Fréttablaðið - 09.08.2008, Blaðsíða 2
2 9. ágúst 2008 LAUGARDAGUR
GEORGÍA, AP Georgíuher réðst inn í
Suður-Ossetíu í gær í þeim tilgangi
að endurheimta yfirráð sín í hérað-
inu. Rússnesk stjórnvöld brugðust
ókvæða við, sendu skriðdreka yfir
landamærin og gerðu loftárásir.
Hundruð óbreyttra borgara eru
sögð hafa fallið í átökunum í gær.
Bæði Evrópusambandið og NATO
hvetja Georgíumenn og Rússa til að
hætta öllum átökum og leysa heldur
deilumál sín með því að ræða
saman. Sérfræðingar óttast að alls-
herjarstríð milli Georgíu og Rúss-
lands geti brotist út.
Smáskærur hafa verið síðustu
daga í landinu og í fyrrinótt gerði
Georgíuher harðar loftárásir á hér-
aðið. Mikhaíl Saakashvili, forseti
Georgíu, segir þær árásir aðeins
hafa verið svar við árásum heima-
manna á georgíska hermenn.
Í gær hóf Georgíuher síðan stór-
sókn inn í héraðið og sagðist síðdeg-
is hafa náð á sitt vald Tskhinvali,
höfuðborg héraðsins. Vitni segja
borgina nú rústir einar.
„Ég sá lík eins og hráviði á götun-
um, umhverfis eyðilagðar bygging-
ar og í bifreiðum,“ sagði Ljúdmíla
Ostajeva, fimmtug kona sem flúði
með fjölskyldu sinni til Dsjava,
þorps við rússnesku landamærin.
„Það er engin leið að telja þau leng-
ur. Það er varla nein bygging eftir
óskemmd.“
Mikhaíl Saakashvili, forseti
Georgíu, hefur sagst staðráðinn í að
endurheimta yfirráð yfir Suður-
Ossetíu og Abkasíu, en bæði þessi
héruð hafa verið sjálfstæð síðan
skömmu eftir hrun Sovétríkjanna.
Íbúar í Suður-Ossetíu eru um 70
þúsund. Meðal þeirra eru um 14
þúsund Georgíumenn, sem búa í
nokkrum þorpum héraðsins, en að
öðru leyti eru íbúarnir nánast allir
Ossetíumenn, sem hafa lengi haft
náin tengsl við Rússland.
Meðan Georgía tilheyrði Sovét-
ríkjunum naut Suður-Ossetía mik-
illa sjálfstjórnarréttinda. Héraðið
lýsti fyrst yfir sjálfstæði árið 1989,
en til harðra stríðsátaka kom milli
Georgíu og Suður-Ossetíu árin
1991-92 þegar Sovétríkin voru liðin
undir lok. Síðan hefur Suður-Oss-
etía í reynd verið sjálfstætt ríki,
rétt eins og Abkasía.
Rússneskir friðargæsluliðar
hafa verið í Suður-Ossetíu, en
Saakashvili Georgíuforseti hefur
sakað þá um að kynda undir sjálf-
stæðisvilja héraðsbúa.
Ingibjörg Sólrún Gísladóttir
utanríkisráðherra lýsti í gær
þungum áhyggjum vegna átak-
anna. Öryggi óbreyttra borgara sé
stefnt í voða, og finna verði frið-
samlega lausn á deilunni sem allra
fyrst.
gudsteinn@frettabladid.is
brjann@frettabladid.is
Hundruð sögð látin
í átökum í Ossetíu
Rússar svara árásum Georgíu á Suður-Ossetíu, hérað sem lengi tilheyrði Georg-
íu en hefur í reynd verið sjálfstætt síðan 1992. Höfuðborgin lögð í rúst og íbúar
hraktir á brott. Sérfræðingar óttast allsherjarstríð milli Georgíu og Rússlands.
