Fréttablaðið - 04.06.2008, Blaðsíða 2

2 4. júní 2008 MIÐVIKUDAGUR
HJARTASKERANDI
BRÚÐKAUPSNÓTTIN EFTIR IAN McEWAN
„Hjartaskerandi – ekkert annað orð
fær þessari sögu lýst.“
– Washington Post
„Enn eitt meistaraverk eftir Ian
McEwan.“
– Sunday Express
„Einstaklega áhrifamikil saga sem
kremur í manni hjartað.“
– Information
Þýðandi: Uggi Jónsson
BRESKUBÓKMENNTA-VERÐLAUNIN2008
VINNUMARKAÐUR Falast var eftir
kröftum fyrrverandi starfsmanna
Glitnis örskömmu eftir að þeir
misstu vinnuna um miðjan maí.
„Ég fékk fljótt upphringingar
frá fyrirtækjum sem voru að
leita að fólki,“ segir Friðbert
Traustason, formaður Samtaka
starfsfólks fjármálafyrirtækja,
sem kom fyrirspurnum áleiðis.
Capacent hefur veitt fólkinu
ráðgjöf í atvinnuleit en 88 var
sagt upp störfum.
„Það virðist vera nóg af
störfum í samfélaginu. Sérfræði-
hópurinn og tölvumennirnir
gengu út um leið en ástandið er
erfiðast hjá þeim sem eru
fimmtíu ára og þar yfir,“ segir
Friðbert. - bþs
Fyrrverandi starfsfólk Glitnis:
Hefur gengið
vel að fá vinnu
LÖGREGLUMÁL Hollenskur karl-
maður hefur verið úrskurðaður í
tveggja vikna gæsluvarðhald
eftir að hann reyndi að smygla
kókaíni til landsins.
Maðurinn sem kom til landsins
á fimmtudagskvöld var handtek-
inn í Leifsstöð. Grunur hafði
vaknað um að ekki væri allt sem
sýndist um ferðir hans og var
hann því vistaður á lögreglustöð-
inni . Á föstudagskvöld var hann
svo úrskurðaður í tveggja vikna
gæsluvarðhald.
Eftir að maðurinn hafði dvalið
á lögreglustöðinni um hríð fóru
að ganga niður af honum pakkn-
ingar sem talið er að innihaldi
kókaín. Röntgenmyndir hafa sýnt
að enn var töluvert af aðskota-
hlutum í iðrum mannsins síðdegis
í gær, samkvæmt upplýsingum
Fréttablaðsins.
Maðurinn var þá enn vistaður á
lögreglustöð undir eftirliti lækn-
is þar sem beðið var eftir því að
hann skilaði því niður sem hann
virtist hafa innbyrt. Leikur grun-
ur á að um sé að ræða nokkur
hundruð grömm af kókaíni til
viðbótar við það sem maðurinn
hafði þegar skilað af sér í gær,
sem var lítilræði.
Hollendingurinn var að koma
frá Amsterdam þegar hann var
handtekinn. Lögregla og toll-
gæsla á Suðurnesjum voru í nánu
samstarfi við handtökuna. - jss
LEIFSSTÖÐ Hollendingurinn var tekinn
við komuna til landsins.
Hollenskur karlmaður handtekinn í Leifsstöð og úrskurðaður í gæsluvarðhald:
Bíða kókaíns úr iðrum Hollendings
STJÓRNSÝSLA Sjávarútvegs- og
landbúnaðarráðuneytið ætlar
með reglugerðum að koma í veg
fyrir að kamfílóbaktermengað
alifuglakjöt verði flutt til lands-
ins.
Þannig á að slá á áhyggjur af að
kamfílóbakter og salmonella í
fersku kjöti geti stefnt lýðheilsu í
voða. Slíkar áhyggjur hafa komið
fram í umsögnum um frumvarp
um innleiðingu matvælalöggjafar
Evrópusambandsins sem er til
meðferðar í sjávarútvegs- og
landbúnaðarnefnd Alþingis.
Í minnisblaði ráðuneytisins til
nefndarinnar er rakið hvaða ráð-
stöfunum megi beita til að hindra
innflutning kjöts sem er mengað
kamfílóbakter eða salmonellu.
Segir í minnisblaðinu að ráðu-
neytið hafi fullan hug á að verja
gott heilbrigðisástand í matvæl-
um og fóðri. Það verði meðal ann-
ars gert með útgáfu reglugerða.
