Fréttablaðið - 09.08.2008, Blaðsíða 56

Viltu fá upplýsingar um hraða, tíma, vegalengd og kaloríur sem þú
hefur brennt á meðan þú hleypur? Með Nike+ getur þú fengið allar
þessar upplýsingar um leið og þú hlustar á uppáhalds tónlistina
þína. Nemi í Nike hlaupaskónum þínum fylgist með hverju skrefi
sem þú tekur og skilar upplýsingunum í iPodinn þinn.
Kynntu þér NIKE+ á næsta sölustað og upplifðu hlaupin
þín á nýjan og skemmtilegri hátt
Kíktu á nike.is og kynntu þér málið
40 9. ágúst 2008 LAUGARDAGUR
sport@frettabladid.is
FH lenti ekki í teljandi vandræðum með væng-
brotið lið Þróttar og vann örugglega 2-0 og hélt
þar með toppsætinu.
Litlu munaði hins vegar að Keflavík tapaði
mikilvægum stigum gegn botnliði HK á heimavelli
sínum en Keflvíkingurinn Hörður Sveinsson skor-
aði sigurmarkið á lokasekúndum leiksins.
ÍA sótti heldur ekki gull í greipar Fram og tapaði
2-0 á Laugardalsvelli. Tvíburarnir Arnar og Bjarki
eru því enn að leita eftir sínum fyrsta sigri í
Landsbankadeildinni en þeir voru báðir í
byrjunarliði ÍA í leiknum.
Breiðablik og KR gerðu 1-1 jafn-
tefli í skemmtilegum fótboltaleik
á Kópavogsvelli en hvorugt
liðið var eflaust sátt með það því
þar með misstu þau sjónar af
toppliðunum í bili.
Valsmenn héldu hins
vegar pressunni á FH
og Keflavík með 2-0 sigri gegn Fylki og hafa unnið
fimm af síðustu sex leikjum sínum í deildinni.
Grindvík hélt uppteknum hætti á útivelli þegar
liðið heimsótti Fjölni í Grafarvoginn og vann 0-1
en Grindvíkingar hafa unnið fimm af sjö útileikjum
sínum í deildinni en aðeins unnið einn heimaleik.
14. UMFERÐ LANDSBANKADEILDAR KARLA: ENN VERSNAR STAÐAN HJÁ HK OG ÍA
FH-ingar áfram í toppsætinu
TÖLURNAR TALA
Flest skot: 15, FH
Flest skot á mark: 10, FH
Fæst skot: 5, Þróttur
Hæsta með.ein.: 6,8 KR og Valur
Lægsta meðaleink.: 5,0 ÍA
Grófasta liðið: 17 brot, Bb. og Gr.
Prúðasta liðið: 10 brot, Valur
Flestir áhorf.: Breiðab.-KR, 1.806
Fæstir áhorf.: Valur-Fylkir, 697
Áhorfendur alls: 6.686
> Besti dómarinn: Þrír dómarar
voru efstir með 7 í einkun fyrir
14. umferð. Þóroddur Hjaltalín
fyrir leik Fram og ÍA, Garðar Örn
Hinriksson fyrir leik Breiðabliks
og KR og Þorvaldur Árnason fyrir
leik Kefl avíkur og HK.
Grétar Sigfinnur
Sigurðarson (3)
Albert Brynjar
Ingason
Sam Tillen (3)
Guðmundur
Benediktsson (3)Tryggvi
Guðmundsson (6)
Ívar Björnsson
Finnur Orri
Margeirsson
Matthías
Vilhjálmsson
(3)
Mitja Brulc
Kjartan Sturluson (3)
Davíð Þór
Viðarsson
>Atvik umferðarinnar
Sigurmark Keflvíkingsins Harðar Sveinssonar á lokasek-
úndunum í 3-2 sigri Keflavíkur gegn lánlausu liðið HK.
Þremur mínútum áður hafði HK jafnað og allt stefndi í
jafntefli. Dýrmætt mark þar á ferð.
>Ummæli umferðarinnar
„Það var engu líkara en ég væri enn í Fylki
því stuðningsmenn þeirra sungu um mig
allan leikinn. Ég átti alla stúkuna og
það hjálpaði mér. Þeir mega
endilega mæta á fleiri Valsleiki,“
sagði Valsarinn Albert Brynjar
Ingason eftir að hafa skorað eitt mark
og lagt upp annað gegn sínum gömlu
félögum í Fylki.
PEKING 2008 Sarah Blake Bateman
er ekki nafn sem margir
íþróttaunnendur kannast vel við.
Enda er stúlkan fædd og uppalinn
í Flórída. Sarah, sem er 18 ára, er
íslensk í móðurættina og varð
nýlega íslenskur ríkisborgari.