GEORGÍSKIR HERMENN Innrásin í Suður-Ossetíu hefur kallað á hörð viðbrögð Rússa.
FRÉTTABLAÐIÐ/AP
REYKJAVÍK Lækjargata er lokuð frá
Skólabrú að Geirsötu fram eftir
degi í tilefni Hinsegin daga í
Reykjavík.
Viðskiptavinir verslana og
þjónustufyrirtækja ættu að geta
komist leiðar sinnar fyrir hádegi
og að lokinni gleðigöngunni.
Gangan hefst klukkan 14.00 við
Hlemm og fer niður Laugaveg og
Bankastræti að Arnarhóli um
Lækjargötu.
Lögreglan beinir þeim tilmæl-
um til fólks að það noti bílastæði í
nágrenni miðborgarinnar.
Sömuleiðis er bent á bílastæðahús
og strætisvagna. Þeir sem leggja
nálægt gönguleiðinni mega búast
við töfum því gert er ráð fyrir
talsverðum fjölda gesta. - hþj
Hinsegin dagar í Reykjavík:
Lækjargata er
lokuð daglangt
HINSEGIN DAGAR HALDNIR HÁTÍÐLEGIR
Lögregla mælist til að fólk leggi ekki
bílum sínum í hringiðu hátíðarhaldanna.
VINNUMARKAÐUR Starfsmenn sem
hafa vottorð læknis sem staðfestir
að þeir séu óvinnufærir eftir
vinnuslys hafa ítrekað verið kall-
aðir aftur til vinnu hjá Norðuráli.
Formaður Verkalýðsfélags Akra-
ness segir hugsanlega skýringu þá
að fyrirtækið vilji að sem fæst
alvarleg vinnuslys séu skráð.
Á vef verkalýðsfélagsins er sagt
frá konu sem lenti í vinnuslysi en
var kölluð til vinnu þrátt fyrir að
vera óvinnufær. Hún segist hafa
verið beðin að vinna létt störf dag-
inn eftir að hún varð fyrir lyftara.
„Þetta er síður en svo í fyrsta
skipti sem þetta kemur upp,“ segir
Vilhjálmur Birgisson, formaður
Verkalýðsfélags Akraness. Slys sé
talið alvarlegra verði það til þess
að starfsmaður geti ekki snúið
aftur til vinnu strax eftir slysið.
Vilhjálmur segir ekkert að því
að starfsmaður taki að sér létt
störf, treysti hann sér til þess, en
fyrirtækið eigi ekki að beita
starfsmanninn þrýstingi. Hann
hvetur til þess að verklagsreglur
verði settar hjá Norðuráli.
Kolbeinn Gunnarsson, formað-
ur Verkalýðsfélagsins Hlífar,
segir sambærileg mál hafa komið
upp hjá álveri Rio Tinto Alcan
fyrir nokkrum árum, en leyst hafi
verið úr því með því að setja skýr-
ar verklagsreglur.
Ekki náðist í forsvarsmenn
Norðuráls við vinnslu fréttarinnar
í gær. - bj
Stjórnendur Norðuráls sakaðir um að dylja fjölda alvarlegra vinnuslysa:
Óvinnufærir kallaðir til vinnu
ÁLVER Kona sem varð fyrir lyftara var
kölluð aftur til vinnu hjá Norðuráli
nýverið þrátt fyrir að læknir hafi úrskurð-
að hana óvinnufæra. FRÉTTABLAÐIÐ/VILHELM
FERÐIR „Ég vissi að ég gæti hætt
eftir fyrsta daginn og líka annan
en mér leið svo vel að ég vildi
halda áfram,“ segir Auður
Kjartansdóttir sem nýlega gekk í
fjóra daga um illfærar skriður í
Héðinsfirði þótt hún væri komin
fimm mánuði á leið. Gangan var
til heiðurs Guðrúnu Þórarinsdótt-
ur, húsfreyju í Hvanndölum, sem
fyrir 150 árum fór leiðina að vetri
til með barn í fanginu og annað
undir belti til að sækja eld.
