið 120 ára nú á miðvikudaginn, þann
12. mars og því verður afmælisþing
hjá okkur á Hala frá klukkan tíu til
sex,“ segir Þorbjörg Arnórsdótt-
ir forstöðumaður Þórbergsseturs.
„Það verður fjallað um Þórberg og
Suðursveitina á þessu þingi,“ held-
ur hún áfram. „Viðar Hreinsson
bókmenntafræðingur kemur aust-
ur og fjallar um Suðursveitakróník-
una eins og hann kallar Suðursveita-
bækurnar. Erindi hans ber heitið
Sveitadrengur snýr aftur. Gaman er
líka að segja frá því að nú er búið að
endurútgefa bókina Steinarnir tala
sem kom út 1956 og hefur verið ófáan-
leg í langan tíma. Það er fyrsta bók
Þórbergs um Suðursveitina og segir
frá góðu strandi, stórri brúðkaups-
veislu á Breiðabólsstað, fæðingu hans
sjálfs og bernskuminningum. Ragn-
heiður Steindórsdóttir leikkona mun
lesa úr bókinni öðru hvoru yfir daginn.
Ef veður leyfir á að rölta eitthvað um
úti við, skoða æskuslóðir skáldsins og
njóta upplestrar leikkonunnar víða.“
Þorbjörg tekur fram að auk Þórbergs-
seturs standi Háskólasetrið á Horna-
firði með fulltingi Þjóðhátíðarsjóðs að
afmælisþinginu á Hala. Nýlokið sé efn-
ismikilli Þórbergssmiðju í Háskóla Ís-
lands og Soffía Auður Birgisdóttir bók-
menntafræðingur hafi þar verið með
erindið „Sálmurinn um gamla mann-
inn“ sem hún ætli að endurtaka á Hala.
Einnig kveðst Þorbjörg sjálf vera með
sama innlegg og fyrir sunnan. „Ég hef
verið að skoða alþýðumenninguna og
Þórberg. Eins og Steinþór bróðir hans
orðaði það þá hafði Þórbergur með sér
sem fararefni að heiman andlegan arf
frá liðnum feðrum og mæðrum. Ég
fór að grúska í efni frá þeim bræðrum
um hver þessi arfur var og hvert and-
legt atgervi forfeðra og mæðra hans
var, miðað við þær heimildir sem við
höfum. Það er svo skemmtilegt að tals-
vert hefur varðveist af bókunum sem
þetta fólk var að lesa í gömlu fjósbað-
stofunni á Hala. Nokkrar þeirra eru
handskrifaðar með gotnesku letri. Ég
komst að því að það var alls enginn kot-
ungsbragur á menningarlífinu þrátt
fyrir að ytri aðbúnaður væri ekki alltaf
góður. Fólk var greinilega áhugasamt
um ýmis andleg málefni og fróðleiks-
fýsn þess var mikil og ég leyfi mér að
fullyrða að það felist mikil auðlegð í
þeirri menningu sem var í sveitum
landsins.“
Þorbjörg segir þetta í fyrsta
sinn sem haldið er upp á afmæli
meistarans miðað við að hann hafi
fæðst 1888. „Samkvæmt kirkjubókum
er Þórbergur fæddur 12. mars 1988
en það gerist síðan einhvern tíma á
hans lífsleið að fæðingarárið ruglast
og hann segir í Suðursveitabókunum
„Mér var sagt að ég væri fæddur 12.
mars 1889.“ Það bendir til að hann hafi
ekki talið það öruggt. En þegar farið
var að halda upp á merkisafmælin
hans, fyrst fimmtugs og önnur þar á
eftir þá var alltaf miðað við árið 1889.
