Fréttablaðið - 09.08.2008, Blaðsíða 58

42 9. ágúst 2008 LAUGARDAGUR
PEKING 2008 Eins og Fréttablaðið
greindi frá í gær komu nokkrar
NBA-stjörnur óvænt við í húsi
íslensku keppendanna á dögunum.
Ekki hafði fengist staðfesting á
því hvað þeir voru nákvæmlega
að gera þar en badmintonstúlkan
Ragna Ingólfsdóttir leysti frá
skjóðunni í spjalli við Frétta-
blaðið í gær en hún var
ein af þeim sem hitti
stórstjörnurnar.
„Ragga [Ragnheiður
Ragnarsdóttir sund-
kona., innsk. blm] er
ekki feimin stúlka. Hún
var í matsalnum og sá
þessa stráka þar en þeir
voru í heimsókn enda
gista þeir ekki í Ólymp-
íuþorpinu. Hún fór að fá
mynd af sér með þeim og
þeir voru heldur betur
til í það. Þetta snerist
svo við og þeir voru
eiginlega allir farnir
að taka mynd af sér
með henni. Svo eltu
þeir hana að okkar
byggingu og hún vissi
ekkert af því. Hún
var að segja mér frá
því að hún hefði hitt
þá og við vorum
bara hlæjandi
þegar þeir voru
allt í einu komnir
inn,“ sagði Ragna
og hló dátt er hún
rifjaði upp þessa
skemmtilegu
stund.
Alls mættu
átta leikmenn úr
stjörnuliði
Bandaríkjanna í
heimsókn í
íslenska húsið og
þeirra á meðal
voru LeBron James
og Jason Kidd. Þeir
stöldruðu við nokkra
stund og spjölluðu
við íslensku stelp-
urnar sem og strákana úr hand-
boltalandsliðinu.
„Þessir körfuboltagaurar voru
þvílíkt til í að hitta okkur aftur.
Voru að skora á mig í badminton og
ég sagðist myndi rústa þeim,“ sagði
Ragna en telur hún að NBA-stjörn-
urnar hafi verið að reyna við þær?
„Ég veit ekki hvernig þessir kall-
ar haga sér í þessum ferðum en við
tókum ekkert í þetta þannig. Ég
efast um að þeir komi aftur þó svo
þeir hafi sagst vilja koma. Þeir eru
alltaf með einhverjar sætar stelpur
í kringum sig og við vorum kannski
bara einar af hópnum,“ sagði Ragna
og hló enn meira en hún segir
uppákomuna hafa vakið mikla
lukku hjá handboltalandsliðinu sem
vilji næst fá stelpurnar til þess að
redda Ronaldinho í heimsókn.
NBA-stjörnurnar voru á eftir
sunddrottningunni Ragnheiði
Íslenski hópurinn fékk góða heimsókn frá nokkrum af bestu íþróttamönnum heims. Átta leikmenn banda-
ríska körfuboltalandsliðsins létu sjá sig eftir að þeir eltu Ragnheiði Ragnarsdóttur inn í Ólympíuþorpið.
PEKING 2008 Þormóður Árni Jónsson,
júdókappi úr Júdófélagi Reykjavíkur,
er fyrsti íslenski keppandinn í júdó til
þess að taka þátt í Ólympíuleikum í tólf
ár. Hann er því eðlilega fullur tilhlökk-
unnar en jafnframt einbeitt-
ur við að ná árangri.
„Að vera á Ólympíu-
leikunum verður
örugglega mikil upp-
lifun sem slík en ég
ætla ekki að dvelja neitt
of mikið við það og ætla
ekki að láta utanaðkom-
andi áhrif trufla mig frá keppn-
inni sjálfri. Í grunninn er þetta
náttúrulega bara eins og hver
önnur keppni og ég ætla bara
að einbeita mér að júdóinu,“
segir Þormóður.
Hjá hverjum og einum
þátttakenda á Ólympíuleikun-
um í Peking liggur mikil vinna
og erfiður undirbúningur að
baki og Þormóður er vitanlega
ekki undanþeginn því.
