Fréttablaðið - 29.03.2008, Síða 64

40 29. mars 2008 LAUGARDAGUR
T
ilhlökkunin var mikil eftir
sex tíma ökuferð og á end-
anum átti Aldrei fór ég
suður eftir að standa
undir þeim væntingum
sem ég gerði til hátíðar-
innar og meira til. Hátíðin hófst rétt
eftir kvöldmat á föstudeginum og það
kvöldið stóð dagskráin til miðnættis.
Áður en ég mætti hafði ég ósjaldan
verið spurður að því hverjir spiluðu á
hátíðinni í ár. Yfirleitt svaraði ég til-
baka: „Hverjir eru ekki að spila?“ Slík-
ur aragrúi var líka af frambærilegum
sveitum á hátíðinni, sem endranær, að
það var algjörlega ógerningur að sjá
allar þær frábæru sveitir sem spiluðu.
Einhver kom reyndar með þá snjöllu
hugmynd að hafa Aldrei fór ég suður
Plús og láta allar hljómsveitirnar spila
aftur klukkutíma seinna á einhverjum
öðrum stað í bænum. Góð hugmynd
fyrir alla letingjana frá 101.
Eyrað sleikt og rassinn laminn
En að föstudeginum. Ég hafði aldrei
mætt á hátíðina áður og það sem kom
mér fyrst á óvart var skemman sem
hátíðin var haldin í. Var hún ekki
stærri en þetta? Auðvitað komst ég að
því seinna að hún gat rúmað ótrúlegan
fjölda. Miðað við hversu umfang
hátíðar innar er orðið mikið mætti samt
alveg koma hátíðinni fyrir í stærra
húsnæði.
Hvað um það, stemningin var góð á
föstudag og gleðin í algjöru hámarki.
Að kvöldinu loknu hafði ég ekki ein-
göngu fengið eyrað á mér sleikt af
karlmanni heldur einnig góðan skell á
bossann frá eldri kvenmanni. Ekki
amalegt það. Hápunkturinn var þó að
sjá Megas uppi á sviði með Hjálmum
að spila (ekki) með.
Súrrealískt mók
Laugardeginum var komið af stað
með hamborgara á Hamborginni.
Einkar viðeigandi í ljós aðstæðna.
Dagskráin hófst líka snemma og því
eins gott að koma sér í gírinn sem
fyrst. Ég byrjaði á því að sjá Unun
taka Lög unga fólsins en það hafði
sveitin víst ekki gert í háa herrans tíð
(fyrir utan daginn áður í skíðabrekk-
unni).
Eftir það var kvöldið í hálfgerðu
móki. Ekki vegna áfengisvímu, heldur
vegna gleði, skemmtunar og ánægju.
Sá Hraun og fleiri strípalinga, Rott-
weiler taka gömlu slagarana, Helga
Björns baksviðs, heilan karlakór með
gula þvottahanska og Óttarr Proppé í
diskógalla, Ultra Mega Technobandið
rústa sviðinu eins og vanalega og síðan
nokkur súrrealísk augnablik sem
engan veginn er hægt að útlista hér.
Af hverju hef ég ekki alltaf mætt?
Þessa helgi fékk ég ekki eingöngu að
upplifa hlýju Ísafjarðar og hinn mikla
sjarma Aldrei fór ég suður-tónlistar-
hátíðarinnar. Ég fékk einnig að fara
til Flateyrar og láta pabba Mugison,
sjálfan Papamug, syngja fyrir mig og
elda dýrindis páskamáltíð. Ég fékk
líka að láta gamla rokkdrauma ræt-
ast. Reyndar til þess eins að staðfesta
það sem áður var nokkurn veginn
vitað; það er best fyrir alla að ég haldi
mig á lyklaborðinu frekar en tónlistar-
sviðinu.
Eins og ég sagði stóð Aldrei fór ég
suður undir væntingum og sigraðist á
öllum þeim þrekraunum sem ég lagði
fyrir hana. Ótrúlegt að maður hafi
ekki mætt áður. Þeir sem hafa hins
vegar aldrei heimsótt hátíðina fá hér
með skipun um að koma að ári.
Göldrótt
tónlistarhátíð
Tónlistarhátíðin Aldrei fór ég suður fór fram um síð-
ustu helgi á Ísafirði. Ríkti mikill og góður andi yfir há-
tíðargestum og að hátíðinni lokinni voru bæði gestir og
aðstandendur sammála um að hátíðin í ár væri sú besta
til þessa. Steinþór Helgi Arnsteinsson skellti sér vestur og
athugaði stemninguna.
UNUN Heiða og félagar í Unun tróðu upp á Aldrei fór ég suður ásamt rúmlega þrjátíu öðrum
sveitum. FRÉTTABLAÐIÐ/STEINÞÓR HELGI
FJÖLBREYTTUR ÁHORFENDASKARI Gestir Aldrei fór ég suður voru frá aldrinum tveggja vikna til
níutíu og eitthvað ára.
STUÐ Ekki vantaði stuðið í gesti hátíðarinnar.
ÞÉR ER EKKI BOÐIÐ
XXX Rottweiler-
hundum var boðið
á Ísafjörð í ár og var
frammistaða þeirra
með hápunktum
hátíðarinnar.
MEÐ MEGAS MEÐ
SÉR Hjálmar nutu
liðsinnis meistara
Megasar sem glamr-
aði með sveitinni á
kassagítarinn sinn.
Í LEGGINGS Skátar
voru flottir í gylltum
leggings.
Einhver
kom reynd-
ar með þá
snjöllu hug-
mynd að
hafa Aldrei
fór ég suður
Plús og láta
allar hljóm-
sveitirnar
spila aftur
klukkutíma
seinna á
einhverjum
öðrum stað
í bænum.