Fréttablaðið - 11.03.2008, Blaðsíða 2

2 11. mars 2008 ÞRIÐJUDAGUR
Nóatún mælir með
479 kr.kg.
noatun.is
LÉTTIR ÞÉR LÍFIÐ
Ótrúlegt verð!
SPRENGI
VERÐ!
Móa kjúklingur, ferskur
40%
afsláttur!
Ottó, er þetta kannski farand-
bikar?
„Það mætti frekar kalla hann kon-
ungsbikar því mér var sagt að hann
hafi upphaflega verið ætlaður sem
gjöf handa Kristjáni tíunda þegar
hann kom hingað 1930.“
Ottó J. Malmberg var einn þeirra sem
létu sérfræðinga Þjóðminjasafnsins
skoða ættargripi um helgina. Ottó sýndi
þeim forláta bikar sem flust hefur með
fjölskyldu hans fram og til baka milli
Danmerkur og Íslands.
VESTMANNAEYJAR „Þetta er ein af
lífæðum Eyjanna, bæði íbúa og
atvinnulífs, því það gerir enginn
neitt án vatns,“ segir Ívar Atlason,
tæknifræðingur hjá Hitaveitu
Suður nesja. Í júlí stendur til að
leggja nýja vatnslögn til Vest-
mannaeyja.
Fyrir eru tvær eldri lagnir, frá
1968 og 1971. Eru þær báðar í notk-
un en sú nýrri er mjög illa farin.
„Við flytjum samtals um fimmtíu
lítra á sekúndu með dælingu á
báðum lögnum,“ segir Ívar en af
því flytur eldri leiðslan aðeins
tæpa níu lítra. „Nýja lögnin verður
átta tommur og mun hún flytja um
25 til 30 prósentum meira en hinar
tvær til samans.“ Ívar segir hana
koma í staðinn fyrir leiðsluna frá
1971, sem verði þá aflögð.
Báðar eldri lagnirnar liggja á
sama stað milli lands og Eyja og
verður nýja lögnin á svipuðum slóð-
um. „Reyndar ætlum við að leggja
hana á betri stað. Við höfum miklu
meiri upplýsingar um sjávar botninn
núna og erum búnir að velja lagna-
leið.“
Ívar segir fyrirtækið Sjómæling-
ar hafa kortlagt sjávarbotninn. Þá
segir hann tækni nú betri en áður
og nýja lögnin verði mun sterkari
og betri en þær eldri. „Sérstaklega
er ysta lag pípunnar mikið þykkara
og betra.“
Sama danska fyrirtækið, NKT,
framleiðir og leggur nýju lögnina
og tvær hinar fyrri. Er framleiðsla
hafin í Danmörku og gert ráð fyrir
að framkvæmdir hefjist eftir
miðjan júlí. „Við stefnum að því að
lögnin verði komin í gagnið fyrir
Þjóðhátíð.“
Ívar segir nýju lögnina lagða til
að tryggja nægt neysluvatn til íbúa
og atvinnulífs. Vatnsnotkun hafi
aukist, sérstaklega í fiskiðnaði.
Segir Ívar að við lagningu eldri
vatnslagnanna hafi verið gert ráð
fyrir 25 til 30 ára líftíma, svo þær
séu komnar töluvert fram yfir það.
Einnig geti aðstæður á botni haft
veruleg áhrif. „Nýrri leiðslan
liggur á verri stað en að auki er
hún skemmd eftir snurvoðartóg.
„Að öðru leyti höfum við alveg
sloppið við að menn hafi farið með
ankeri eða þess háttar í þetta.“
Segir Ívar sjómenn vita að þarna
sé bannsvæði sem ekki megi veiða
á. Aðrar skemmdir séu vegna
álags, „það nuddast gat á leiðslurn-
ar af því þær eru á ferðinni.“
olav@frettabladid.is
Ný vatnslögn lögð
til Vestmannaeyja
Ein af lífæðum Vestmannaeyja er illa farin eftir um fjörutíu ára volk í sjónum.
Aukin vatnsnotkun kallar á nýja og öfluga vatnslögn sem leggja á í sumar.
Betri upplýsingar og ný tækni gera nýju lögnina öruggari en þær eldri.
NÝ VATNSLÖGN Nýja vatnslögnin mun liggja á svipaðri lagnaleið og þær tvær eldri
sem fyrir eru, en með hjálp nýrrar tækni er hægt að velja henni betri leið á hentugri
botni. FRÉTTABLAÐIÐ/ÓSKAR
Vestmannaeyjar
Bakki
Kross
Þjóðvegur 1 Ma
rka
rfjó
t
Seljaland
DÓMSMÁL Alcan á Íslandi, ISAL,
krefst tæplega 187 milljóna í
skaðabætur vegna samráðs
olíufélaganna Skeljungs, Olís og
Kers, áður Olíufélagsins, fyrir
útboð á vegum fyrirtækisins. Mál
ISAL gegn olíufélögunum verður
tekið fyrir í Héraðsdómi Reykja-
víkur á morgun.
