Fréttablaðið - 22.05.2008, Síða 66

42 22. maí 2008 FIMMTUDAGUR
menning@frettabladid.is
Það er alltaf gaman að sjá og heyra
hljóðfæraleikara leika að því er virð-
ast ómögulegar listir á hljóðfæri sín.
Sænski básúnumeistarinn Christian
Lindberg hefur áður sótt Ísland heim
og skilið eftir sig salarfylli af agndofa
gestum. Nú mætir hann hins vegar í
hlutverki tónskálds og stjórnanda en
hefur í för með sér annað básúnu-
ofurmenni, Bandaríkjamanninn
Charlie Vernon.
Á tónleikum Sinfóníuhljómsveitar
Íslands í kvöld leikur Vernon einleik
í konsert sem Lindberg samdi sér-
staklega með hæfileika hans í huga
og nefnist Chick ‘a’ Bone Check-
out. Verkið tekur um 20 mínútur
í flutningi og lýsir Lindberg því sem lofsöng til
Chicago-borgar.
Auk konsertsins verður á dagskrá hin fagra
fyrsta sinfónía Tsjaíkovskís, sem hefur undir-
titilinn „Dagdraumar að vetri“ og
Indri: Cave Canem eftir Svíann Jan
Sandström.
Christian Lindberg hefur komið
víða við á sínum langa og litríka ferli.
Mörg eftirtektarverðustu tónskáld
tuttugustu aldarinnar hafa samið
verk sérstaklega fyrir hann og hann
hefur hlotið margvíslegar viðurkenn-
ingar. Til að mynda var hann valinn
básúnuleikari aldarinnar af alþjóða-
samtökum básúnuleikara.
Bandaríski básúnuleikarinn Charl-
ie Vernon hóf feril sinn sem atvinnu-
maður í faginu hjá Sinfóníuhljóm-
sveit Baltimore árið 1971. Hann
hefur einnig starfað hjá Sinfóníu-
hljómsveitunum í Fíladelfíu og San Fransisco.
Vernon starfar nú við Sinfóníuhljómsveitina í
Chicago, en djúpmálmsveit þeirrar hljómsveitar
þykir einhver sú magnaðasta sem um getur. - vþ
Básúnumeistarar blása til leiks
TCHAIKOVSKY Fyrsta
sinfónía tónskáldsins
verður á efnisskrá Sin-
fóníuhljómsveitar Íslands
í kvöld.
> Ekki missa af...
Sýningu Valgerðar Hauksdóttur
í sýningarsal Íslenskrar grafíkur,
hafnarmegin í Hafnarhúsinu,
en henni lýkur nú um helgina.
Valgerður sýnir myndröð staf-
rænna prenta á ál sem fjalla
um hvernig maðurinn skynj-
ar tímann og umhverfið og þá
einkum takmörkun mannsins í
skynjun á því sem fyrir ber.
Kl. 20
Hafnarborg, menningar- og
listastofnun Hafnarfjarðar, býður
gestum sínum upp á leiðsögn um
sýningar þeirra Einars Más
Guðvarðarsonar, Jónu Guðvarðar-
dóttur og Hildar Jónsdóttur í kvöld
kl. 20. Þau leggja öll stund á
höggmyndalistina en nálgast hana
út frá ólíkum sjónarhornum og því
eru sýningarnar þrjár afar fjöl-
breyttar.
Myndlistarmaðurinn Hú-
bert Nói opnar á morgun
nýja sýningu sem nefnist
Geometria í hinu fram-
sækna Gallery Turpentine.
Á sýningunni má sjá skiss-
ur, málverk og myndband,
en sýningin er afrakstur
tveggja ára vinnuferlis.
Á sýningu Húberts Nóa í Gallery
Turpentine sýnir hann meðal ann-
ars landslagsmálverk sem eru
hluti af verkefni sem hann hefur
starfað að af og til frá árinu 1996.