„Þetta var töluvert ævintýri og
þarna er stórfengleg náttúra,“
segir Auður ánægð en hún leiddi
25 manna hóp á vegum Ferðafé-
lags Íslands. - eö/sjá allt
Ófrísk um ógreiðfæra leið:
Gekk í 150 ára
gömul fótspor
UMHVERFISMÁL Ekki er rétt að
borun vegna gufuöflunar fyrir
svonefnda Kröflustöð 2 fari fram
við Leirhnjúk, segir í tilkynningu
frá upplýsingafulltrúa Lands-
virkjunar, Þorsteini Hilmarssyni.
Ómar Ragnarsson, sem nýverið
fékk Seacology-verðlaun, sagði í
útvarpinu í gær að Gjástykki og
Leirhnjúkur væru samliggjandi
svæði, verðmæt fyrir heiminn
allan. Nú ógni þeim borunarfram-
kvæmdir vegna álvers á Bakka.
Landsvirkjun segir hins vegar
að borað verði í vesturhlíðum
Kröflu annars vegar og á svæði
norður af Víti hins vegar. Þetta sé
skilgreint sem iðnaðarsvæði. - kóþ
Landsvirkjun svarar Ómari:
Borunin ekki
við Leirhnjúk
FLUG Sænskar Saab-herþotur
flugu sjónflug yfir Heiðmörkinni
um klukkan ellefu í gærdag.
Talsverður hávaði var af
þotunum og þær voru komnar til
ára sinna, að sögn starfsmanna í
Keflavík.
Herþotur heimsækja Ísland
nær daglega á leið sinni yfir hafið
og fá hér eldsneyti.
Þeim má fljúga lægst í 330
metra hæð yfir byggð og í 165
metra hæð yfir óbyggðu landi.
Kona, sem hafði samband við
Fréttablaðið, sagði sænsku
þoturnar hafa verið andstyggileg-
ar. Þær hefðu flogið lágflug og
farið hraðar en hljóðið. - kóþ
Svíar á gömlum Saab:
Herþotur yfir
Heiðmörkinni
DÓMSMÁL Hæstiréttur staðfesti í
gær gæsluvarðhaldsúrskurð yfir
tveimur mönnum sem grunaðir
eru um aðild að líkamsárás þar
sem maður var stunginn með
hnífi í miðborg Reykjavíkur
aðfaranótt 1. ágúst síðastliðins.
Þriðji maðurinn, sem grunaður
er um verknaðinn, hefur viður-
kennt að hafa stungið manninn.
Mennirnir tveir sem grunaðir eru
um aðild að málinu verða í
varðhaldi til 11. ágúst vegna
rannsóknarhagsmuna.
Sá sem fyrir árásinni varð
hlaut meðal annars stungusár
milli rifbeina, sár á brjóstkassa
og á vinstri handlegg. - bj
Tveir í haldi vegna árásar:
Grunaðir um
aðild að árás
MÓTMÆLI Hugarafl, samtök fólks í
bata sem átt hefur við geðræna
erfiðleika að stríða, efndi í gær til
þögullar mótmælastöðu við kín-
verska sendiráðið á Víðimel 29.
Mótmælt var afstöðu kínverskra
yfirvalda til geðfatlaðra í tengsl-
um við Ólympíuleikana í Peking.
Fyrir skömmu gáfu stjórnvöld í
Peking út tilmæli í 57 liðum til
gesta á leikunum þar sem nefndir
eru þeir hópar sem eru óvelkomn-
ir til Kína. Voru geðfatlaðir greind-
ir sem hluti af þeim sem ekki eru
æskilegir gestir.
Þórhildur Sveinsdóttir, starfs-
maður hjá Hugarafli, segir að
félagsmönnum samtakanna hafi
ofboðið afstaða Kínverja til fólks
með geðraskanir.