Strangari kröfur eru gerðar
hér um eftirlit með kamfíló bakter-
mengun í kjúklingakjöti en innan
Evrópusambandsins. Áformað er
að láta þær ströngu kröfur ná til
innfluts kjöts en innflutningur
verður heimill með innleiðingu
matvælalöggjafarinnar.
Þrátt fyrir að EES-samningur-
inn kveði á um að almennt megi
ekki takmarka flutning kjöts milli
aðildarlanda eru í honum banná-
kvæði sem réttlætast af vernd
lífs og heilsu manna eða dýra.
Ísland hefur verið undanþegið
stærstum hluta matvæla lög-
gjafar innar en stjórnvöld vinna
nú að innleiðingu hennar í íslensk
lög.
- bþs
Stjórnvöld ætla að fyrirbyggja markaðssetningu á kamfílóbaktermenguðu kjöti:
Kamfílóbaktermenguðu ali-
fuglakjöti mætt með reglugerð
KJÚKLINGAFRAMLEIÐSLA Verjast á
mögulegum innflutningi á menguðu
alifuglakjöti með reglugerðum sem
samrýmast EES-samningnum.
Kjartan, er of mikil orka í
starfsmönnum OR?
„Nei, nei. Það er bara spurning
hvernig maður virkjar þessa orku-
bolta.“
Kjartan Magnússon er stjórnarformaður
Orkuveitu Reykjavíkur. Starfsmanna félag
OR hefur gagnrýnt þá ákvörðun að
Guðmundi Þóroddssyni forstjóra sé vikið
úr starfi og starfsmenn hafa gagnrýnt
stjórnina.
Stal af skjólstæðingum
Rúmlega þrítug kona hefur fyrir Héraðs-
dómi Norðurlands eystra verið ákærð
fyrir að stela fé af starfsfólki og vist-
mönnum sambýlis á Akureyri. Konan,
sem var starfsmaður sambýlisins, er
ákærð fyrir að stela alls 130 þúsund
krónum úr starfsmannasjóði, heimilis-
sjóði og veskjum vistmanna.
DÓMSTÓLAR
FRAKKLAND, AP Franskir dómstólar
dæmdu í gær Birgitte Bardot,
fyrrum kvikmyndastjörnu, til að
greiða fimmtán
þúsund evrur í
sekt vegna
ummæla sinna
um múslima.
Það voru
liðsmenn MRAP,
baráttusamtaka
gegn kynþátta-
fordómum, sem
lögðu fram
kæruna.
Ummælin er að
finna í fréttabréfi dýraverndar-
samtaka sem Bardot sendi Nicolas
Sarkozy, núverandi forseta
Frakklands, fyrir hálfu öðru ári.
Bardot sagðist vera þreytt á að
lúta fólki sem væri að „eyðileggja
okkur, tortíma landinu okkar með
því að innleiða gildi sín“.
Gildin sem hún á þarna við eru
dýrafórnir. - ges
Birgitte Bardot fyrir rétti:
Dæmd fyrir
kynþáttahatur
BRIGITTE BARDOT
BANDARÍKIN, AP Í gær var þess
beðið viðurkenningar Hillary
Clinton á að Barack Obama væri
búinn að tryggja sér sigur í
prófkjörsbaráttu Demókrata-
flokksins.
Samkvæmt könnun fréttastof-
unnar AP hafði Obama tryggt sér
sigur, jafnvel áður en úrslit úr
síðustu prófkjörum flokksins lágu
fyrir.
Samtals var kosið um 31
kjörmann í Montana og Suður-
Dakóta í gær, og var Obama
talinn sigurstranglegur í þeim
báðum.
Opinberlega áttu hátt í 200
ofurfulltrúar enn eftir að lýsa
yfir stuðningi við annan hvorn
frambjóðandann, en Obama
vantaði aðeins stuðning frá nærri
tíunda hverjum þeirra til að
verða forsetaefni flokksins.
- gb
Forkosningum lokið:
Obama hefur
tryggt sér sigur
HILLARY CLINTON Sögð ætla að halda
öllum möguleikum opnum. FRÉTTABLAÐIÐ/APFORNMINJAR „Þeir trúa þessu statt
og stöðugt og okkur dettur ekki
annað í hug en að trúa þessu líka,“
segir Ísólfur Gylfi Pálmason,
sveitarstjóri Hrunamannahrepps,
um leitina að kaleik Krists sem
mun verða framhaldið á Kili í
júlí.
