Fréttablaðið - 01.08.2008, Side 50
26 1. ágúst 2008 FÖSTUDAGUR
menning@frettabladid.is
Kl. 20
Blandaður kór frá bænum Pori í
Finnlandi kemur fram á tónleikum í
Norræna húsinu í kvöld kl. 20. Á
efnisskrá kórsins eru finnsk þjóðlög,
valsar, finnskir tangóar og söngvar
frá Svíþjóð og Finnlandi. Stjórnandi
kórsins er Leelo Lipping fiðluleikari.
Aðgangur að tónleikunum er ókeypis
og öllum opinn og er því hér á ferð til-
valin skemmtun fyrir alla söngunn-
endur.
Landsbanki Íslands og
Menningarnótt í Reykjavík
styrktu bönd sín á miðviku-
dag en þá var tilkynnt um
sérstaka dagskrárliði sem
bankinn kostar en Lands-
bankinn hefur verið aðal-
styrktaraðili hátíðahald-
anna í Reykjavík þriðja
laugardag í ágúst sem nú
verða haldin í þrettánda
sinn.
Sjö verkefni hlutu á fimmtudag
styrk úr nýstofnuðum menning-
arnæturpotti Landsbankans. Þau
þóttu öll taka á skemmtilegan
hátt mið af þema menningarnæt-
ur 2008 – Torg í borg. Menning-
arnæturpottur Landsbankans er
ný leið til að veita frumlegum og
sérstökum hugmyndum brautar-
gengi á menningarnótt. Mark-
miðið er að styrkja lítil og meðal-
stór verkefni einstaklinga, hópa
eða félagasamtaka sem verða
síðan hluti af dagskrá menningar-
nætur. Þessi nýjung er liður í
nýundirrituðum þriggja ára sam-
starfssamningi Höfuðborgar-
stofu við Landsbankann sem
áfram verður máttarstólpi menn-
ingarnætur – eins og verið hefur
frá því að menningarnótt var
fyrst haldin fyrir þrettán árum.
„Hugmyndin með menningar-
næturpottinum er að gefa fleira
fólki kost á að sýna hvað í þeim
býr – og styrkja einstaklinga og
hópa til að láta hugmynd sína
verða að veruleika,“ segir Björg-
ólfur Guðmundsson, formaður
bankaráðs Landsbankans, en
fram til þessa hefur marga skort
fjármagn til að koma upp atrið-
um þennan dag þegar þúsundir
Reykvíkinga og nærsveitar-
manna sækja miðborgina heim.
„Við í bankanum lögðum mikla
áherslu á að hluti af framlagi
bankans til menningarnætur yrði
nýttur á þennan hátt, svo að fleiri
hugmyndir fengju notið sín. Von-
andi verður þetta meðal annars
til þess að einhverjir nýliðar fái
tækifæri til að koma fram á
menningarnótt í ár.“
Hrólfur Jónsson, formaður
stjórnar Menningarnætur, sagði
við styrkveitinguna: „Menningar-
næturpotturinn er mikilvægur
þáttur í vaxandi samstarfi Menn-
ingarnætur og Landsbankans.
Landsbankinn hefur frá upphafi
verið óhræddur við að leggja
nýjum og óvenjulegum hugmynd-
um lið og við fögnum frumkvæði
bankans við að koma þessum
potti á laggirnar í samvinnu við
okkur.“
Á hverju ári streyma hugmynd-
ir inn frá skapandi og skemmti-
legum Reykvíkingum sem vilja
setja svip sinn á menningarnótt
þegar lýst er eftir tillögum um
atburði á þessum degi, sem í ár
verður haldinn laugardaginn 23.
ágúst. Reykjavíkurborg reynir
að greiða götur sem flestra og
styrkir fjölda viðburða bæði með
fjárframlögum sem og annarri
aðstoð svo að hugmyndir þeirra
líti dagsins ljós á hátíðinni en það
dugar oft ekki til.
