Fréttablaðið - 01.08.2008, Qupperneq 36

útlit
smáatriðin skipta öllu máli
BRASILÍSK SÓLARVÖRN
Þótt mörgum finnist yfirvofandi verslunarmannahelgi
marka upphafið að endalokum sumarsins er ekki tíma-
bært að pakka sólarvörninni innst í baðskápinn. Sólin
hefur ekki yfirgefið okkur alfarið ennþá, margir hyggja
enn á utanlandsferðir og þar fyrir utan ættu allir að
nota sólarvörn árið um kring – í það minnsta velja
sér húðkrem með innifalinni vörn.
Þeir sem enn eiga eftir að sleikja sólina á fram-
andi slóðum, eða treysta á að önnur hitabylgja
blessi okkur með nærveru sinni, geta prófað sól-
arvörnina frá L‘Occitane. Línan kallast L‘Occ-
itane do Brasil, því fyrirtækið leitaði í náttúruleg-
ar afurðir frá Brasilíu til að búa til sólarvörn sem
er bæði mild og góð. Auk varnarinnar sjálfrar er
boðið upp á þessa olíu, sem verndar hárið fyrir
geislum sólarinnar og er einnig rakagefandi fyrir
húðina þegar sólböðum er lokið.
BOSS TIL BJARGAR
KARLMÖNNUM
Boss Skin sendir nú frá sér nýjar húðvörur fyrir karlmenn, til að koma
til móts við aukna eftirspurn eftir vörum sem vinna gegn húðgljáa.
Andlitssápan Shine Control Face Wash hreinsar andlitið og undirbýr
það fyrir fitulausa rakagelið Shine Control Moisture Gel, sem smýgur
hratt inn í húðina og hjálpar til við að stýra rakastiginu á yfirborði
hennar. Þannig stuðla báðar vörurnar að því að húðin glansi síður, en
rannsóknir sýna að karlmenn hafa áhyggjur af feitri húð.
Á sama tíma kynnir Boss nýja ilminn Boss Pure, sem sækir
innblástur sinn í hreint og óstöðvandi afl vatnsins. Boss
Pure leggur áherslu á ferskleika og er bæði fíngerður og
fágaður. Í topptónunum er meðal annars fíkjusafi, sem
ásamt sítrus-
ávöxtum skap-
ar ferskleikann.
Hjartatónarnir
eru sóttir í liljur
og hýasintur,
en grunnurinn
er hreinn viðar-
tónn.
Föstudagur fór á stúfana til að forvitnast um
hvað verður heitast í haustförðuninni. Ferðinni
var heitið í þrjár glæsilegar snyrtivöruverslan-
ir þar sem við fengum forskot á sæluna og frædd-
umst um nýjustu förðunarvörurnar.
Svandís Unnur Sigurðardóttir, starfsmaður í MAC
„Það verður mikið af bronslituðum og gylltum augum,
bæði „smoky“ og ekki, en kisuaugun verða enn þá sterk
inni. Varirnar verða rauðar eins og í fyrra, bara aðeins
dekkri. Það verða ekki bara skærrauðir. heldur alls
konar tónar, svo sem dökk- og rauðbrúnir, svo allir ættu
að geta fundið rauðan lit við hæfi,“ útskýrir Svandís.
„Það verður mikið af steinefnafarða, bæði í meiki,
kinnalitum og augnskuggum. Húðin á að vera nátt-
úruleg, ekki mjög mött, en þó ekki eins glansandi og í
sumar,“ bætir hún við.
„Ég er mjög hrifin af mineralize skinfinish-púðri
sem er tvískipt og er væntanlegt í verslunina hjá okkur
í næstu viku. Annar liturinn er náttúrulegur, frekar
mattur en ljómar og svo er hinn helmingurinn í sama lit
en með smá sanseringu. Með púðrinu næst þessi eðli-
lega áferð vel og svo getur maður lagt áherslu á þá staði
sem maður vill með sanseraða helmingnum,“ segir
Svandís að lokum, en fleiri haustvörur eru væntanleg-
ar í verslanir MAC á næstu þremur mánuðum.
Elísabet Kristín Oddsdóttir verslunarstjóri, Make Up
Store í Kringlunni
„Það er að koma mikil dramatík og drungi með haust-
inu. Mjög dökkir og mattir litir, út í fjólu- og plómulitað.
Á móti er mikið af augnskuggum í duftformi sem gefa
glans á móti þessu matta,“ segir Elísabet.
„Það verður mikið um mjög dökk naglalökk, eins og
svört og dökkfjólublá. Varirnar verða dökkar á móti
dökkum augum og við verðum til dæmis með svartan
varalit sem er gegnsær svo það er hægt að blanda
honum við aðra liti, svo sem rauðan, bleikan eða fjólu-
bláan. Þetta verður mjög drungalegt miðað við lita-
dýrðina sem hefur verið í gangi í sumar, en það er hægt
að ná fram flottum glæsileika með þessum vörum,“ út-
skýrir Elísabet.
„Það sem mér finnst voðalega fallegt núna
er svartur glimmer eyeliner sem heitir Holiday
Glam og kemur rosalega vel út og svarta
naglalakkið Johanna er mjög flott, en það
er með silfurglimmeri í,“ segir Elísa-
bet að lokum.
Helga Emilsdóttir, förðunarfræð-
ingur hjá Bobbi Brown
„Nýja lúkkið sem er að koma í haust
heitir Mauve og þar verður mikið um fjólu-
bláan lit sem er mitt á milli þess að vera brúnn
og fjólublár. Það verður mikið um smokey augu í haust
og vetur og við erum að taka konur í förðunarstólinn til
okkar í Bobbi Brown og kenna þeim að verða sínir eigin
förðunarfræðingar og læra til dæmis að gera smokey
augu á fimm mínútum,“ segir Helga.
„Í línu sem kallast Get personal verðum við með pall-
ettur sem konur geta hannað sjálfar með því að velja
sér mismunandi litaða augnskugga eftir því sem hent-
ar þeim. Svo er alltaf hægt að skipta augnskuggunum
út því þeim er bara smellt í og úr pallettuna,“ bætir hún
við.
„Þessa stundina er í uppáhaldi hjá mér palletta sem
inniheldur þrjá augnskugga, einn kinnalit og þrjá vara-
gljáa. Ég nota hana mjög mikið enda þægileg í notkun,“
segir Helga að lokum.
Heitast í haustförðuninni
Dökkt og dramatískt
Svandís Unnur Sigurðardóttur í MAC segir að
rauðar varir í ýmsum tónum verði meðal ann-
ars mjög áberandi í haust.
Elísabet Kristín Oddsdóttir, verslunarstjóri Make Up Store í
Kringlunni, segir mikla dramatík og drunga fylgja haustförð-
uninni.
Helga Emilsdóttir, förðunarfræðingur hjá Bobbi Brown, segir
fjólubláan lit með brúnum tóni vera áberandi í nýjustu haust-
vörunum.
SPEGILL, SPEGILL
Nýju Ombre Stretch-augnskuggarn-
ir frá Bourjois koma í
mörgum flottum litum og
skemmtilega óhefðbundn-
um umbúðum með einkar
handhægum spegli.
TE OG LÓTUS
Green Tea-ilmirnir frá Elizabeth Arden
hafa verið afar vinsælir og nýjasta viðbótin,
Green Tea Lotus, á eflaust eftir að slá í gegn
líka. Ferskur og heillandi ilmur af grænu tei og
vatnaliljum.
NAIL ENVY
NAGLAHERÐIR
12 • FÖSTUDAGUR 1. ÁGÚST 2008