Fréttablaðið - 04.07.2008, Side 50

26 4. júlí 2008 FÖSTUDAGUR
menning@frettabladid.is
Kl. 18
Freyja Önundardóttir opnar
sýningu sína, Tilbrigði við vatn, í
Vélasalnum í Vestmannaeyjum í
dag kl. 18. Freyja sýnir málverk
unnin á síðastliðnum árum;
huglægar náttúrulífsmyndir af
vatni, andartaki, hreyfingu og
gróskunni í gróðrinum. Sýningin er
hluti af dagskrá Goslokahátíðar í
tilefni þess að 35 ár eru frá
goslokum í Vestmannaeyjum.
Þau undur og stórmerki hafa gerst í
óperuheimum Parísarborgar að ný ópera
sem gerð er eftir hryllingsmynd frá níunda
áratugnum hefur ratað á sviðið og skelfir
þar áhorfendur. Um er að ræða endurtúlk-
un á kvikmynd Davids Cronenberg The Fly,
eða Flugunni, frá 1986, en í henni lék hinn
geðþekki Jeff Goldblum vísindamann sem
verður fyrir því óhappi að frumeindir hans
renna saman við frumeindir flugu í eðlis-
fræðitilraun. Vísindamaðurinn uppgötvar sér
til skelfingar að við þetta umbreytist hann
smátt og smátt í risavaxna flugu. Það er að
sjálfsögðu hið versta mál enda eru flugur
mun skelfilegri og grimmari skepnur en
mann grunar sökum smæðar þeirra.
Leikstjóri verksins er sjálfur David
Cronenberg, en þetta er í fyrsta skipti sem
þessi 65 ára Kanadamaður reynir fyrir sér í
heimi óperunnar. Tónlistin er eftir Howard
Shore, sem á að baki glæsilegan feril sem
kvikmyndatónskáld. Þekktastur er hann
líklega fyrir tónlist sína við kvikmyndirnar
sem unnar voru upp úr Hringadróttinssögu
Tolkiens. Hljómsveitarstjóri óperunnar er
svo enginn annar en tenórinn heimsfrægi
Placido Domingo. Ljóst er að með þetta þrí-
eyki við stjórnartaumana er líklegra en ekki
að óperan um hið ógeðfellda fluguskrímsli
komi til með að njóta mikilla vinsælda.
Þó virðast áhorfendur ekki á eitt sáttir
um hvort óperan standist væntingar. Þannig
hafa sumir kvartað undan því að tónlistin
sé heldur tilþrifalítil og að uppfærslan sé
þunglamaleg. Þó hljóta slíkir smávægilegir
annmarkar að jafnast út og gleymast fljótt í
ljósi þess að áhorfendum er jafnframt boðið
upp á snilldaratriði á borð við syngjandi
sameindaþjöppu og blóðugt lokauppgjör
flugunnar og konunnar sem hún þráir að
borða.
- vþ
Syngjandi fluga gleður eyrað
JEFF GOLDBLUM Er því miður fjarri góðu gamni í
óperuútgáfu Flugunnar.
Í dag kl. 17 opna þrír fé-
lagar úr samtökum lista-
mannanna sem stóðu upp-
haflega að Kling og Bang
sýningu í nýju húsnæði
þeirra við Hverfisgötu.
Þar eru á ferðinni þeir
Ásmundur Ásmundsson,
Magnús Sigurðarson og
Erling T.V. Klingenberg.
Þeir koma saman á ný í Kling &
Bang gallerí á Hverfisgötu 42, en
þá upp á dag eru 10 ár síðan þeir
sýndu á Nýlistasafninu. Nú áratug
síðar hafa þeir allir sett mark sitt á
fjörlegt sýningarhald sinnar kyn-
slóðar í landinu, en þó helst í Reykja-
vík, þótt þeir hafi sótt skipulega út
fyrir landsteinana. Sýningin ber
heitið Listamenn á barmi einhvers
II og mun fagna þessum tímamót-
um og þessum merka degi með
pompi og prakt og nýjum verkum
sem öll bera merki einhvers konar
tilvistarglímu.
Magnús, sem dvalist hefur lang-
dvölum í Ameríku, fjarri uppruna
sínum, fjallar um litinn sem
umhverfið gefur honum og hvert
andsvar hans er við þeirri litabreyt-
ingu. Listamaðurinn, með málaða
„gotneska“ andlistgrímu - er eins
og þjáður andi í röngum líkama á
strönd sem hann tilheyrir ekki.
