Fréttablaðið - 07.07.2008, Side 33

MÁNUDAGUR 7. júlí 2008 17
„Ég heiti eftir föðurömmu minni sem
hét Guðfríður Lilja og var kaupkona.
Hún var skírð eftir tveimur móður-
systrum sínum, önnur þeirra hét Guð-
fríður og hin hét Lilja. Þær voru mjög
elskaðar í sinni fjölskyldu en voru
meðal þeirra sem fluttust til Ameríku
á sínum tíma og til að minnast þeirra
var amma skírð í höfuðið á þeim
tveimur,“ útskýrir Guðfríður Lilja, vara-
þingmaður Vinstrihreyfingarinnar -
græns framboðs í Suðvesturkjördæmi.
„Amma mín var alltaf kölluð Lilja og
var með litla búð á Bergstaðastrætinu
sem hét Liljubúð en þessi amma mín
kenndi mér að tefla,“ segir Guðfríður
Lilja en eins og margir vita var hún
forseti Skáksambands Íslands í fjögur
ár og er fyrsta og eina konan sem
hefur gegnt því embætti. „Amma var
mér mikil fyrirmynd í lífinu, óskaplega
sjálfstæð og flott kona,“ segir Guðfríð-
ur Lilja einlæg og bætir við: „Mér þykir
mjög vænt um þetta nafn og amma
var mér mjög mikilvæg og er enn,
þrátt fyrir að hún sé dáin.“
Þegar Guðfríður Lilja var lítil þótti
henni nafnið dálítið skrítið og marg-
ir héldu að hún héti í raun Guðríð-
ur. Með árunum fór henni þó að þykja
vænt um nafnið. „Það er hins vegar
misjafnt hvort ég er kölluð báðum
nöfnunum eða bara Lilja eins og
amma, en mér þykir vænt um þegar
þau eru bæði sögð.“
NAFNIÐ MITT: GUÐFRÍÐUR LILJA GRÉTARSDÓTTIR
Þykir vænt um nafnið
GUÐFRÍÐUR LILJA GRÉTARSDÓTTIR
FORMAÐUR SKÁKSAMBANDS ÍSLANDS
FRÉTTABLAÐIÐ/VILHELM
Stafganga verður kennd í Viðey á
morgun, þriðjudaginn 8. júlí. Um
er að ræða þriðjudagsgöngu sem
haldin er vikulega úti í eyjunni.
Guðný Aradóttir stafgönguleið-
beinandi mun leiða gönguna sem
er ókeypis og opin öllum. Staf-
ganga er að verða nokkuð vinsæl
íþrótt meðal Íslendinga sem vilja
ganga sér til heilsubótar. Í þriðju-
dagsgöngunum lærir fólk að nota
stafinn um leið og það hreyfir sig
og nýtur fegurðarinnar í Viðey.
Siglt er frá Skarfabakka klukk-
an 19.45 og mun gangan taka um
tvær klukkustundir. Ferjufarið
kostar 800 krónur fyrir fullorðna
og 400 krónur fyrir börn frá sex
til átján ára.
Stafganga
í Viðey
VIÐEY Guðný Aradóttir mun kenna
stafgöngu í Viðey á morgun.
FRÉTTABLAÐIÐ/VALLI
Rokkhátíðin Eistnaflug verð-
ur haldin í fjórða sinn í Egilsbúð
í Neskaupstað helgina 10. til 13.
júlí.
Yfir 20 hljómsveitir munu stíga
á svið þetta árið og má þar nefna
Mammút, Brain Police, sem er að
spila í fyrsta sinn á Eistnaflugi,
Ham, Ælu og þýsku þungarokks-
hljómsveitina Contradiction.
Á hátíðinni er séð fyrir öllu þannig
að boðið verður upp á tvö tjald-
svæði, annað fyrir fjölskyldufólk
og hitt fyrir fólk sem ætlar sér að
sletta úr klaufunum.
Ókeypis er að tjalda á báðum stöð-
um.
Allar frekari upplýsingar um dag-
skrá eða gistingu er hægt að nálg-
ast á slóðinni www.eistnaflug.is.
Rokk á
Austurlandi
TÓNLEIKAR Hljómsveitin Mammút spilar
á rokkhátíðinni Eistnaflugi sem haldin er
helgina 10. til 13. júlí.
FRÉTTABLAÐIÐ/HÖRÐUR
ATH.
Erum með 30 potta
í sýningarsal okkar. Tilboð Skeljar
kr. 200.000,-
Arctic Spas Kleppsvegur 152 Sími 554 7755
www.heitirpottar.is