Fréttablaðið - 29.03.2008, Síða 29
LAUGARDAGUR 29. mars 2008 5
Prjónablaðið Ýr er nýkomið
út með eigulegum fatnaði fyrir
fólk á öllum aldri.
Prjónakonur bíða jafnan spenntar
eftir nýjum íslenskum prjónablöð-
um. Nú var eitt að bætast við, 39.
tölublað af Prjónablaðinu Ýri sem
gefið er út af Tinnu. Þar er að
vanda úrval af fallegum peysum
og öðrum prjónaflíkum. Sumar
eru fljótunnar og einfaldar, aðrar
reyna meira á þolinmæðina og
hæfnina. Uppskriftirnar eru þó
ítarlegar þannig að auðvelt ætti að
vera að fylgja þeim. Þá er árang-
urinn vís.
Íslenskri hönnun, eftir þær
Ásdísi Ólafsdóttur og Sigurhönnu
Sigmarsdóttur, bregður fyrir í
blaðinu að þessu sinni. Það eru
flottar flíkur og tvær þeirra eru
merktar sem góð byrjendaverk-
efni. - gun
Íslensk
hönnun í Ýri
Létt og nett peysa úr Kitten Mohair.
Úr háborg tískunnar
BERGÞÓR BJARNASON SKRIFAR FRÁ PARÍS
Í fótspor meistara
Að feta í fótspor meistara sem á fjörutíu og fimm ára starf að baki
og er þar að auki enn meðal lifenda er ekki það auðveldasta sem
maður getur hugsað sér. Alessandra Facchinetti lætur það þó ekki
hræða sig. Hún sýndi á tískuviku í París í febrúarlok fyrstu tísku-
línuna sem hún hannar fyrir tískuhús Valentino en eins og þið
munið settist Valentino í helgan stein eftir hátískusýningu sína nú
í janúar.
Alessandra Facchinetti er þó enginn nýgræðingur í tískuheim-
inum þótt hún sé aðeins 35 ára. Hún byrjaði árið 1993 hjá Prada
eftir nám í tískuskóla og vann við hlið Toms Ford hjá Gucci frá
2000 á þeim tíma þegar hann fann upp hinn svokallaða „porno
chic“-stíl. Hún tók svo við listrænni stjórn hjá Gucci þegar Ford
hætti þar árið 2004. Hún náði hins vegar aldrei tökum á Gucci og
fór þaðan eftir tvær árstíðir. Kannski vegna þess að Facchinetti
var ekki rétt manneskja á réttum stað og þessi stíll hentaði henni
ekki. Eftir að hafa komið ítalska sportmerkinu Moncler á flug
fengu stjórnendur Valentino-tískuhússins áhuga á að fá hana til
sín, hugsanlega sem framtíðarhönnuð. Síðan í október hefur
Alessandra undirbúið frumsýningu sína. Hún hefur það að leiðar-
ljósi að virða sögu og hefð tískuhússins en setja um leið mark sitt
á hönnunina til þess að kafna ekki í táknum fortíðar.
Þegar Valentino Caravani sló í gegn á tímum Jackie Kennedy og
Liz Taylor var hann sá sem hannaði kjóla fyrir rauðu dreglana. Á
þeim tíma skiptu konur um föt fjórum sinnum á dag til þess að
vera þær fallegustu í heimi. Í dag er öldin önnur og hagnaður
sífellt mikilvægari enda sífellt fleiri tískuhús í eigu risasam-
steypa. Það fellur því ekki síður í hlut Alessöndru Facchinetti að
laða fleiri og yngri viðskiptavini að tískuhúsinu. Innkaupastjórar
og verslunareigendur klæða sig í sama stíl og kvenhönnuðurinn
sem þær dá. Líf þessara nútímakvenna er þó langt frá lífsháttum
þeirra kvenna sem lifa fyrir það að líða fram og aftur eftir rauðu
dreglunum.
Þótt hinn nýi hönnuður virði hefðir meistara Valentinos skapar
Alessandra Facchinetti sinn eigin stíl. Meira er um dagklæðnað
og kjóla fyrir hanastél, dragtir og hálfsíða kjóla í pastellitum þótt
einnig megi sjá nokkra síða kjóla sem löngum hafa verið sérkenni
Valentinos. Lítið fór þó fyrir rauða Valentino-litnum sem hinn
gamli meistari var alkunnur fyrir. Alessandra Facchinetti sýnir
ákveðið sjálfstæði og hugrekki og skapar um leið sinn eigin stíl.
Vandfarin leið milli hefðar og nýsköpunar sem þó er nauðsynleg
til þess að gæða hið gamla tískuhús nýju lífi.
bergb75@free.fr
Hringdu í síma
ef blaðið berst ekki
Bæjarlind 4 • s. 5442222,
Opið virka daga 11-18 og laugardaga 10-16.
Flottar
sumarvörur
Gallabuxur, bolir, vesti.