Fréttablaðið - 04.07.2008, Side 13

FÖSTUDAGUR 4. júlí 2008
Alla daga
frá10 til 22
800
5555Besta kaffihúsið í bænum
„Við höfum beðið eftir þessu húsi í áttatíu ár svo þetta er mjög
merkilegur dagur í sögu stofnunarinnar,“ segir Jón Gunnar Ottósson,
forstjóri Náttúrufræðistofnunar Íslands.
Þórunn Sveinbjarnardóttir umhverfisráðherra tók skóflustungu að
nýju húsi Náttúrufræðistofnunar við Jónasartorg í Urriðaholti fyrr í
vikunni.
„Ef áætlanir ganga upp og við getum flutt í húsið á næsta ári verða
nákvæmlega fimm áratugir liðnir frá því að húsinu var fundinn
staður til bráðabirgða við Hlemm,“ segir Jón Gunnar.
Jón Gunnar segir að stofnunin hafi aldrei búið við góðar aðstæður
til rannsókna. „Það er langþráður áfangi að komast í fullnægjandi
húsnæði þar sem aðstæður fyrir vísinda- og gripasöfn okkar eru loks
eins og best verður á kosið.“
Einnig fagnar Jón Gunnar því að öll starfsemin á höfuðborgar-
svæðinu færist undir eitt þak. „Stofnunin hefur verið á hrakhólum í
marga áratugi og þurft að leigja geymslur fyrir söfn sín um allan
bæ,“ segir Jón Gunnar.
Jón Gunnar kveðst ánægður með hvernig hönnun hússins hafi
tekist. „Fullt samráð var haft við okkur við hönnun hússins. Við
höfum tekið okkur góðan tíma í verkefnið enda mikilvægt að geta
unað sátt við niðurstöðuna.“ - ht
Áttatíu ára bið senn að ljúka
NÝJA HÚSIÐ Húsnæði Náttúrufræðistofnunar verður 3.500 fermetrar að flatarmáli og
mun hýsa alla starfsemi stofnunarinnar á höfuðborgarsvæðinu.