ISAL fékk dómkvaddan
matsmann til þess að reikna út
tjón fyrirtækisins vegna samráðs
olíufélaganna og er greinargerð
hans, sem krafa fyrirtækisins
byggir á, hluti af gögnum
málsins.
ISAL er stærsta fyrirtækið sem
höfðað hefur skaðabótamál á
hendur olíufélögunum vegna
samráðs þeirra. - mh
Alcan gegn olíufélögunum:
Skaðabótamál
tekið fyrir
LÖGREGLUMÁL Rannsóknarlögregl-
an á höfuðborgarsvæðinu
hand tók fjóra í gær eftir húsleit í
tveimur húsum í Hafnarfirði. Í
húsunum fundust tvö skotvopn,
lítilræði af fíkniefnum og önnur
vopn, svo sem hnífar og barefli.
Skotvopnunum sem fundust
hafði verið stolið úr heimahúsi í
Hafnarfirði á föstudag. Auk
rannsóknardeildarinnar tók
sérsveit Ríkislögreglustjóra og
hundadeild lögreglunnar á
höfuðborgarsvæðinu þátt í
aðgerðunum.
Lögregla leitaði enn fimmta
mannsins síðdegis í gær.
- jss
Lögregluleit í tveimur húsum:
Fundu skotvopn
og fíkniefni
STJÓRNMÁL Ingibjörg Sólrún
Gísladóttir utanríkisráðherra hóf
í morgun tveggja daga opinbera
heimsókn sína til Danmerkur.
Hún mun meðal annars funda
með Per Stig Møller, utanríkisráð-
herra Dana, og Margréti Þórhildi
Danadrottningu. Ráðherrann mun
einnig funda með formanni
danskra jafnaðarmanna, mennta-
málaráðherra og utanríkismála-
nefnd danska þingsins. - þeb
Ingibjörg Sólrún í Danmörku:
Fundar með
drottningunni
EFNAHAGSMÁL Skuldir heimilanna
í erlendri mynt hafa hækkað um
tugi milljarða króna frá áramót-
um vegna lækkunar á gengi krón-
unnar.
Um áramót skulduðu heimilin
234 milljarða króna í erlendri
mynt. Sú upphæð hefur hækkað
um ríflega 27 milljarða króna. Þá
er ekki gert ráð fyrir nýjum
erlendum lánum sem fólk hefur
tekið síðan þá.
Gengislækkunin hefur í för
með sér að afborganir af lánum í
erlendri mynt hækka. Taka má
dæmi af bílaláni í erlendri mynt.
Afborgun af því nam tæpum 26
þúsund krónum í janúar en mars-
greiðslan er ríflega 28 þúsund.
Þessi hækkun skýrist af því að
gengi krónunnar hefur verið að
lækka. Það hefur frá áramótum
lækkað um 11,66 prósent, miðað
við miðgengi sem Seðlabankinn
skráir.
Óvíst er í hvaða myntum lán
heimilanna eru, en í algengum
myntkörfum eru evrur, japönsk
jen og svissneskir frankar. Sviss-
neski frankinn kostar nú um tíu
krónum meira en hann gerði um
áramót. Japanska jenið hefur
hækkað í verði um um það bil tíu
aura. Evran hefur hækkað í verði
um næstum þrettán krónur. Hún
kostar nú ríflega 105 krónur og
hefur gengi krónu gagnvart evru
aldrei verið lægra.
Um 50 milljarðar króna af
erlendum lánum heimilanna eru
íbúðalán.
Gengi krónunar hefur ekki
verið svona lágt síðan í mars árið
2002. Frá því að Seðlabankinn tók
upp verðbólgumarkmið árið 2001
varð gengi krónunnar lægst í
nóvember sama ár. Þá kostaði
evran 97 krónur og 40 aura.
Gengið varð hæst í nóvember
árið 2005. Þá kostaði evran 71
krónu og 60 aura.
Heildarskuldir heimilanna um
áramótin námu um 1.552 millj-
örðum króna. Það jafngildir því
að hvert mannsbarn skuldi tæpar
fimm milljónir króna. - ikh
Gengi krónunnar ekki lægra í sex ár og erlendar skuldir hækka:
Gengið eykur greiðslubyrðina
UTANARÍKISMÁL Ingibjörg Sólrún
Gísladóttir hefur skipað þrjá nýja
sendiherra. „Mér finnst það flott
hjá ráðherra að
skipa tvær
konur, það lýsir
áherslum sem ég
er ánægð með,“
segir Sigríður
Anna Þórðar-
dóttir, fyrrver-
andi umhverfis-
ráðherra, sem er
ein af nýju
sendiherrunum.
