Fréttablaðið - 02.09.2008, Blaðsíða 27

ÞRIÐJUDAGUR 2. SEPTEMBER 2008
Hjá Fjarkennsla.com – símennt-
un og ráðgjöf, er boðið upp á nám-
skeið á netinu sem nemendur geta
stundað hvar og hvenær sem er
sólarhringsins.
Fjarkennsla.com – símenntun
og ráðgjöf hefur starfað í ellefu
ár og segir Kristín Helga Guð-
mundsdóttir, framkvæmdastjóri
og kennari hjá fyrirtækinu, þau
hafa verið meðal brautryðjenda
í fjarkennslu á netinu. Hún segir
að námskeiðin séu meðal ann-
ars hugsuð fyrir fólk sem vill
hefja fyrirtækjarekstur eða starf-
rækir nú þegar lítil eða meðal-
stór fyrirtæki því mikil áhersla er
lögð á viðskipta- og tölvutengdar
greinar. Einnig segir hún að í boði
séu námskeið á netinu og í stað-
námi fyrir fræðslustéttir.
„Við miðum við hópa sem eiga
kannski ekki svo auðvelt með að
komast á staðnámskeið,“ segir
Kristín. „Þá á ég við fólk sem er
búsett úti á landi eða konur og
karla sem eru heima hjá börnum
og sinna þeim en vilja bæta við
sig í þeim fögum sem við erum að
bjóða upp á.“
Kristín
segir að
námskeið-
in standi
yfir leitt yfir
í fjórar til átta
vikur og að
þátttakendur fái
viðurkenningar-
skjöl að námskeiði
loknu.
En hvernig er fylgst
með því að nemendurnir
vinni fyrir viðurkenningunni?
„Við fylgjumst með okkar fólki
og látum það ekkert í friði. Við
höfum oft frumkvæði að því að
hvetja það til dáða eða hafa sam-
band ef við sjáum að þau eru ekki
byrjuð að vinna,“ segir Kristín og
bætir við að vel sé haldið utan
um nemendurna en þeir fá ekki
viðurkenningu nema þeir hafi
skilað inn um áttatíu prósent-
um verkefna.
Nánari upplýsingar má
nálgast á www.fjar-
kennsla.com.
- mmf
Fylgst með nemunum
Kristín Helga Gunnarsdóttir segir Fjar-
kennslu.com einkum bjóða námskeið
fyrir fólk í fyrirtækjarekstri.
FRÉTTABLAÐIÐ/STEFÁN
Hægt er að stunda nám hjá
Fjarkennslu.com á netinu hvar
og hvenær sem er.
Börn geta fundið námsefni við sitt hæfi
á skolavefurinn.is. NORDICPHOTOS/GETTY
Á heimasíðunni www.skola-
vefurinn.is má finna efni sem
nemendur í leik- og grunnskólum
geta nýtt á skólagöngu sinni en
foreldrar geta einnig fundið þar
efni til að hjálpa börnum sínum að
ganga menntaveginn.
„Heimilin eru heldur betur að
sækja í skólavefinn en í vor voru
tæplega fjögur þúsund heim-
ili áskrifendur að vefnum,“ segir
Ingólfur B. Kristjánsson ritstjóri.
„Hvert heimili þarf bara eina
áskrift og fólk er auðvitað ánægt
með að allir geti nýtt sér sömu
áskriftina.“ Ingólfur segir áskrif-
endur almennt telja vefinn auð-
veldan í notkun. „Þeir sem lent
hafa í einhverjum vandræðum
hringja til okkar eða senda tölvu-
póst og fá leiðbeiningar. Á síðunni
eru líka leiðsagnir um vefinn sem
þýðir að hann er útskýrður fyrir
hverjum aldurshópi og sýnt er
hvernig má nota hann fyrir mis-
munandi aldurshópa.“ - mmf
Námshjálpin
á netinu heima