Verkefnin sem valin voru úr
innsendum tillögum reyndust sjö
og eru marbreytileg: Hilmir
Jensson og Ingibjörg Huld Har-
aldsdóttir búa til litla eyju í
mannþrönginni og sýna frum-
samda leiksýningu sem hverfist
um sögur og sagnalist. Eyjan
verður á staðsett á mörkum
Laugavegs og Bankastrætis.
Íbúasamtök Grjótaþorps ætla að
bjóða upp á fjölbreytta dagskrá í
þorpinu sem kennt er við Grjóta,
en þar leynast nokkur torg. Á
Edinborgartorgi, í Álfasteins-
garði og í Vinaminnisgarðinum
verður kátt á hjalla. Sagnafólk,
ratleikur, stéttamálun, grímur og
fornir leikir, ljósmyndasýning,
tónlist og þöglar kvikmyndir.
Hópur meistaranema í lýð-
heilsufræði býður upp á ýmsa
leiki fyrir alla fjölskylduna. Heil-
brigði, fjölskylda og kátína eru
lykilorðin. Nuddhringur, gull-
kornakista, risasápukúlur, sippó
og risateygjó, fjöllistaverk með
þátttöku aðvífandi krakka, hlaup-
ið í skarðið og fleiri góðir leikir
sem nú eru margir horfnir úr
leikbanka barna verða þar rifjað-
ir upp.
Óskar Ericsson sjónlistamaður
gerir vatnslistaverk á Skóla-
vörðuholti sem er búið til úr
þvottavélum og leikhópurinn
Stígis mun setja ljóðið í nýtt
form, nánar tiltekið mennskt og
fimm metra langt. Ljóðið mun
lifna við sem risavaxin mennsk
fígúra sett saman af þremur
pappírsklæddum verum í dular-
fullri athöfn. Gjörningurinn mun
eiga sér stað í portinu við hlið
Hverfisgötu 32 og mun taka
nokkrar klukkustundir.
Leikmyndahönnuðurinn
Gustavo Blanco og myndlistar-
maðurinn Davíð Örn Halldórsson
umbreyta verslunarrými á
Laugavegi 66 í torg og í Sirku-
sportinu niður við Klapparstíg
setur Lost Horse Gallery upp
vídeó-innsetningu sem er unnin í
samstarfi við fjölda listamanna
svo sem Eyeloveiceland, Kippa
Kaninus, Kiru Kiru, Biogen og
Subaqua og sýnir þverskurð
íslenskrar vídeólistar.
Forráðamenn Landsbankans og
forkólfar Menningarnætur voru
bjartir yfirlitum þegar þessi
nýnæmi voru kynnt. Úti skein
sólin á stræti miðborgarinnar.
pbb@frettabladid.is
Menningarpottur á torgin
MENNINGARNÆTURPOTTUR Hrólfur Jónsson, Sif Gunnarsdóttir og Björgólfur Guðmundsson.
Hinn virti orgelleikari og -kennari Jon
Laukvik er gestur Alþjóðlegs orgel-
sumars í Hallgrímskirkju um verslunar-
manna helgina. Það vakti athygli í
orgelheiminum þegar hann, einungis
28 ára gamall, var ráðinn prófessor í
orgelleik við Listaháskólann í Stuttgart.
Þar hefur hann kennt síðan og frá
árinu 2001 hefur hann einnig verið
prófessor við tónlistarháskólann í Ósló.
Þetta er í þriðja sinn sem Laukvik
kemur fram á tónleikum í Hallgríms-
kirkju en tónleikarnir verða á morgun
kl. 12 og á sunnudagskvöld kl. 20.