Hinir eru Gréta Gunnarsdóttir,
sviðsstjóri alþjóða- og öryggis-
sviðs og Þórir Ibsen, skrifstofu-
stjóri í utanríkisþjónustunni.
Ekki verður greint frá því hvert
þeir fara fyrr en allt hefur verið
frágengið í viðtökulöndunum.
Skipan Grétu og Þóru miðast við
15. þessa mánaðar en Sigríðar
Önnu við 1. júlí næstkomandi. - jse
Utanríkisráðuneytið:
Þrír nýir sendi-
herrar skipaðir
SIGRÍÐUR ANNA
ÞÓRÐARDÓTTIR
AFBORGUNIN HÆKKAR
Hækkun á afborgunum í íslenskum
krónum, af bílaláni í japönskum
jenum og svissneskum frönkum.
Kaupverð bílsins var 900 þúsund
krónur.
janúar 2008 25.862
febrúar 2008 27.679
mars 2008 28.173
Drengurinn
látinn
Drengurinn sem fékk heila-
blæðingu á fimleikaæfingu hjá
Gerplu í
síðustu viku
er látinn.
Hann hét
Jakob Örn
Sigurðarson
og var til
heimilis að
Dynsölum
10 í Kópa-
vogi. Hann
var fæddur
hinn 21. júní 1997, og var því á
ellefta ári.
Jakob Örn var á fimleika-
æfingu hjá fimleikafélaginu
Gerplu í síðustu viku þegar
hann fékk heilablæðingu og
var fluttur á sjúkrahús. Hann
lést á Landspítala – háskóla-
sjúkrahúsi á sunnudagskvöld.
Minningarstund um Jakob
Örn verður haldin í Digranes-
kirkju í kvöld.
JAKOB ÖRN
SIGURÐARSON
VIÐSKIPTI Helstu eigendur í Hita-
veitu Suðurnesja ræddu í gær
hvernig bregðast megi við and-
mælabréfi Samkeppniseftirlits-
ins. Þar kemur fram að ekki sé
fallist á það að Orkuveita Reykja-
víkur eignist 95 prósenta hlut
Hafnarfjarðarbæjar í Hitaveitu
Suðurnesja.
Lúðvík Geirsson, bæjarstjóri
Hafnafjarðar, segir að í hluthafa-
samkomulaginu frá því í sumar sé
gert ráð fyrir að leita sameigin-
lega lausna fari svo að samkeppn-
isstofnun geri athugasemdir.
„Það er það sem nú liggur fyrir
enda eiga menn að standa við
samninga,“ segir Lúðvík.
Samkvæmt heimildum Frétta-
blaðsins gætir nokkurrar óánægju
hjá OR um það hversu óskýrt álitið
er og að ekki sé kveðið á um það
hversu stóran hlut fyrirtækið geti
átt í Hitaveitunni.
Í hluthafasamkomulaginu er
gert ráð fyrir að OR eignist 16,5
prósent af hitaveitunni en hlutur
Hafnarfjarðar yrði þá 15,4 pró-
sent. Í desember á síðasta ári sam-
þykkti Hafnarfjarðarbær svo að
selja 95 prósent af hlut sínum til
OR. Þá væri hlutur OR í Hitaveitu
Suðurnesja 30 prósent.
Aðrir eigendur í Hitaveitunni
eru Reykjanesbær og Geysir
Green Energy. Bæði Hafnar-
fjarðar bær og OR hafa óskað eftir
frest til að svara álitinu. - jse
Helstu hluthafar í Hitaveitu Suðurnesja ræða bréf Samkeppniseftirlitsins:
Leita sameiginlegra lausna
Fimm grunaðir um nauðgun
Fimm erlendir karlmenn voru
handteknir á sunnudag grunaðir um
að hafa nauðgað erlendri stúlku á
aðfaranótt sunnudags. Mennirnir hafa
verið dæmdir í gæsluvarðhald fram á
fimmtudag.
LÖGREGLUMÁL
RÆTT UM SÖLUNA Guðmundur Rúnar
Árnason bæjarfulltrúi og Lúðvík
Geirsson ræða söluna á hlut Hafnar-
fjarðarbæjar í Hitaveitu Suðurnesja á
bæjarstjórnarfundi í desember.
FRÉTTABLAÐIÐ/ANTON
SPURNING DAGSINS