Húbert segist vinna myndirnar að
miklu leyti út frá minni. „Ég
skissa landslagið meðan ég er á
staðnum og tek niður GPS-mæli-
punkta svæðisins. Málverkin eru
svo unnin út frá skissunum, en
þættir eins og litir og birta mynd-
anna eru bara unnin út frá minni
mínu og upplifun af staðnum.
Þannig koma fram í myndunum
bæði tæknileg hnit staðarins sam-
kvæmt GPS-tæki en einnig upplif-
un mín af staðnum. Ég nálgast því
viðfangsefnið á bæði tæknilegan
og tilfinningalegan hátt og er um
leið að rannsaka manninn sem
mælitæki. Myndirnar sem ég vinn
á þennan hátt munu svo allar vera
hluti af einu stóru mælipunkta-
verki þegar upp er staðið.“
Rætur verkefnisins má rekja til
þess að Húbert starfaði á árum
áður við jarðfræðirannsóknir á
hálendinu. „Ég lærði bæði jarð-
fræði og líffræði áður en ég söðl-
aði um og sneri mér að myndlist.
Þegar ég vann við rannsóknir á
hálendinu upplifði ég umhverfið
afar tilfinningalega en um leið á
tæknilegan hátt sökum mæling-
anna sem ég framkvæmdi. Þá
fékk ég áhuga á að reyna að skapa
snertipunkt milli þessara tveggja
upplifana af umhverfinu og því
mætti segja að þetta verkefni mitt
sé rannsókn á manninum og skynj-
un hans fremur en landslaginu
sem kemur fram í myndunum,“
útskýrir Húbert.
Titill sýningarinnar, Geometr-
ia, er vísun í tvær hliðar rúm-
fræði, þá reiknuðu og þá skynj-
uðu. Húbert sýnir meðal annars
tvö stór málverk sem hengd eru
upp hlið við hlið, en báðum er
snúið um 90 gráður. „Þessi tvö
málverk tengi ég við heilahvelin
tvö sem hvort hafa sitt sérsvið,
annað tengist meir skynjun en hitt
rökhugsun. Upplifun okkar af
umhverfinu hlýtur því alltaf að
vera einhver blanda af þessum
tveimur þáttum,“ segir Húbert.
Enn sem komið er sér ekki fyrir
endann á mælipunktaverkefni
Húberts. „Verkefnið gengur frek-
ar hægt enda um seinunnin mál-
verk að ræða. Ég hef því ekki nein
áform um að ljúka við verkefnið á
næstunni; þetta eru athuganir
sem ég geri reglulega og ætla að
halda áfram með um óákveðinn
tíma.“
Sýningin Geometria verður
opnuð í Gallery Turpentine á
morgun og stendur til 14. júní.
vigdis@frettabladid.is
Maðurinn sem mælitæki
VÍSINDI OG LIST Húbert Nói opnar sýningu í Gallery Turpentine á morgun.
FRÉTTABLAÐIÐ/VILHELM
Djassklúbburinn Múlinn lætur
ekki deigan síga og heldur áfram
með vikulega tónleika sína áfram
mót sumri. Í kvöld kemur á
vegum klúbbsins fram Djass-
hljómsveit Hauks Gröndal, en
hana skipa saxófónleikarinn
Haukur Gröndal, Ásgeir Ásgeirs-
son á gítar, Agnar M. Magnússon
á píanó, Þorgrímur Jónsson á
kontrabassa og Erik Qvick á
trommur. Þeir félagar eru tón-
listarunnendum að góðu einu
kunnir enda fjölhæfir og
afbragðsliprir hljómlistarmenn.
Efnisskráin verður samsett af
fjölbreyttri djasstónlist sem leik-
in verður af fingrum fram.
Tónleikar Múlans sem að venju
fara fram á skemmtistaðnum
Domo, Þingholtsstræti 5, hefjast
kl. 21 og er almennt miðaverð
1000 kr. en 500 kr. fyrir nemend-
ur. - vþ
Haukur og vinir djassa
HAUKUR GRÖNDAL KLARINETTULEIKARI
Kemur fram með hljómsveit sinni á tón-
leikum Djassklúbbsins Múlans í kvöld.
