Fréttablaðið - 02.09.2008, Blaðsíða 6

6 2. september 2008 ÞRIÐJUDAGUR
Miele þvottavél verð frá kr.:
109.995
Sportlínan
frá Miele
Hreinn sparnaður
A B
Kynntu þér málið hjá sölumönnum Eirvíkur
KJARAMÁL „Hann sér ekki eftir
þessu. Hann var mjög reiður út af
greininni,“ segir Margret Beke-
meier, eigandi veitingastaðarins
Café Margret, spurð hvort eigin-
maður hennar Horst Müller sæi
eftir því að hafa ráðist inn á skrif-
stofu AFLs starfsgreinasambands
í gærmorgun. Tilefni árásarinnar
var greinaskrif 24 stunda um
starfsmannamál fyrirtækisins.
„Það er ekki satt sem var skrif-
að. Við höfum sent alla pappíra til
stjórnvalda; vegabréf og fleira
fyrir starfsfólkið okkar, en það
fær ekki kennitölur. Við getum
ekki borgað starfsfólki sem er
ekki með kennitölur,“ segir
Margret og bætir við að þau borgi
starfsmönnum sem séu með kenni-
tölur.
Sverrir Mar Albertsson, fram-
kvæmdastjóri AFLs, segir að
Horst hafi komið inn á skrifstofu
sína og byrjað að æpa. Síðan hafi
hann hreinsað allt af borðinu hans.
Tók Sverrir þá til þess bragðs að
stökkva fram fyrir borðið og halda
honum. Til örlítilla handalögmála
kom, en þó ekki þannig að sæist á
mönnum, að sögn Sverris. AFL
hyggst kæra árásina.
„Auk kærunnar munum við fara
fram á að fá að skoða launaseðla,
ráðningarsamninga og vaktaplön
fyrirtækisins og munum biðja um
aðstoða lögreglu við að fá það,“
segir Sverrir.
- vsp
Þýskur veitingamaður réðst inn á skrifstofu verkalýðsfélags í gærmorgun:
Horst sér ekki eftir atvikinu
Á TJÁ OG TUNDRI Skrifstofan var illa
leikin eftir samskipti veitingamannsins
við framkvæmdastjóra AFLs.
MYND/AUSTURGLUGGINN
BANDARÍKIN Fellibylurinn Gústav
skall á land suðvestan við New
Orleans um klukkan hálfþrjú í
gær. Gústav var slappari en gert
hafði verið ráð fyrir. Þrátt fyrir
það náði hann að eyðileggja raf-
magnslínur í New Orleans og urðu
700 þúsund heimili rafmagnslaus.
Talið er að eignatjón vegna felli-
bylsins nemi um átta milljörðum
dala, eða tæplega 700 milljörðum
króna. Í fyrradag gerðu svartsýn-
ustu spár ráð fyrir að eignatjónið
gæti orðið meira en þrjátíu millj-
arðar dala, eða 2.500 milljarðar
króna.
„Þetta virðist ekki vera eins
slæmt og síðast,“ segir Linda
Garðarsdóttir, fyrrverandi söng-
kona pönkhljómsveitarinnar Q4U
og íbúi New Orleans til fimmtán
ára. Segist hún fegin að ekki hafi
verr farið.
Linda segir að vonandi verði til-
kynnt í dag um hvenær hægt sé að
snúa til heimila sinna. Sjálf keyrði
hún með snarhasti til Seaport, sem
er bær nyrst í Louisiana-ríki.
Búist var við að fellibylurinn
yrði fimmta stigs fellibylur þegar
hann skylli á land í Bandaríkjun-
um. Hins vegar var hann aðeins
tveggja stiga þegar hann kom á
land í bænum Cocodrie. Eftir því
sem á leið dvínaði hann verulega
og mældist vindhraði síðdegis um
fjörutíu metrar á sekúndu. Felli-
bylurinn færðist nær Texas með
kvöldinu.
Í kjölfar fellibylsins gerði mikið
úrhellisveður í New Orleans.
Árnar flæddu yfir varnargarða
borgarinnar en eignatjón í borg-
inni var þó minniháttar. Smábáta-
höfn sem nýlega hafði verið löguð
til skemmdist töluvert og fjórir
bátar, í það minnsta, losnuðu frá
höfninni.
George Bush Bandaríkjaforseti
fór til Texas í fyrradag til að fylgj-
ast með viðbúnaði stjórnvalda.
Sagði hann í gær að viðbúnaðurinn
væri töluvert betri en fyrir þremur
árum, þegar Katrína eyðilagði
flest sem fyrir varð.