„Við vorum líka hissa á því að
engin umfjöllun hefði verið um
þetta. Það er eins og geðfatlaðir
eigi bara að taka þessu þegjandi
og hljóðalaust.“ Hugarafl boðaði
skyld samtök til mótmælastöðunn-
ar og mættu fulltrúar frá Geð-
hjálp, Geysi og fleirum. Mótmæl-
endur báru grímur sem tákn um
einhæf viðhorf til geðraskana og
að ætlast sé til að geðfatlaðir taki
fordómum þegjandi.
„Reynt var að afhenda mót-
mælaskjal en hurðinni var skellt
framan í okkur,“ segir Þórhildur.
„Við settum skjalið bara inn um
bréfalúguna í staðinn.“
- hþj
Geðfötluðum meinaður aðgangur á Ólympíuleikana:
Hurðinni skellt á mótmælendur
HUGARAFL MÓTMÆLIR VIÐ KÍNVERSKA SENDIRÁÐIÐ Grímurnar eru táknmynd ein-
hæfra viðhorfa til geðraskana. FRÉTTABLAÐIÐ/GVA
Heimir, gætirðu drukkið
Gullfoss?
Já, ég er með einn ískaldan hérna
fyrir framan mig.
Heimir Hermannsson er framkvæmda-
stjóri Ölgerðar Reykjavíkur sem setti í gær
á markað bjór sem ber nafnið Gullfoss.
LÖGREGLUMÁL Talið er að rúmlega
tvítugur Lithái sem stöðvaður var
við komuna til landsins í fyrradag
hafi verið með um 40 pakkningar
af amfetamíni innvortis.
Lögregla bíður þess enn að
allar lyfjapakkningarnar skili sér
niður, en um helmingur er talinn
hafa skilað sér hingað til. Ekki er
ljóst hversu mikið magn er um að
ræða. Né hefur verið endanlega
staðfest að efnið sé amfetamín.
Maðurinn er undir stöðugu
eftirliti lækna, og lögreglumenn
sitja yfir honum dag og nótt.
Hann hefur verið úrskurðaður í
gæsluvarðhald til 15. ágúst. - bj
Smyglari í gæsluvarðhaldi:
Efnið talið vera
amfetamín
Eldur í steypuskála álvers
Eldur varð laus í steypuskála álvers
Alcoa á Reyðarfirði í gærkvöldi. Talið
er að kviknað hafi í olíu sem lak á
heitan málm. Að sögn slökkviliðs
gekk vel að slökkva eldinn.
LÖGREGLUFRÉTTIR
HÁTÍÐARHÖLD „Við reiknum með
þrjátíu þúsund gestum í heild,“
segir Júlíus Júlíusson, fram-
kvæmdastjóri Fiskidagsins mikla,
sem haldinn er á Dalvík í dag.
Í gær voru tíu þúsund manns
þegar komnir á svæðið en þá var
fiskisúpukvöld haldið. „Það felst í
því að heimamenn opna heimili sín
og bjóða gestum og gangandi upp
á fiskisúpu,“ segir Júlíus. „Þar á
undan var vináttukeðjan svokall-
aða þar sem fimm þúsund manns
knúsuðust.“
Í dag troða 160 skemmtikraftar
upp, frí sigling verður um fjörðinn
og boðið verður upp á stærstu
fiskisýningu Evrópu samkvæmt
Júlíusi. „Svo verður fimmtán rétta
matseðill í boði, sem er hægt að
snæða allan daginn.“ - ges
Fiskidagurinn mikli á Dalvík:
Fimmtán rétta
matseðill í boði
Harður árekstur
Fjórar konur voru fluttar á sjúkrahús
Akureyrar seinni partinn í gær eftir
harðan árekstur utan við bæinn.
Enginn slasaðist alvarlega.
SPURNING DAGSINS