Fréttablaðið - 06.06.2008, Blaðsíða 34
fatastíllinn
Inga María Leifsdóttir, markaðsstjóri Íslensku Óperunnar
Getur þú lýst þínum stíl? „Maður reynir að vera hress. Nota
liti, þora að vera í hvítu, endurvinna og endurnýta föt.
Og vera í fallegum skóm.“
Kaupir þú mikið af fötum? „Já, já. Ég kaupi oftast fleiri
föt og ódýrari, oft notuð, en gef fljótt slatta aftur. Mér
finnst það ferli vera hluti af því að byggja upp góðan
fataskáp.“
Hverju fellur þú yfirleitt fyrir? „Svörtum ermalausum
kjólum.“
Hvaða flík er í mestu uppáhaldi hjá þér? „Fínasta flíkin mín
er Marc Jacobs-ullarjakkinn sem börnin mín gáfu mér í af-
mælisgjöf.“
Snobbar þú fyrir merkjum? „Já, auðvitað! En samt á ég eitt-
hvað voðalega lítið af merkjafötum. Því miður.“
Hugsar þú mikið um útlitið? „Nei, það finnst mér ekki - hver
hefur tíma til þess? En klæðnaður og ýmislegt tengt honum
er vissulega eitt af áhugamálum mínum.“
Í hvernig fötum líður þér best? „Mér líður best í kjól, enda er
ég oftast í kjól.“
Uppáhaldsverslun? „Hjálpræðisherinn.“
Eru einhver tískuslys í fataskápnum þínum? „Hvað á ég að
segja? Nei, eiginlega ekki. Allt var einfaldlega hluti af tíð-
ar andanum.“
Í hvað myndir þú aldrei fara? „Ekkert sérstakt. Öll föt hafa
sinn tíma og sína notkun. En ég reyni að forðast það sem
er mjög hnökrað og þvegið. Og þó …“
martamaria@365.is
Hjálpræðisherinn
er í uppáhaldi
1. Þennan kjól keypti Inga María í Danmörku. 2. Gamlir Bally-skór sem hún
gróf upp í Hjálpræðishernum. 3. „Þetta er gamalt úr frá ömmu minni sem
er í miklu uppáhaldi.“ 4. Þessa Lacoste-tösku hnaut Inga María um í Hjálp-
ræðishernum. 5. H&M klikkar aldrei. Þessir skór eru þaðan. 6. Vintage
eyrnalokkar sem hún fékk í afmælisgjöf síðast frá mikilli tískufrænku sinni.
7. Inga María í kjól sem hún keypti í Danmörku.
1
2
3
4
5
6
7
6 • FÖSTUDAGUR 6. JÚNÍ 2008