Fréttablaðið - 04.06.2008, Blaðsíða 45

MIÐVIKUDAGUR 4. júní 2008 21
Þorkell Sigurbjörnsson er eitt
ástsælasta og áhrifamesta
tónskáld okkar Íslendinga.
Höfundarverk hans er einkar
fjölbreytilegt og inniheldur
fjölda hljómsveitarverka,
einleikskonserta, kammerverka,
mikið af raf- og tölvutónlist,
kammeróperur, sönglög og
kórtónlist. Í ár fagnar Þorkell
sjötugsafmæli sínu og í tilefni
þess verða haldnir sérstakir
afmælistónleikar í Íslensku
óperunni í kvöld kl. 20. Tónleik-
arnir eru hluti af dagskrá
Listahátíðar í Reykjavík.
Efnisskrá tónleikanna verður
sérlega falleg og inniheldur öll
verka Þorkels fyrir einleiksfiðlu
og fiðlu og píanó. Hljóðfæraleik-
arar eru þau Sigurbjörn Bern-
harðsson, fiðluleikari og frændi
tónskáldsins, og Anna Guðný
Guðmundsdóttir píanóleikari.
Tónleikarnir verða endur-
teknir kl. 20.30 annað kvöld í
Laugarborg við Hrafnagil í
Eyjafjarðarsveit. - vþ
Tónskáldið
Þorkell
heiðraður
SIGURBJÖRN OG ANNA GUÐNÝ Æfa af
kappi fyrir tónleikana í kvöld.
FRÉTTABLAÐIÐ/GVA
Kammerkórinn Hljómeyki
heldur tónleika í Háteigs-
kirkju í kvöld kl. 20. Kórinn
sneri nýverið heim úr vel
heppnaðri ferð á hina virtu
Florilège Vocal de Tours-
kórakeppni í Frakklandi þar
sem hann vann til verðlauna
sem besti kammerkórinn.
Magnús Ragnarsson, stjórnandi
kórsins, er að vonum ánægður
með árangurinn. „Kórar keppa í
ýmsum flokkum í þessari keppni,
auk þess að keppa um sjálf aðal-
verðlaunin, og við urðum sem
sagt hlutskörpust í kammerkóra-
flokknum ásamt kórnum Khres-
chatyk frá Úkraínu. Keppnin er
frekar hátt skrifuð í tónlistar-
heiminum og því er það mikill
heiður og mjög ánægjulegt að ná
svona langt í henni.“
Eins og gefur að skilja eru það
aðeins mjög metnaðarfullir og
góðir kórar sem komast að í
keppni sem þessari. Magnús
segir það hafa verið upplifun að
heyra hina kórana syngja. „Það
hvíldi reyndar mikil leynd yfir
öllu á meðan keppnin sjálf stóð
yfir; til að mynda voru mjög
strangar reglur um að kórarnir
mættu ekki sjá tónleikasalinn
fyrir keppnina og heldur ekki
heyra í hinum kórunum. En að
keppni lokinni sungu kórarnir
saman og héldu tónleika hverjir
fyrir aðra og þá heyrðum við að
þarna voru afskaplega vandaðir
kórar á ferð. Til að mynda var
þarna kór frá Filippseyjum sem
æfir sjö daga vikunnar og annar
frá Bandaríkjunum sem æfir
fimm sinnum í viku. Reyndar er
dálítið gaman að segja frá því að
kórinn sem vann sjálf Grand
Prix-verðlaunin var kór frá Lyon
í Frakklandi sem æfir aðeins
tvisvar í viku. Kórinn minnti mig
á franska handboltalandsliðið
sem vann heimsmeistaramótið í
Reykjavík 1995, en var bara
temmilega afslappað meðan á
keppninni stóð og eyddi öllum
sínum tíma á Kaffibarnum frek-
ar en á æfingum.“
Á efnisskrá tónleikanna í kvöld
eru þau kórverk sem kórinn flutti
í keppninni og fleyttu þeim þar
til sigurs. En hvað er svo fram
undan hjá Hljómeyki? „Við
ætlum að flytja Náttsöngva
Rakhmanínovs á tónleikum í
Skálholti hinn 10. júlí og svo 12.
júlí frumflytjum við Missa brevis
eftir Svein Lúðvík Björnsson.
Svo stefnum við bara ótrauð á
næstu Florilège Vocal de Tours-
keppni eftir tvö ár,“ segir
Magnús.
vigdis@frettabladid.is
Hljómeyki sigraði í virtri kórakeppni
Bílaland B&L, Grjóthálsi 1 - 110 Reykjavík - 575 1230 - luxusbilar@bilaland.is.
Komdu og kynntu þér kjörin.
Opið virka daga frá kl. 10 til 18 og á laugardögum frá kl. 12 til 16.
L.R. RANGE ROVER SPORT
HSE
Nýskr: 01/2006, 4400cc, 300 hö.,5 dyra,
sjálfskiptur, ljósgrænn, ekinn 18.000.
Verð: 8.600.000
L.R. DISCOVERY 3 HSE
Diesel
Nýskr: 03/2006, 2700cc, 5 dyra,
sjálfskiptur, svartur, ekinn 75.000 þ.
Verð: 7.190.000
L.R. RANGE ROVER HSE
Diesel
Nýskr: 01/2006, 3000cc, 5 dyra,
sjálfskiptur, grænn, ekinn 54.000
Verð: 9.400.000
L.R. RANGE ROVER
Supercharged
Nýskr: 01/2006, 4200cc, 400 hö., 5 dyra,
sjálfskiptur, svartur, ekinn 27.000.
Verð: 12.500.000
4 lúxus „ísbirnir“
komnir í Bílaland B&L.LÚXUS
ALLIR INNFLUTTIR
OG ÞJÓNUSTAÐIR
AF UMBOÐI
575 1230
KAMMERKÓRINN HLJÓMEYKI Vann til verðlauna sem besti kammerkórinn á hinni virtu Florilège Vocal de Tours-keppni í Frakklandi.