Nú erum við að brjóta þessa hefð og
minna á fæðingarárið 1988, sem er hið
rétta, samkvæmt öllum gögnum.“
gun@frettabladid.is
ÞÓRBERGUR ÞÓRÐARSON: ÞING VEGNA 120 ÁRA AFMÆLIS MEISTARANS
Alls enginn kotungsbragur á
menningarlífinu í Suðursveit
MEISTARINN OG MARGRÉT Hér situr Þórbergur við skriftir með Margréti Jónsdóttur konu sína
sér við hlið. MYND/MENNINGARMIÐSTÖÐ HORNAFJARÐAR.
Elskulegur eiginmaður minn, faðir okkar ,
tengdafaðir og afi,
Magnús Þorvarðarson
Fannafold 127 a,
verður jarðsunginn frá Fríkirkjunni í Reykjavík mið-
vikudaginn 12. mars kl 13.00.
Hólmfríður Gísladóttir
Rósa Magnúsdóttir Pétur Eysteinsson
Hjalti Magnússon Sigríður María Sverrisdóttir
Steinunn Magnúsdóttir Georg Eggertsson
og barnabörn.
Þennan dag árið 1967 varð
mikill eldsvoði á horni Vonar-
strætis og Lækjargötu í Reykja-
vík. Þar brunnu þrjú timburhús
til grunna og hið steinsteypta
hús Iðnaðarbanka Íslands varð
fyrir miklum skemmdum og
þó einkum innanstokksmun-
irnir. Einnig skemmdist fjórða
timbur húsið. Sautján manns
misstu þarna heimili sín. Ás-
laugu Jónsdóttur, ekkju sr.
Bjarna Jónssonar vígslubiskups,
var bjargað á síðustu stundu
úr eldinum fyrir harðfylgi lög-
reglumanna og tveir dreng-
ir voru líka meðal þeirra sem
komust út úr brennandi hús-
unum.
Fyrir utan byggingarnar þá
töpuðust ýmis söguleg verð-
mæti í þessum bruna. Meðal
annars allflestar ræður sr.
Bjarna og dagbók hans. Einn-
ig málverk eftir Kjarval og Ás-
grím. Sigurður Kristjánsson,
fyrrverandi alþingismaður, var
einn af íbúum timburhúsanna
sem brunnu. Hann missti allt
bókasafn sitt og kvaðst þó
mest sakna píanósins síns því
„það hafði heimsins besta
hljóm,“ eins og hann orðaði
það.
ÞETTA GERÐIST 10. MARS 1967
Stórbruni í miðborg Reykjavíkur
ELDSVOÐI Í LÆKJARGÖTU 10.
MARS 1967.
FRÉTTABLAÐIÐ/LJÓSMYNDASAFN REYKJAVÍKUR
Huðnan Perla boðaði komu
vorsins í Húsdýragarðinum
þegar hún bar myndarlegum
gráhöttóttum hafri skömmu
fyrir helgi. Þar með fjölgaði
íbúum Fjölskyldu- og hús-
dýragarðsins um einn, þrátt
fyrir heldur rysjótt veður-
far undanfarna daga.
Meðgöngutími huðna
er fimm mánuðir og þær
eignast venjulega einn til tvo
kiðlinga í einu. Geitburður
hefst nú með fyrra falli en
leita þarf aftur til ársins 1999
að kiðlingum svo snemma í
marsmánuði hjá Húsdýra-
garðsbændum. Hvort fleiri
huðnur ætli að feta í fót-
spor Perlu verður að koma í
ljós en frjálsar ástir tíðkast í
geitahópnum að því er fram
kemur í fréttatilkynningu
frá garðinum. Aftur á móti
má búast við að sauðburður
hefjist í kringum 10. maí.
Geitur eiga sér langa sögu
á Íslandi. Þær komu hingað
með fyrstu landnámsmönn-
unum, líkt og nautgripir,
hross og sauðfé. Nú eru fáar
geitur eftir á Íslandi eða um
300 en í kringum 1930 voru
þær um 3.000 talsins.
Geitburður hafinn
FJÖLGUN Í GARÐINUM Geit-
burður hefst með fyrra falli í
Húsdýragarðinum í Reykjavík.