Ray Nagin, borgarstjóri New
Orleans, hvatti íbúa borgarinnar
um helgina til að yfirgefa hana
vegna hræðslu við svipaðar
hörmungar og urðu í kjölfar felli-
bylsins Katrínu árið 2005.
Tvær milljónir manna hlýddu
orðum Nagins og flýðu heimili sín
í Louisiana-ríki vegna Gústavs.
Um tíu þúsund urðu eftir á heimil-
um sínum í New Orleans, en í borg-
inni búa um tvö hundruð þúsund
manns.
Gústav reið yfir Karíbahaf í síð-
ustu viku. Síðan þá hefur felli-
bylurinn orðið 88 manns að aldur-
tila. vidirp@frettabladid.is
Um 700 milljarða
tjón vegna Gústavs
Fellibylurinn Gústav var ekki eins öflugur og gert hafði verið ráð fyrir þegar
hann skall á strönd Bandaríkjanna. Eignatjón er samt talið nema allt að 700
milljörðum króna. Íslenskur íbúi New Orleans er feginn að ekki hafi farið verr.
MEÐ VINDINN Á HÆLUNUM Aðeins voru um tíu þúsund íbúa New Orleans eftir í
borginni þegar Gústav skall á í gær. Þessi mæðgin voru meðal þeirra sem eftir voru.
FRÉTTABLAÐIÐ/AP
STJÓRNSÝSLA Framkvæmdir við vatnsátöppunarverk-
smiðju Icelandic Water Holding í Ölfusi þurfa ekki
að fara í umhverfismat því umhverfisráðuneytið
hefur nú ógilt fyrri úrskurð sinn þar að lútandi.
Umhverfisráðuneytið úrskurðaði í maí í vor að
vatnsátöppunarverksmiðjan þyrfti í umhverfismat.
Icelandic Water Holding óskaði í júní eftir að
ráðuneytið tæki málið upp að nýju þar sem Orku-
stofnun hefði sent ráðuneytinu gallaða umsögn.
Ráðuneytið tók ekki undir það en byggði nýjan
úrskurð hins vegar á breyttu áliti Orkustofnunar í
málinu.
„Byggir hin breytta afstaða Orkustofnunar á
nýjum upplýsingum um vatnafar á umræddu
framkvæmdasvæði. Afstöðubreyting stofnunarinnar
byggist einkum á skuldbindingum framkvæmdarað-
ila um að umgangast svæðið með það að markmiði að
vatnsauðlindum verði ekki spillt, ákvörðun fram-
kvæmdaraðila um að umgangast iðnaðarsvæðið eins
og það nyti vatnsverndar og einnig að frárennsli frá
verksmiðjunni verði fargað utan iðnaðarsvæðis og
vatnsverndarsvæðis,“ segir í nýja úrskurði umhverf-
isráðuneytisins.
Þess má geta að þrátt fyrir fyrri úrskurð umhverfis-
ráðuneytisins um umhverfismat eru framkvæmdir
við vatnsátöppunarverksmiðjuna á lokastigi. Áætlað
er að vinnsla hefjist þar til reynslu í næstu viku. - gar
Umhverfisráðuneyti ógildir eigin úrskurð vegna breyttrar afstöðu Orkustofnunar:
Vatnsátöppun ekki í umhverfismat
JÓN ÓLAFSSON Eigandi Icelandic Water Holding sem nú losnar
undan fyrri kröfum um umhverfismat fyrir vatnsátöppunar-
verksmiðju í Ölfusi. FRÉTTABLAÐIÐ/VALLI
DÓMSMÁL Karlmaður á þrítugs-
aldri hefur verið dæmdur í
þrjátíu daga fangelsi, skilorðs-
bundið, fyrir að hóta tveimur
lögreglumönnum lífláti.
Maðurinn, sem er til heimilis í
Vesturbyggð, var ákærður fyrir
brot gegn valdstjórninni með því
að hafa aðfaranótt sunnudagsins
1. júlí 2007, á hafnarsvæðinu við
Bíldudalshöfn í Vesturbyggð,
hótað tveimur lögreglu mönnum
lífláti með því að segja: „Þið eruð
dauð“ og „Ég kem með lið á
morgun og við drepum ykkur öll“.
Maðurinn viðurkenndi brot sitt
fyrir dómi.
- jss
Hótaði lögreglumönnum:
Dæmdur fyrir
morðhótun
Auglýsingasími
– Mest lesið
Eiga að vera til siðareglur sem
skikka þingmenn til að greina
frá eignum sínum?
Já 79,5%
Nei 20,5%
SPURNING DAGSINS Í DAG
Fórst þú á Jemenmarkaðinn
um helgina?
Segðu skoðun þína á visir.is
KJÖRKASSINN