„Undirbúningurinn er búinn að vera
strangur en er búinn að ganga ágæt-
lega og alveg stórslysalaust. Ég
keppti nokkuð stíft á síðasta ári og
fram í júní á þessu ári. En eftir
miðjan júní er búið að
vera lítið um mót og ég
hef því bara verið að
æfa af krafti og farið
í æfingarbúðir í stað-
inn. Ég æfi að jafnaði
tvisvar sinnum á dag,
tvo tíma í senn og nýt
liðssinnis Bjarna Frið-
rikssonar við það. Ég ákvað í
þetta skipti, fyrir Ólympíu-
leikana í Peking, að leita til
Bjarna og fá hann til þess að
þjálfa mig og stjórna mér í
þessu verkefni. Annars þykist
ég nú alltaf vita hvað sé best
fyrir mig og hef þjálfað mig að
mestu leyti sjálfur hingað til og
ég viðurkenni að þetta nýja
fyrirkomulag er oft erfitt, en ég virði
Bjarna í þessu,“ segir Þormóður og upplýs-
ir að þeir félagar hafi lagt línurnar og sam-
einast um nokkrar undirbúningáherslur.
„Það voru nokkur áhersluatriði í undir-
búningnum sem við komum okkur saman
um í upphafi. Við höfum verið að keyra
mest á úthaldið og tæknina og látið lóðin
alveg eiga sig. Við ákváðum það bara að ég
hefði alveg nógu mikinn styrk og ætti því
frekar að einbeita mér að því að vinna í
hinum atriðunum,“ segir Þormóður.
Þormóður keppir í þungavigtar +100
kílóa flokki og getur því átt von á að mæta
mun þyngri mönnum en hann er sjálfur.
„Ég var 126 kíló í byrjun undirbúnings-
tímabilsins en er núna kominn niður í 122
kíló og verð bara „leaner and meaner“ eða
“snarpari og sneggri” fyrir vikið. Á æfing-
um erum við alltaf alla vega tveir, ég og
Bjarni, og síðan höfum við verið að fá hina
og þessa til þess að æfa með og reynt að
finna þá þyngstu og öflugustu. Mótherjar
mínir í Peking gætu vegið á bilinu 110 kíló
til um það bil 180 kíló þannig að maður þarf
að vera við öllu búinn. Annars hefur mér
oft gengið betur með þessa þyngri. Það er
erfitt að henda þeim til en þeir verða svo-
lítið valtir þegar þeir verða þreyttir og
maður þarf að spila á það,“ segir Þormóð-
ur.
Þormóður hefur mest verið að keppa við
menn frá Evrópu en þeir eru aðeins einn
þriðji hluti keppenda í júdói í hans þyngd-
arflokki og hann á því erfitt með því að vita
hvar hann stendur fyrir mótið.
„Ég hef verið að keppa meira við Evr-
ópubúana og þar er mikil samkeppni og
keppendur þaðan eru oftar en ekki í efstu
sætunum á stærstu mótunum. Ég hef keppt
við tvo Afríkumenn og þar standa leikar
jafnir, eitt tap og einn sigur, en ég hef alla
vega aldrei tapað á móti Bandaríkjamanni
og hef keppt við þó nokkra. Hlutirnir þurfa
að detta með manni og það er lítið pláss
fyrir mistök. Það er heldur ekkert ákveðið
fyrirfram, það er enginn sem er með besta
tímann eða neitt svoleiðis og það standa því
allir jafnir til að byrja með. Það er því allt
að vinna,“ segir Þormóður. - óþ
Harðjaxlinn Þormóður Árni Jónsson er ekki kominn til Peking til að gleyma sér í Ólympíuandanum, glíman verður í fyrirrúmi:
Það standa allir jafnir til að byrja með
GÓÐ HEIMSÓKN Logi Geirsson og Ragna Ingólfsdóttir spóka sig hér með NBA-stjörnunum LeBron James og
Jason Kidd. MYND/LOGI GEIRSSON
HENRY BIRGIR GUNNARSSON
Skrifar frá Peking
henry@frettabladid.is
PEKING 2008 Jakob Jóhann Sveins-
son verður fyrstur af íslensku
sundmönnunum til að stinga sér
til sunds í hinni glæsilegu sund-
höll Ólymíuleikanna í dag. Jakob
Jóhann tekur þá þátt í undanrás-
um í 100 metra bringusundi en
hann tekur einnig þátt í 200 metra
bringusundi.
Þetta er í þriða sinn sem Jakob
Jóhann tekur þátt á Ólympíuleik-
unum . Honum gekk ekki sérstak-
lega vel í Aþenu 2004 og var þá
hundóánægður með sjálfan sig.