Erling fæst við Klingenberg-
sjálfið eða „The Klingenberg Case“,
frá ættfræði, andsetinnar sálar og
særingafræðum að „andlausri“ nat-
úralískri myndhverfingu hans
sjálfs. Hann er líka að fjalla um
andann og líkamann: „It’s hard to be
an Artist in a Rockstar body“.
Ásmundur lítur í baksýnisspegil-
inn og býr til ný verk úr úrgangi
gamalla og ókláraðra verka. Hann
lýsir því yfir á ofurauðmjúkan hátt
á engilsaxneskri tungu: „I’m merely
a curator“ og fjarlægist þannig
egóið sem hefur tilhneigingu til að
þvælast fyrir. Gefur sig sýningar-
stjóranum (æðri mætti?) á vald.
Verði þinn vilji en ekki minn.
Þannig snúa þeir þremenningar
hver á sinn hátt upp á tilvist mynd-
listarmannsins.
Opnunin er kl. 17 í dag og verður
boðið m.a. upp á flugeldasýningu og
veitingar.
Kling & Bang gallerí er opið
fimmtudaga til sunnudaga frá
klukkan 14-18 og eru allir velkomn-
ir og aðgangur ókeypis. - pbb
Þrír sýna í Kling og Bang
MYNDLIST Þremenningar bregða á leik með komandi kynslóð og margefldir. MYND/KLING OG BANG
Sigurjón Jóhannsson leikmynda-
teiknari og myndlistarmaður er
fyrirferðarmikill í Sjóminjasafn-
inu á Grandanum í Reykjavík þessa
dagana. Um þessar mundir stend-
ur yfir í Sjóminjasafninu sýning á
verkum Sigurjóns sem hann kallar
Síldin og sjávarsíðan og fjallar um
síldarævintýrið og þessa horfnu
daga sem ýmist voru fullir af fögn-
uði yfir góðu síldarári eða fullir
vonleysis vegna vondra síldarára;
þá skiptust á skin og skúrir eins og
nú. Síldarleysi skapaði kreppu sem
varð því verri sem hún stóð lengur.
Sigurjón er borinn og barnfæddur
Siglfirðingur og hefur líkt og jafn-
aldri hans og sveitungur, Arnar
Herbertsson, sótt minni í daga síld-
aráranna.
Á sýningunni eru 34 verk sem öll
fást við mannlífið á rómantískan
hátt. Síldin er sjónarhorn en laus-
legar útlínur Siglufjarðar mynda
ramma um myndefnið en með víð-
ari sjóndeildarhring sem gefur
alþjóðlegan blæ sem einkenndi
höfuðstað síldveiðanna við Norður-
Atlantshafið á sínum tíma, segir
Sigurjón. „Fögnuðurinn sem fylgdi
síldinni má ekki gleymast,“ segir
hann og færir Reykvíkingum nú til
skoðunar fjölda verka sem eru
sprottin sumri minninganna frá
árum síldarinnar.
Auk sýningarinnar má nefna að
þrjár af fastasýningum Sjóminja-
safnsins eru hannaðar af Sigurjóni
sem hefur stundað sýninga- og
safnahönnun um árabil. Á fyrstu
hæðinni, inn af anddyrinu er
Bryggjusalurinn sem er myndverk
sem menn ganga inn í og upplifa
þar reykvíska hafnarstemningu
frá miðri öldinni sem leið. Hinar
tvær eru á annarri hæð og fjalla
um sjósókn landsmanna í 1000 ár.
Annars vegar hlutverk skreiðar-
innar og hins vegar hákarlaveið-
anna, lifrarbræðslunnar og lýsis-
útflutningsins sem hafði mikla
þýðingu. Eins konar olíuævintýri
þeirra tíma. Hvort tveggja er sett
fram sem myndverk sem gestir
skilji fyrst og fremst tilfinninga-
legum skilningi. Sýningin Síldin og
sjávarsíðan stendur til loka júlí.
pbb@frettabladid.is
Sildarminningar á
Grand garðinum
MYNDLIST Ein vatnslitamynda Sigurjóns
í Sjóminjasafninu á Grandagerði 8.
BIRT MEÐ GÓÐFÚSLEGU LEYFI LISTAMANNSSINS