Á efnisskrá Laukviks á hádegistónleikunum á
laugardag eru fyrst fjórir þættir úr Les Indes galantes
sem er óperuballet eftir franska barokktónskáldið
Jean-Philippe Rameau en Rameau umritaði sjálfur
þessa þætti fyrir sembal. Þá leikur Laukvik allegro
maestoso-kaflann úr Konsert eftir þýska 19. aldar
tónskáldið Christian Heinrich Rinck og tónleikunum
lýkur með 4. og 5. kafla úr 3. orgel-
sinfóníu Louis Vierne.
Tónleikar sunnudagskvöldsins
hefjast einnig á verki eftir Jean-Philippe
Rameau en á eftir því leikur Jon Laukvik
Floeten-Concert í F-dúr eftir Christian
Heinrich Rinck. Það mætti halda að
þetta væri umritun á konsert fyrir flautu
og hljómsveit en svo er ekki. Rinck skrif-
aði aðallega fyrir orgelið og með þessu
verki vildi hann sýna hvað það gæti sem
konserthljóðfæri.
Jon Laukvik hefur einnig samið tölu-
vert fyrir orgel og á þessum tónleikum
flytur hann verk sitt Triptychon sem hann skrifaði
á árunum 1974-8 og er verkið undir áhrifum nýrra
strauma í franskri orgelhefð og spuna. Eftir Robert
Schumann leikur hann Fjórar skissur frá 1845 og
tónleikunum lýkur síðan á 4. og 5. kafla úr 3. orgels-
infóníu eftir hinn blinda organista Frúarkirkju í París,
Louis Vierne. - vþ
Laukvik með tvenna tónleika
Með stein í skónum er
nýtt smásagna-
safn eftir Ara Kr.
Sæmundsen.
Í safninu eru
þrettán smá-
sögur sem segja
meðal annars
frá misheppn-
uðu bankaráni,
hremmingum
við girðinga-
vinnu og dreng sem þráir bjúgu í
jólamatinn af því honum þykja rjúpur
vondar. Salka gefur út.
Villibörn, ný skáldsaga
eftir Björn
Þorláksson
er komin út á
forlagi Tinda.
Þar er tekist á
við eina stærstu
spurningu sam-
tíma okkar, segir
í fréttatilkynn-
ingu útgáfunn-
ar: fólk í sveit
sem stendur
frammi fyrir nýjum tækifærum. Björn
hefur áður gefið út þrjár bækur.
Út er komin þýðing Orra
Harðarsonar á
sjálfævisögu
Erics Clapton
sem kom út í
fyrra og vakti
þá mikla athygli
fyrir opinskáa
lýsingu á
einkahögum
gítarsnillingsins
sem hingað
kemur síðar í mánuðinum og leikur
hér. Fjölvi gefur út. Clapton rekur feril
sinn frá bernsku, og segir meðal ann-
ars frá hinum óvenjulegu aðstæðum
þeirra mæðgina. Ævisagan spannar
allan feril hans til okkar daga og er um
leið krufning á lifnaðarháttum helstu
poppara okkar tíma.
Bókin Ferð um himingeim-
inn er komin út. Í
henni er að finna
stórar og glæsi-
legar myndir sem
sýna sjónarspil
alheimsins í
allri sinni dýrð.
Myndunum fylgja
síðan stuttir en
innihaldsríkir skýringar textar. Höfund-
ur bókarinnar er danski stjörnufræð-
ingurinn Jan Teuber. Þýðingu annað-
ist Vilhelm S. Sigmundsson. Myndirnar
sem birtast í Ferð um himingeimin
er safn af nýjustu ljósmyndum úr
himingeimnum sem teknar hafa
verið með bestu tækni sem völ er á.
Jan Teuber er einn þekktasti stjarn-
eðlis fræðingur Danmerkur og hefur
sérhæft í kosmólógíu. Hann hefur
skrifað fjölda bóka og vísindagreina
um stjörnufræði og tengd efni. Opna
gefur út. Bókin er í stóru broti og 193
blaðsíður að stærð.
NÝJAR BÆKUR
Alla daga
frá10 til 22
800
5555