Fréttablaðið - 21.05.2008, Qupperneq 22

[ ]
Eitt glæsilegasta veiðihús landsins var tekið í
notkun á bökkum Laxár í Kjós síðasta sumar.
„Töfrar stangveiði felast í þörf mannsins til að takast
á við náttúruna. Í mörgum blundar veiðiþörf sem
kemur fram þegar veiðimaður er kominn á veiðislóð
og upplifun í veiðiham er spenna og gleði þegar sigur
á bráð er unninn,“ segir Gísli Ásgeirsson, einn eig-
enda Lax ehf., sem sér um sölu og rekstur fjölmargra
laxveiðiáa og vatna hér heima og í útlöndum.
Í eigu fyrirtækisins eru sum glæsilegustu veiðihús
landsins. Það nýjasta stendur við Laxá í Kjós og
geymir tólf tveggja manna herbergi með baði, auk
setustofu og vöðlu- og laxageymslu.
„Áður veiddu menn alltaf tveir og tveir saman og
voru þakklátir ef þeir fengu að halla sér í herbergis-
skonsu og komast í stutt steypibað á veiðitímanum. Í
dag veiða menn enn tveir og tveir saman, en gera
kröfu um að vera einir í herbergi og með eigið bað.
Við þjónustum einstaklinga, útlendinga, félög og
fyrir tæki. Tveir til þrír dagar er algengt val og kost-
ar veiðistöngin frá 30 upp í 130 þúsund á dag, fyrir
utan mat, leiðsögn og gistingu. Dýrasti dagurinn er
um 150 þúsund með öllu, en þetta hefur verið mjög
vel sótt og orðið nánast uppselt í sumar,“ segir Gísli
þar sem hann fer yfir teikningar á nýjasta húsinu
sem standa mun við Selá í Vopnafirði, en nýlokið er
smíðum á minna veiðihúsi við Svalbarðsá.
„Að fara í lax og eiga nokkra daga í slíku veiðihúsi
er upplifun. Um viðurgjörning í Kjósinni sjá meist-
arakokkar La Primavera og við getum stoltir borið
okkur saman við það allra besta í veitingahúsum Evr-
ópu,“ segir Gísli, sem starfar sem leiðsögumaður í
velflestum veiðiám lýðveldisins á sumrin.
„Auk áðurnefndra áa erum við með Grímsá, Hafra-
lónsá, Vesturdalsá, Gljúfurá í Húnaþingi, Úlfarsá og
Litluá í Kelduhverfi og á næsta ári tökum við við
rekstri Langár af Ingva Hrafni. Einnig seljum við
fyrir aðra aðila, eins og Laxá í Aðaldal, Norðurá,
Hítará, Straumfjarðará og fleiri, til að geta þjónustað
okkar viðskiptavini með leyfi hvar sem vera vill.“
Sjá nánar á www.lax.is.
thordis@frettabladid.is
Lax, lax, lax og aftur lax!
Nýtt og glæsilegt veiðihús var tekið í notkun í fyrrasumar við
Laxá í Kjós.
Gísli Ásgeirsson, eigandi Lax ehf.
Veiði er vinsælt sport á sumrin. Þegar staðið er
úti í blíðunni heilu dagana og beðið eftir að bitið sé
á er ekki vitlaust að bera sólarvörn á hendur og andlit.
Uppseldur!
11 feta slöngubátur með hörðum
botn burðageta 560 kg þolir allt að
18 hö.mótor CE vottaður .
Rafmagns mótorar væntanlegir.
á 29.900 kr

Erum að taka við pöntunum núna!
frá 3.995 kr. frá 1.690 kr. verð 6.890 kr. frá 3.995 kr.
Verð aðeins
kr. 9.900,-
Verð aðeins
kr. 21.900
SIMMS Freestone Vöðlusett
Tilboðsverð: 32.900,-
SIMMS L2 Vöðlusett
Tilboðsverð: 42.900,-
Veiðivon Sportvöruverslun
Mörkinni 6 • 106 RVK • Sími 5687090