Fréttablaðið - 14.04.2008, Blaðsíða 11

MÁNUDAGUR 14. apríl 2008 11
Prentsmiðjan Oddi ehf., Höfðabakka 3-7, 110 Reykjavík, sími 515 5000, www.oddi.is
Í vörulista Odda kynnum við tilbúnar vörur með dæmum og
birtum verðskrána. Þannig tryggjum við gagnsæi í starfsemi,
þjónustu og verði hjá Odda.
Ákvarðanataka verður einfaldari og auðveldari og þú þarft
ekki að bíða eftir útreikningi.
ÍS
L
E
N
S
K
A
S
IA
.I
S
O
D
D
4
13
30
0
3/
08
Framkvæmum hugmyndir.
SKIPULAGSMÁL Eigendur bygging-
ar Íslenskrar erfðagreiningar í
Vatnsmýri eru að semja við
Reykjavíkurborg um kaup á
tæplega sjö þúsund fermetra lóð
sunnan við húsið. Kaupverðið er
260 milljónir króna.
„Við erum fyrst og fremst að
klára samkomulag sem gert var
2001 og tryggja okkur þessa lóð
til framtíðar,“ segir Jóhann
Halldórsson, forsvarsmaður
félagsins S10 ehf., sem kaupir
lóðina. Samkvæmt samkomulagi
sem liggur fyrir á bæði að byggja
við núverandi hús og byggja
annað hús á nýju lóðinni. Borgin
er þar nú með hverfisstöð sem
verður rifin. - gar
Eigendur deCODE-hússins:
Kaupa aðra lóð
í Vatnsmýrinni
ÍSLENSK ERFÐAGREINING Eigendur
hússins kaupa aðra lóð.
GARÐABÆR PK-arkitektar báru
sigur úr býtum í samkeppni um
hönnun nýrrar byggingar fyrir
Hönnunarsafn Íslands sem mun
rísa við Garðatorg í nýjum miðbæ
Garðabæjar.
Í umsögn dómnefndar um
vinningstillöguna segir að hún sé
einföld og snjöll, beri vott um
ögun og að áhersla sé lögð á
látlausa umgjörð og sveigjanlegt
sýningarrými.
Alls bárust 36 tillögur í
samkeppnina og var mikil ánægja
með þátttökuna hjá umsjónar-
mönnum keppninnar. Allar
tillögurnar verða til sýnis í sal
Hönnunarsafns Íslands fram til
27. apríl, alla daga nema mánu-
daga klukkan 14 til 18. - kg
Hönnunarsafn í Garðabæ:
Tillaga PK-arki-
tekta var valin
HÖNNUNARSAFN: Tillaga PK-arkitekta
er einföld og snjöll að mati dómnefndar.
Kona fulltrúi drottningar
Quentin Bryce, fyrrverandi umboðs-
maður jafnréttismála í Ástralíu,
hefur verið útnefnd til að taka við
embætti ríkisstjóra í Ástralíu. Hún er
fyrsta konan sem skipuð er í þetta
staðgengilshlutverk þjóðhöfðingja í
landinu. Elísabet II Englandsdrottning
er enn þjóðhöfðingi Ástrala.
ÁSTRALÍA
FINNLAND Finnsk stjórnvöld sendu
um 500 karla, konur og börn í
fangabúðir í heimsstyrjöldinni
síðari. Eina sök þeirra var sú að
þau voru þýsk, gift Þjóðverjum
eða áttu þýska foreldra.
Allar eigur fólksins voru
gerðar upptækar eftir að Finnar
sömdu um vopnahlé við Sovét-
menn árið 1944 og vopnabræðra-
lag Finna og Þjóðverja tók endi.
Fimmtíu þeirra sem sættu
fangabúðavistinni eru enn á lífi og
hafa óskað eftir því að finnska
ríkið viðurkenni að hafa brotið á
þeim mannréttindi, að sögn
vefútgáfu Hufvudstadsbladet.
- ghs
Finnska ríkisstjórnin:
Sendi þýskætt-
aða í fangabúðir
ÍTALÍA, AP Kjörsókn þótti allgóð í
þingkosningum sem hófust á Ítalíu
í gær og lýkur í dag. Það var þó
allt annað en bjarstýni sem ein-
kenndi stemninguna meðal kjós-
enda enda er sú skoðun ríkjandi að
það sé sama hvaða stjórnmála-
mönnum sé falið að fara með völd
í landinu; þeim takist ekki að leysa
vandamálin sem við er að etja.
Kosningarnar nú fara fram
þegar annars eru þrjú ár eftir af
gildandi kjörtímabili í kjölfar þess
að miðju-vinstristjórn Romanos
Prodi missti þingmeirihluta sinn.
Margt benti til að Silvio Berlus-
coni, leiðtogi hægriflokkabanda-
lagsins Frjáls þjóð, væri á leið
með að taka við völdum í þriðja
sinn. Hann hafði nokkurt forskot á
höfuðkeppinautinn Walter Velt-
roni, fyrrverandi borgarstjóra
Rómar og leiðtoga miðju-vinstri-
bandalagsins sem nú ber nafnið
Lýðræðisflokkurinn, þegar síð-
ustu skoðanakannanir voru birtar
hálfum mánuði fyrir kosningar.
Veltroni var þó að vinna nokkuð á
í síðustu könnunum. Hlutfall
óákveðinna var hins vegar hátt og
ríkti því mikil óvissa um úrslitin.
Kjörsókn mældist um 49 pró-
sent þegar leið að lokun kjörstaða
í gærkvöld. Kjörstaðir eru aftur
opnir fram yfir hádegi í dag.
- aa
Allgóð kjörsókn í þingkosningum sem lýkur á Ítalíu eftir hádegið í dag:
Vantrú á ítölskum ráðamönnum ríkjandi
SÁ Á KVÖLINA SEM Á VÖLINA Kjósandi á kjörstað í Róm í gær. FRÉTTABLAÐIÐ/AP