Fréttablaðið - 12.06.2008, Blaðsíða 31

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Vignir Freyr Andersen hefur óbilandi fataáhuga
enda hefur hann verið viðriðinn tískugeirann í
bráðum tvo áratugi.
„Ég byrjaði að vinna í Herragarðinum árið 1989, þá
nítján ára gamall, og vann þar í mörg ár,“ segir Vign-
ir Freyr, sem einnig hefur starfað í versluninni
Íslenskir karlmenn.
Margir kannast við hann úr lottóinu en hann hefur
kynnt lottótölurnar fyrir landsmönnum síðastliðin
átta ár. Þá hefur lengi mátt sjá honum bregða fyrir í
Hagkaupsbæklingnum. „Ætli ég sé ekki búinn að
vera í honum álíka lengi og í lottóinu – ef ekki leng-
ur,“ segir Vignir. Spurður hvort hann klæðist Hag-
kaupsfötum segir hann það koma fyrir. „Ég brosi þó
aðallega í þeim,“ segir hann og hlær. Í lottóinu er
Vignir ávallt í sínum eigin fötum enda smekkmað-
ur.
Vignir hefur alltaf haft mikinn áhuga á fötum og
segist eiga þau í stöflum. „Ég hugsa að ég eigi mun
meira af fötum en konan mín. Ég á til dæmis um tut-
tugu stakar sparibuxur en svo alls konar kakíbuxur
líka. Svo er ég með æði fyrir hvítum skyrtum og
nota þær mikið undir léttar og þægilegar peysur. Í
seinni tíð er ég farinn að vera meira í svörtu og hvítu
og hefur það örugglega eitthvað með hækkandi
aldur að gera en í golfinu fríka ég út. Þar er ég ekk-
ert hræddur við að fara í liti og hef gaman af bleik-
um, rauðum, túrkísbláum og appelsínugulum flík-
um.“ Vignir hefur spilað golf í um tíu ár og í október
á síðasta ári festi hann kaup á golfversluninni Hole
in one. „Þar er ég til dæmis með föt frá J. Lindeberg
sem er með mjög flotta golflínu og er ég oft í þeim
fötum hversdags.“
vera@frettabladid.is
Alltaf haft áhuga á fötum
Vignir er mikið í svörtu og hvítu en er þó óhræddur við að klæðast litríkum fötum og þá sérstaklega á golfvellinum.
FRÉTTABLAÐIÐ/GVA
ALLT Í BLÓMA
Á sumrin getur verið
skemmtilegt að koma litrík-
um blómum fyrir í falleg-
um pottum á svölunum.
HEIMILI 2
RÓSÓTT ALLSRÁÐNDI
Sumarkjólarnir verða allir
þaktir blómum ef marka má
það sem sást á tískusýningum
í vor.
TÍSKA 4