Fréttablaðið - 12.06.2008, Page 58

38 12. júní 2008 FIMMTUDAGUR
menning@frettabladid.is
Kl. 20
Listasafn Reykjavíkur býður upp á
kvöldgöngu úr Kvosinni í kvöld kl. 20.
Hafþór Yngvason safnstjóri leiðir
gönguna og mun á leið sinni um
borgina fjalla um gildi myndlistar í
borgarlandslagi. Gangan hefst við
Hafnarhúsið og henni lýkur á sama
stað um klukkutíma síðar. Þátttaka
er ókeypis og öllum opin.
AIM Festival er nú haldin
í þriðja sinn á Akureyri.
Opnunartónleikar hátíðar-
innar fara fram á Marínu í
Strandgötu í kvöld og verða
sannkölluð blús- og djass-
veisla, en á þeim kemur
meðal annarra fram
íslenska landsliðið í
djasstónlist ásamt
þýska trompetleik-
aranum Sebastian
Studnitzky.
Það eru þeir Gunnlaugur
Briem, Agnar Már Magn-
ússon og Pálmi Gunnars-
son sem skipa djass-
landsliðið. Það er
engin nýlunda að
Gunnlaugur Briem og Sebastian
spili saman því Sebastian hefur spil-
að með hljómsveitinni ástsælu
Mezzoforte um árabil. Studnitzky
hefur verið líkt við meistara Miles
Davis og er einn eftirsóttasti djass-
leikari Þýskalands enda sameinar
hann popp og djass af alkunnri
snilld. Tónn hans bæði á trompet og
píanó er einstaklega hlýr og mjúkur
og er hann rómaður fyrir næma og
tilfinningaríka túlkun sína. Á ferli
sínum hefur hann spilað með
Nils Landgren, Rebekku
Bakken og Wolfgang Haffner
svo nokkur dæmi séu tekin.
Ástralski djasssextettinn
Hoodangers sem spilar léttan
rokkabillídjass kemur einnig
fram á opnunartónleikunum í
kvöld en að auki verða þeir
með tónleika á laugardagskvöldið á
sama tónleikastað. Hoodangers hafa
ekki síst vakið athygli fyrir kraft-
mikla sviðsframkomu. Þeir hafa
vakið mikla athygli víða um heim og
farið í þrjár tónleikaferðir um Evr-
ópu, haldið tónleika í borgum þvert
yfir Rússland, á Norðurlöndunum, í
Skotlandi og Sviss. Þeir eru afar
vinsælir í heimalandi sínu og eru
tvímælalaust stóra nafnið á djasshá-
tíðum þar.
Hrund Ósk Árnadóttir, hin nýja
íslenska blúsdrottning, kemur einn-
ig fram á tónleikunum með hljóm-
sveitinni Park Projekt. Hrund Ósk
kom fyrst fram á sjónarsviðið þegar
hún vann með glæsibrag söng-
keppni framhaldsskólanna fyrir
nokkrum árum með flutningi sínum
á The Saga of Jenny eftir Kurt Weil.
Um þessar mundir standa yfir upp-
tökur á fyrsta hljóðversdiski
Hrundar. vigdis@frettabladid.is
Djassveisla í kvöld
SEBASTIAN STUDNITZKY Kemur
fram á opnunartónleikum AIM
festival í kvöld.
Bókin Ég skal kveða um eina þig,
alla mína daga: ástarljóð Páls Ólafs-
sonar kemur út hjá Sölku nú í vik-
unni. Eftir Pál liggur eitt mesta safn
ástarljóða nokkurs íslensks skálds
og núna er þessum arfi í fyrsta sinn
safnað í eina bók og birtur fjöldi
kvæða og vísna sem ekki hafa áður
sést á prenti.
Þórarinn Hjartarson tók efnið
saman ásamt því að skrifa skýring-
artexta. Hann hefur áður fengist
við verk Páls Ólafssonar og sýnt
fram á að verk fárra skálda eru
betur fallin til söngs en ljóð Páls.
Það sýnir Þórarinn líka í verki
því hann er einn af hópnum Riddar-
ar söngsins sem kemur saman endr-
um og eins til að hylla Pál Ólafsson
með tónum.
Í tilefni bókarútgáfunnar munu
Riddarar söngsins troða upp í versl-
uninni 12 Tónum á Skólavörðustíg á
morgun kl. 17 og í Café Flóru í
Grasagarðinum í Laugardal á laug-
ardagskvöld kl. 21. Allir eru vel-
komnir á meðan húsrúm leyfir. - vþ
Innri maður lesinn
og sunginn
PÁLL ÓLAFSSON SKÁLD Ljóð hans koma
út hjá Sölku í vikunni.
> Ekki missa af...
Sýningu Sirru í Kling & Bang
gallerí, Hverfisgötu 42, en
henni lýkur 22. júní. Sýningin
nefnist Óvissulögmálið og á
henni má sjá innsetningu sem
gerð er með af skúlptúr og
myndbandsverki. Óvissulög-
málið var opnað um miðjan
síðasta mánuð og var þá hluti
af dagskrá hinnar mynd-
listarmiðuðu Listahátíðar í
Reykjavík.
Hugmyndir manna um úti-
legumenn hafa lengi dansað á
mörkum goðsagna og veruleika.
Legðist ólánsmaður út breyttist
hann óðara í alþýðuhetju. Sumar
sögur af útilegumönnum eru
hreinar þjóðsögur, en aðrar
greina frá mönnum sem í raun
og veru lögðust út.
Sýningin Útilegumenn í
Ódáðahrauni – goðsögn eða
veruleiki? verður opnuð í Kiðagili
í Bárðardal á þjóðhátíðardaginn
17. júní. Á sýningunni er fjallað í myndum og máli
um íslenska útilegumenn að fornu og nýju.
Sýningin er hönnuð af Ólafi J. Engilbertssyni hjá
Sögumiðlun ehf. í samstarfi við Bárðdælinga. Að
sýningunni kemur jafnframt félagið Svartárkot,
menning – náttúra, sem er samstarfsverkefni
ReykjavíkurAkademíunnar, Ferðamálaseturs Íslands
og heimamanna í Bárðardal.
Félagið stefnir að því að reisa
alþjóðlega rannsókna- og
kennslumiðstöð um íslenska
menningu og náttúru að
Svartárkoti í Bárðardal, þar sem
menning og náttúra mætast
einmitt með einstæðum hætti.
Framtíðaráform félagsins hafa
verið kynnt fyrir hinu alþjóðlega
fræðasamfélagi og þessa dagana
stendur yfir fyrsta alþjóðlega
námskeiðið á vegum þess. Á
þriðja tug landfræðistúdenta frá
Edinborgarháskóla eru í Kiðagili í þessari viku og
hlýða á fyrirlestra íslenskra og erlendra kennara.
Félagið notar aðstöðuna í skólahúsinu að Kiðagili
þangað til miðstöðin verður reist í Svartárkoti.
Sýningin Útilegumenn í Ódáðahrauni er liður í því
verkefni félagsins að kynna sérstæðan menningararf
Bárðardals fyrir íslenskum og erlendum ferða-
löngum. - vþ
Útilegumenn í Kiðagili
FJALLA-EYVINDUR Draumur eða
raunveruleiki?