Stoppleikhópurinn hefur einbeitt sér allt frá
stofnun að vinnu farandsýninga fyrir unglinga. Í
dag frumsýnir hópurinn nýtt íslenskt leikverk um
Hjálmar Jónsson, bónda og skáld, sem oftast er
kenndur við Bólu. Verkið sem þeir félagar
Ármann Guðmundsson, Snæbjörn Ragnarsson,
Sævar Sigurgeirsson og Þorgeir Tryggvason hafa
sett saman kalla þeir Brunað í gegnum Bólu-
Hjálmar. Sýningin er ætluð krökkum frá 12 ára
aldri.
Ágústa Skúladóttir setur verkið á svið en það
tekur hina klassísku kennslustund í flutningi.
Leikarar eru þau Eggert Kaaber, Magnús Guð-
mundsson og Margrét Sverrisdóttir. Leikmynd og
búninga gerir Guðrún Öyahals.
Bólu-Hjálmar er nafn sem við höfum öll heyrt.
Grunnskólakrakkar vita sennilega flestir að hann
var skáld. Þeir sem eldri eru kunna sum ljóðin
hans og muna eftir honum af svipmikilli teikningu
í gömlu Skólaljóðabókinni – „karlinn með höku-
skeggið sem er svo grimmilegur til augnanna“. Og
þjóðin hampar honum enn þá sem einu af kraft-
mestu þjóðskáldum sínum fyrr og síðar. Hann var
skapmikill orðhákur sem kom sér oft í vandræði
og lenti upp á kant við nágranna sína. Hann var
öfundaður og rógborinn. Hann var þjófkenndur og
ákærður. Samt virtur og dáður fyrir hæfileika
sína og mannkosti.
Leikritið um Bólu-Hjálmar leiðir okkur á
fjörugan, hressandi og óvenjulegan hátt í gegnum
þetta sérstæða lífshlaup hans á 45 mínútum, þar
sem öllum meðölum leikhússins er beitt. Þrír
leikarar segja söguna og leika allar persónur:
Hjálmar, eiginkonu hans, móður, börn, föður,
uppeldismóður, bændur, presta, sýslumenn,
förukonur, nágranna, fjandmenn og vini – og þurfa
því stundum að hafa snör handtök. Leikritið
geymir einnig sýnishorn af kveðskap hans, allt frá
því fegursta til andstyggilegustu níðvísna, en fáir
voru flinkari í að meitla saman kjarnmikið níð en
Hjálmar.
Sýningin verður svo á ferð um skólakerfið á
komandi vetri. pbb@frettabladid.is
Bólu-Hjálmar á svið
LEIKLIST Ágústa leikstjóri og leikararnir Eggert, Magnús og
Margrét fyrir framan Iðnó í gær. FRETTABLAÐIÐ/VILLI
Fim 22 maí
Fös 23 maí
Fim. 29. maí kl. 20
Fös 30. maí kl. 19
(ath breyttan sýningartíma)
Lau 31. maí kl. 19
(ath breyttan sýningartíma)
Sun 1. juní kl. 20
FIMMTUDAGUR 22. MAÍ KL. 20
PÍANÓTÓNLEIKAR FRÁ LHÍ
HÁKON BJARNASON
Aðgangur ókeypis!
ÞRIÐJUDAGUR 27. MAÍ KL. 20
SAMKÓR REYKJAVÍKUR
30 ára afmælistónleikar
Miðaverð 2000 kr.
FIMMTUDAGUR 29. MAÍ KL. 20
KEITH TERRY Í SALNUM
Body percussion.
Miðaverð 1000 kr.
FÖST 30. MAÍ KL. 20 UPPSELT!
LAUG 1. JÚNÍ KL. 20 ÖRFÁ SÆTI!
VÍKINGUR HEIÐAR ÓLAFSSON
TIL MINNINGAR UM BIRGI EINARSON
Miðaverð 2500 kr.