Eins og kunnugt er hefur hópur
fræðimanna og áhugafólks undir
forystu Ítalans Giancarlo Gian-
azza leitað að helgum gripum og
skjölum úr frumkristni sem talið
er að Musterisriddarar hafi gætt.
Gianazza telur sterkar vísbend-
ingar, meðal annars í málverki
Leonardo Da Vinci af Síðustu
kvöldmáltíðinni, um að þessir
munir séu grafnir í leynihvelfingu
við Skipholtskrók á Kili.
Ísólfur Gylfi segir það enn hafa
styrkt sannfæringu leitarmanna
að bóndinn Gunnlaugur Magnús-
son hafi um 1990 fundið gamlan
hníf við Skipholtskrók. „Þetta var
ævaforn hnífur sem þeir telja að
geti hafa tilheyrt varðmanni sem
gætti leynihvelfingarinnar,“ segir
sveitarstjórinn, sem telur allt
málið hið hressilegasta. „Þetta eru
bæði skemmtilegar og merkilegar
kenningar.“
Sjálfir vilja leiðangursmenn
ekki upplýsa hvenær þeir haldi
leitinni áfram enda munu Ginazza
hafa borist skilaboð frá ýmsum
furðufuglum sem segist ætla að
verða á undan að grafa upp forn-
munina.
„Við erum með sérstakt leyfi til
að aka utan vega. Hjólförin munu
sjást í nokkurn tíma og við viljum
ekki að menn elti okkur og valdi
ónæði og spjöllum,“ segir Þórarinn
Þórarinsson arkitekt, sem er tengi-
liður hópsins á Íslandi.
Ísólfur Gylfi segist ekki trúa að
leiðangursmenn verði fyrir ónæði
og bendir á að þeir hafi einkaleyfi
til leitarinnar.
Að sögn Þórarins verður sem
fyrr leitað með bergmálstækni og
rafleiðnimælingum. Með sérstöku
graftrarleyfi sveitarstjórnar
Hrunamannahrepps verði hægt að
að fá skýrari mynd af því sem
leynist neðanjarðar.
„Þetta er eins og að leita að nál í
heystakk því allur hnötturinn er
undir og það yrði því kraftaverk
ef þessir munir fyndust hér. En
vísbendingar hafa verið okkur
hvatning og við munum reyna að
komast eins langt og við getum í
sumar,“ segir Þórarinn.
gar@frettabladid.is
Leit að kaleik Krists
hefst eftir fáar vikur
Hópurinn sem telur fjársjóði musterisriddara falda í leynihvelfingu á Kili von-
ast til að leita af sér allan grun með skurðgreftri og jarðsjá þegar leitin hefst að
nýju í júlí. Leiðangursmenn óttast ágang og ónæði frá óviðkomandi á staðnum.
HNÍFUR Í SKIPHOLTSKRÓK Fannst 1990.
SÍÐASTA KVÖLDMÁLTÍÐIN Vísbendingar
um felustað hins heilaga kaleiks leynast
í málverki Da Vincis.
GIANCARLO GIANAZZA Ítalski vísindamaðurinn með aðstoðarmanni í Skipholtskrók.
FRANKFURT, AP Franski fjármálaráð-
herrann, Christine Lagarde, fór
þess á leit við ráðamenn hinna
Evrópusambandsríkjanna að taka
saman höndum um að lækka
virðisaukaskatt af eldsneyti í því
skyni að dempa neikvæð áhrif hás
olíuverðs á efnahag ríkjanna.
Tillagan, sem Lagarde bar fram á
fundi evru-ríkjanna 15 í Seðlabanka
Evrópu í Frankfurt í Þýskalandi,
fékk þó dræmar undirtektir.
Ráðherrar ýmissa ESB-ríkja sögðu
slíka aðgerð myndu gefa röng
skilaboð þar sem hún myndi hvorki
hvetja neytendur til að nota minna
af eldsneyti né framleiðendur til að
auka framboð á olíu. - aa
Aðgerðir vegna olíuverðs:
Dræmt tekið í
skattalækkun
SPURNING DAGSINS