Hún keppir í 100 metra baksundi á
Ólympíuleikunum í dag.
„Það er svo sannarlega draumur
að rætast hjá mér að vera komin á
Ólympíuleikana. Ég er gríðarlega
spennt og get ekki beðið eftir að fá
að keppa. Það var takmark mitt að
komast hingað, bjóst við því að ná
lágmarki en var samt svolítið
hissa þegar það gerðist,“ sagði
Sarah brosmild eftir æfingu í
sundhöllinni en hún nýtur
Ólympíureynslunnar í botn.
„Mjög spennandi að vera hérna
og maður finnur spennuna í öllum.
Þetta er mjög sérstakt andrúms-
loft. Sundið mitt hérna í Höllinni
verður án vafa það mest spenn-
andi í lífi mínu. Stefnan er að bæta
minn besta tíma. Ég vona að ég
verði ekki of stressuð og reyni að
dreifa huganum. Það er hættulegt
að hugsa of mikið um sundið,“
sagði Sarah sem er stolt af því að
keppa fyrir Ísland.
„Það er mjög spennandi að
keppa fyrir Ísland og ég er lánsöm
að fá þetta tækifæri enda ætla ég
að njóta þess,“ sagði Sarah og
stakk af aftur ofan í laugina.
- hbg
Íslenska Flórídastúlkan stingur sér til sunds í dag:
Ég er lánsöm að
fá þetta tækifæri
BATEMAN Vonar að stressið nái ekki til sín þegar á hólminn kemur.
FRÉTTABLAÐIÐ/VILHELM
FÓTBOLTI Albert Brynjar hefur
ekki verið fastamaður í byrjunar-
liði Vals í sumar en hann nýtti
tækifæri sitt vel þegar gömlu
félagarnir hans úr Fylki komu í
heimsókn á Vodafonevöllinn.
„Það var ekki erfitt að koma sér
í gírinn fyrir leikinn, það er nokk-
uð ljóst. Ég var harðákveðinn að
gefa mig hundrað prósent í leikinn
og halda áfram á fullu allan tím-
ann, sama á hverju myndi ganga.
Ég hef ekki fengið að spila eins
mikið og ég vildi en ég vissi alveg
þegar ég gekk til liðs við Val að
samkeppnin væri mikil og maður
þyrfti að vera þolinmóður og bíða
eftir tækifærunum. Ég fékk þarna
tækifæri og mér fannst þetta
ganga fínt. Ég byrjaði ef til vill
rólega og klúðraði ágætis færi
snemma leiks en hélt bara áfram
og fann það á mér að ég myndi
skora ef ég fengi aftur svipað
færi. Það gekk eftir,“ segir Albert
sem lagði upp fyrra mark Vals
fyrir Guðmund Benediktsson og
skoraði svo það seinna sjálfur í 2-0
sigrinum.
„Það var frábært að fá að spila
loksins með Gumma. Þetta var í
fyrsta skiptið sem ég byrjaði með
honum frammi, því þegar hann
var meiddur var ég að leysa hann
af og spilaði þá aðeins fyrir aftan
fremsta mann. Það er fínt að
hlaupa fyrir framan Gumma og
láta leggja upp færi fyrir sig.
Reyndar skuldar hann mér eina
stoðsendingu eftir þennan leik, ég
átti ekki von á því að þetta myndi
þróast þannig, en ég er ekkert
smeykur við að hann borgi það
einhvern tímann aftur,“ segir
Albert Brynjar á léttum nótum en
hann og Guðmundur eru mágar.
Faðir Alberts Brynjars, Ingi
Björn Albertsson, var frægur
markaskorari á sínum tíma og því
lendir framherjinn ungi gjarnan í
því að vera líkt við föður sinn.
Hann játaði í viðtali við Stöð 2
Sport í fyrrakvöld að samanburð-
urinn væri nú orðinn dálítið þreyt-
andi.
„Ég sagði í viðtali í leikslok að
þetta væri nú orðið dálítið þreyt-
andi því alltaf þegar maður klúðr-
ar færi, heyrir maður sagt að sá
gamli hefði nú gert þetta betur og
svo framvegis. Pabbi hló bara
þegar hann sá þetta,“ sagði Albert
að lokum. omar@frettabladid.is
Þarf að vera þolinmóður
Valsarinn Albert Brynjar Ingason átti góðan leik þegar Valur vann Fylki 2-0 og
er fyrir vikið leikmaður 14. umferðar Landsbankadeildar hjá Fréttablaðinu.
EKKI LÍKJA MÉR VIÐ PABBA Albert
viðurkennir að vera þreyttur á að
vera líkt saman við pabba sinn,
en hefur þó lúmskt gaman af.
FR
ÉT
TA
B
LA
Ð
IÐ
/A
R
N
ÞÓ
R