Fréttablaðið - 15.07.2008, Blaðsíða 19
[ ]
Tónlistarhópurinn Slyngur var
stofnaður síðastliðið vor og
starfar á vegum Kópavogs-
bæjar í Skapandi sumarstarfi.
Þau verða með opnunaratriði
tónleikaraðarinnar Sumar í
Hömrum á Ísafirði.
Í júlí og ágúst stendur Tónlistar-
félag Ísafjarðar fyrir tónleika-
röðinni Sumar í Hömrum en tón-
leikaröðin hlaut styrk frá
Menningarráði Vestfjarða í vor.
„Tónleikaröðin hefst fimmtudag-
inn 17. júlí klukkan 20 með okkar
tónleikum en á efnisskránni verða
verk eftir Mozart, Beethoven og
Tsjaíkovskí og er þetta fjölbreytt
og skemmtileg efnisskrá,“
út skýrir Arnþrúður Gísladóttir,
flautuleikari og Ísfirðingur.
„Tónlistarhópurinn Slyngur hóf
göngu sína í vor þegar við sóttum
um styrk til að starfa á vegum
Kópavogsbæjar í Skapandi sumar-
starfi. Við höfum öll verið nem-
endur í Listaháskólanum og
reyndar útskrifuðust tvö okkar í
vor. Við erum á aldrinum nítján
til tuttugu og eins árs.
Ég spila á flautu og svo er
strengjakvartett; tvær fiðlur,
víóla og selló,“ segir Arnþrúður
en auk hennar eru í hópnum
Bjarni Frímann Bjarnason, víóla,
J. Páll Palomares, fiðla, Viktor
Orri Árnason, fiðla, og Þorgerður
Edda Hall, selló.
„Tónleikarnir verða í Hömrum,
sem er salur Tónlistarskólans á
Ísafirði, og er ókeypis inn. Þetta
er í fyrsta sinn sem við spilum
sem hópur á Ísafirði en við vorum
reyndar öll á tónlistarhátíðinni
Við Djúpið þar sem við vorum á
masterclass-námskeiði. Þar spil-
uðum við sem kammerhópur,“
segir Arnþrúður áhugasöm.
„Mjög mikið af ungu listafólki
kemur fram á sumartónleikunum
en þar verða einnig aðrir þekkt-
ari og reyndari. Tónlistarfélagið
er mjög öflugt í því að styðja ungt
fólk sem fær þarna tækifæri til
að láta ljós sitt skína,“ segir Arn-
þrúður þakklát og bætir við: „Á
Ísafirði hefur alltaf verið mjög
öflugt tónlistarlíf og þar var
fyrsti tónlistarskóli landsins
stofnaður.
Það eru hátt á fjórða hundrað
nemendur í tónlistarskólanum og
hann rekur útibú í nágranna-
sveitarfélögum. Það er eiginlega
varla til sú fjölskylda á Ísafirði
þar sem ekki er einhver í tónlistar-
skólanum,“ segir Arnþrúður
kímin en hún stundaði nám við
skólann í áratug áður en hún hóf
nám í Listaháskólanum. „Ég var
mjög ánægð þar. Mikið er lagt
upp úr því að nemendur komi
fram og tónlistarskólinn er mjög
virkur í bæjarlífinu þannig að
nemendur fá oft tækifæri til að
koma fram víðs vegar um
bæinn.“
Á vefsíðu Tónlistarskóla Ísa-
fjarðar, www.tonis.is, má finna
nánari upplýsingar um tónleika-
röðina Sumar í Hömrum en þar
kennir ýmissa grasa í júlí og
ágúst. hrefna@frettabladid.is
Sumarstarf í borg og bæ
Meðlimir tónlistarhópsins Slyngs eru fimm talsins, á aldrinum 19-21 árs. Þau hafa öll
verið nemendur í Listaháskóla Íslands og útskrifuðust tvö þeirra í vor.
MYND/SÓLBORG VALDIMARSDÓTTIR
Garðhúsgögn nota margir á sumrin. Á fallegum sumarkvöldum er
fátt betra en að sitja úti með gott snarl og góðu fólki og njóta lífsins.
Á sumrin reynir fólk að nýta
góða veðrið sem best og vera
sem mest úti.
Ef gott veður er um helgar er til-
valið að skella sér á fjórhjól og sjá
þá fallegu náttúru sem er hér á
landi.
Hjá Fjórhjólaleigunni er hægt
að leigja fjórhjól og fara í fjöl-
breyttar ferðir, meðal annars
tveggja tíma ferð um Hengils-
svæðið þar sem sjá má borholur,
hraun og margt fleira sem íslensk
náttúra hefur upp á að bjóða, í
fylgd leiðsögumanns.
Einnig er boðið upp á steggja-
og gæsaferðir sem eru alltaf vin-
sælar ásamt sérstökum vinnuferð-
um, sem eru vinsælar þegar
starfsmannafélög ætla að gera sér
glaðan dag. Á svæðinu er líka
góður skáli sem hægt er að grilla
við.
Allar nánari upplýsingar er
hægt að nálgast á heimasíðunni
www.fjorhjolaleigan.is. - stp
Fjör úti í
náttúrunni
Fjórhjólaferðir eru skemmtilegar á
sumrin. MYND/NJÁLL GUNNLAUGSSON
Taktu hjólið með
- settu það á toppinn.
www.stilling.is // stilling@stilling.is
Skeifan 11, 108 Reykjavik | Bíldshöfði 12, 110 Reykjavík | Smiðjuvegur 68, 200 Kópavogur
Dalshraun 13, 220 Hafnarfjörður | Draupnisgata 1, 600 Akureyri
Eyrarvegur 29, 800 Selfoss. | Sími: 520-8000
Allar upplýsingar um er að finna á
vef Stillingar www.stilling.is
THULE ProRide 591
Einfaldar og stílhreinar hjólafestingar.
Auðveldar í notkun.
THULE OutRide 561
Fyrir þá sem eru vanir. Hjólið fest í framgaflinum.