“Ég er búinn að hugsa mikið um
þetta. Fyrir átta árum kom ég
afslappaður til leiks enda ungur
og ekki búist við neinu. Ég ætlaði
mér stóra hluti í Aþenu en það
gekk ekki. Ég ætla að njóta þess-
ara leika. Ég setti of mikla pressu
á mig síðast, hugsaði of mikið um
árangur og naut þess ekki að vera
þar. Var bara pirraður og stífnaði
því upp. Það verður annað upp á
teningnum núna,” sagði Jakob
kátur eftir æfingu í sundhöllinni
glæsilegu.
„Ég er í fínu standi og takmark-
ið núna er að bæta minn besta
tíma. Ég hef verið að æfa mjög
vel og fór meðal annars í æfinga-
búðir með Evrópumethafanum
frá Noregi. Við skelltum okkur
upp í háfjallabúðir á Spáni og
vorum þar tveir að æfa í fjórar
vikur í maí. Við keyrðum hvorn
annan út og það skilaði mér
miklu,“ sagði hinn 25 ára Jakob
Jóhann sem útilokar ekki að reyna
einnig að komast á næstu Ólymp-
íuleika.
„Það er verulega gaman að vera
hér í Peking. Maður hefur ekki
séð neitt nema neikvæðar fréttir í
fjölmiðlum af þessum stað. Svo
kemur maður hingað og þetta er
alls ekkert svona hræðilegt. Flott-
ar byggingar og allt bara veru-
lega glæsilegt,“ sagði Jakob sem
er hjátrúarfullur og klikkar aldrei
á einu atriði.
“Ég labba alltaf út á bakka í
gömlum fótboltasokkum. Þetta
eru svona 14 ára gamlir sokkar
sem ég fékk þegar ég var í fótbolt-
anum með Fram. Mér líður alltaf
vel að labba að lauginni í þessum
sokkum. Ég veit ekki af hverju,“
sagði Jakob kíminn. - hbg
Jakob Jóhann Sveinsson er í hörkuformi þessa dagana en hann keppir í dag:
Á bakkanum í fótboltasokkum
GÓÐIR SOKKAR Jakobi líður vel í
fótboltasokkum þegar hann labbar að
lauginni, sem er einmitt það sem hann
gerir í dag. FRÉTTABLAÐIÐ/VILHELM
PEKING 2008 Suðurnesjastúlkan
Erla Dögg Haraldsdóttir hefur
verið ein skærasta stjarnan í
íslensku sundlífi undanfarin
misseri. Þessi geðþekka sund-
drottning keppir í 100 metra
bringusundi í dag og í 200 metra
fjórsundi á morgun.
„Mér líður mjög vel og það er
aðeins að byggjast upp spenna
hjá mér. Biðin hefur ekki verið
löng eftir leikunum, tíminn liðið
nokkuð hratt en það er æðislegt
að vera komin hingað. Þetta er í
raun ekki alveg eins og ég átti
von á, það er allt hér mun betra
en ég bjóst við,“ sagði Erla Dögg
brosmild en hún bíður spennt
eftir því að synda í sundhöllinni
glæsilegu.
„Það verður alveg svakalegt og
frábært að fá að taka þátt í þessu.
Vonandi halda taugarnar hjá mér
svo ég einbeiti mér bara að minni
braut og láti annað ekki trufla
mig. Stefnan er að bæta mína
bestu tíma og ég er í raun ekkert
að hugsa um nein sæti. Ef ég bæti
minn besta tíma á ég kannski smá
von um að komast áfram,“ sagði
Erla Dögg sem er að taka þátt í
sínum fyrstu Ólympíuleikum. - hbg
Erla Dögg í eldlínunni:
Frábært að taka
þátt í þessu
Norðurlandamótið í körfub.
Ísland-Finnland 46-57 (20-28)
Stig Íslands: Signý Hermannsdóttir 11 (20 fráköst,
5 varin skot), Helena Sverrisdóttir 11, Kristrún
Sigurjónsdóttir 6, Hildur Sigurðardóttir 5, Sigrún
Ámundadóttir 5, Petrúnella Skúladóttir 3, Pálína
Gunnlaugsdóttir 3, Margrét Kara Sturludóttir 2.
Landsbankadeild kvenna:
Afturelding-Valur 0-8
KR-Fylkir 5-0
Fjölnir-HK/Víkingur 3-1
Keflavík-Stjarnan 0-0
ÚRSLIT
ERLA DÖGG Vonast til að halda tauga-
spennunni réttri í keppninni.
FRÉTTABLAÐIÐ/VILHELM