Fréttablaðið - 06.06.2008, Blaðsíða 45
6. JÚNÍ 2008 FÖSTUDAGUR • 9
Út með sektarkenndina
Kristín Kristjánsdóttir hómópati
segir að fólk sé að ná jafnvægi í
dag eftir sveiflur í mataræðinu
og í matarvenj-
um. „Fólk er að
taka það besta
úr öllu og reyna
að byggja upp
jafnvægi fyrir
sinn eigin lík-
ama. Í mínu
starfi finnst
mér ég vera að
kenna fólki að
læra að þekkja sjálft sig og líkama
sinn, hvað það þolir og hvað ekki,“
segir Kristín. Hún segir að kröf-
urnar séu mjög miklar og þar sem
fólk sé mikið á hlaupum, þá njóti
það ekki matarins. „Fólk gleyp-
ir matinn í sig, alveg sama hvort
það er að borða grænmeti eða
steik með rjómasósu.“ Hún segir
að þessu fylgi oftar en ekki sekt-
arkennd. „Mér finnst hafa orðið
mikil heilsuvakning á síðustu
árum. Ég nota Scio-vélina til að
finna út hvað hentar best hverjum
og einum. Ég banna fólki aldrei
að borða neitt en ég vek athygli á
því þegar ákveðnar fæðutegund-
ir henta fólki ekki.“ Þegar hún
er spurð út í kúnnahópinn sinn og
hvað hann er að berjast við nefn-
ir hún þreytu. „Fólk er ofboðslega
þreytt og margir fá ekki neina
næringu. Maturinn er orðinn svo
mikið unninn og fólk borðar allt
of mikið af hveiti, sykri og geri.
Þarmaflóran er stífluð og næring-
arinntakan nánast engin. Fólk er
svo fast í viðjum vanans og nennir
ekki að breyta til. Á sama tíma vill
fólk meiri orku og vill líða betur
í líkamanum. Mér finnst fólk ekki
bara vilja grennast, heldur ein-
faldlega að líða betur.“
Hverju á fólk að sleppa til að
verða hressari? „Unnum matvör-
um og þungum mat. Fólk borð-
ar allt of lítið af lifandi mat. Mér
finnst að fólk eigi að horfa á disk-
inn sinn áður en það lætur matinn
upp í sig og virða hann fyrir sér.
Fólk borðar samlokur á hlaupum,
þetta er kannski í lagi stundum,
en ekki á hverjum einasta degi.“
Kristín segir að það sé mikilvægt
að taka afleiðingunum þegar það
sleppi aðeins fram af sér beislinu.
„Ég hef það til dæmis fyrir reglu
að reyna að borða létt í hádeg-
inu ef ég ætla að vera með heit-
an mat um kvöldið. Það er alger
óþarfi að vera með tvær heitar
máltíðir á dag.“ Hún vill ekki að
fólk taki nein heljarstökk heldur
sorteri óhollustu út úr mataræð-
inu smátt og smátt og bæti holl-
um mat inn í staðinn, annars gefst
fólk bara upp. „Sykur getur verið
mjög mikill stressvaldur í líkama
fólk og fólk vinnur mismunandi
úr sykrinum, það er svo einstakl-
ingsbundið,“ segir hún. Sumir
verði hressir af einu rauðvíns-
glasi á meðan aðrir verði syfjaðir.
Mér finnst vera vitundarvakning í
gangi. Fólk horfir öðruvísi á hluti
eins og megrun og er að átta sig á
því að næring og samsetning fæð-
unnar skiptir meira máli.“
Litlu hlutirnir skipta máli
Inga Kristjánsdóttir, næringar-
þerapisti D.E.T. og einkaþjálfari,
segir að það séu alltaf einhverjar
tískubylgjur í gangi og detoxið sé
búið að vera sérlega vinsælt. „Mér
finnst detox vera hlutur sem þarf
að fara varlega í. Það þarf helst að
gera það undir eftirliti þess sem
vit hefur á. Ég verð þó að viður-
kenna að það er mun betra að de-
toxa á sumrin en á veturna, en að
það ætti enginn að detoxa óundir-
búinn eða án hjálpar,“ segir Inga.
Finnst þér fólk vera komið á það
stig að vilja lifa í jafnvægi? „Það
er vakning í þjóðfélaginu og við
erum að verða meðvitaðri og þetta
er að þróast í skemmtilega átt. Allt
sem leiðir til líkamlegs og andlegs
jafnvægis er leiðin.“ Þegar Inga
er spurð um öfga í matarvenjum
segist hún helst ekki vilja sjá þá.
Hún viðurkennir þó að stundum
þurfi að setja fólk á stíft matar-
æði í ákveðinn tíma til að fólk nái
bata. „Ég reyni að ganga aldrei
lengra en fólk er tilbúið til,“ segir
hún og bendir á að litlu hlutirnir
geti skipt sköpum og þá á hún við
að breyta hvítum sykri í hrásykur
eða agave, hveiti í heilhveiti og þar
fram eftir götunum. „Það getur
líka virkað vel á fólk að taka góð
bætiefni fyrir meltinguna. Byrja
á litlum breyt-
ingum sem
eru ekki orku-
krefjandi en
geta gert ótrú-
legustu hluti
fyrir fólk. Það
er svo lítið mál
að nálgast holl-
ari vöru í dag
en það var mun
flóknara fyrir
tíu árum.“
Í dag er alltaf verið að tala um að
fólk sé að fitna. Hver heldur þú að
sé aðalástæðan fyrir því?
„Ég held að þetta sé mjög útbreitt
vandamál. Ég tel að einn stærsti
þátturinn í þessu sé tímaleysi og
stress. Fólk gefur sér ekki tíma til
að borða almennilega og allir eiga
að vera í svakalega miklu aksjóni.
Við kennum börnunum okkar ekki
að borða rétt. Skólamáltíðir eru oft
ekki nógu góðar. Ég held að þetta sé
stór þáttur í þessum vandræðum.
Fólk hefur enga orku því það vinn-
ur svo mikið að það hefur engan
tíma til að hugsa um heilsuna. Ef
heilsan versnar áttar fólk sig á
því að flottur jeppi eða stórt hús
skiptir engu máli ef heilsuna vant-
ar.“ Inga segir að of mikil sykur-
neysla sé hluti af slæmu mataræði
þjóðarinnar. „Ég fæ til mín fólk í
löngum röðum sem kann ekki að
lesa utan á umbúðir og mér finnst
vanta fræðslu um þessi efni því ef
fólk kann ekki að lesa utan á um-
búðir þá getur það ekki valið rétt
úr hillunum.“ Margir skjólstæð-
ingar Ingu eru með meltingar-
vandamál af ýmsum toga og hún
segir að þau geti leitt af sér stór-
vandamál ef ekki er gripið inn í.
Lumar þú á einhverri töfralausn
til að láta sér líða betur? „Nei, í
rauninni ekki. Ég mæli þó með því
að fólk byrji á litlu hlutunum og
gefist ekki upp þótt á móti blási og
það fari út af sporinu. Fólk borð-
ar oft holla fæðu en kann ekki að
raða henni nógu vel saman,“ segir
Inga.
Inga
Kristjánsdóttir,
næringarþerapisti
D.E.T.
Kristín
Kristjánsdóttir
hómópati.